ഒന്നാം വർഷ ബിരുദ പ്രവേശനം - 2017: എസ്സി/എസിടി സ്പോട്ട് അലോട്ട്മെന്റ് - കോളജ് പ്രവേശനം 14വരെ
201718ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുണ്ടായിരുന്ന എസ്സി/എസ്ടി സീറ്റുകളിലേക്ക് ഒന്പതിന് കേരള സർവകലാശാല സെനറ്റ് ഹാളിലും ആലപ്പുഴ എസ്.ഡി.കോളജിലും, ഓഗസ്റ്റ് 10ന് കൊല്ലം എസ്എൻകോളജിലും അടൂർ സെന്റ് സിറിൾസ് കോളജിലും നടന്ന സ്പോട്ട് അലോട്ട്മെന്റുകളിൽ അലോട്ട്മെന്റ് മെമ്മോ ലഭിച്ച വിദ്യാർഥികൾ 11, 14 തീയതികളിലായി മെമ്മോയും മറ്റ് അസൽ രേഖകളും സഹിതം മെമ്മോയിൽ പറഞ്ഞിരിക്കുന്ന കോളജിൽ ഹാജരായി പ്രവേശനം നേടണം. 14നകം കോളജിൽ ഹാജരായി പ്രവേശനം നേടാത്തവരുടെ അലോട്ട്മെന്റ് നഷ്ടമാകും.
പിജിഡിഡിഎൻ, പിജിഡിഎപി, പിജിഡിസിഎഎഫ്സി, പിജിഡിബിടി ഡിപ്ലോമ സപ്ലിമെന്ററി പരീക്ഷ
വിദൂര വിദ്യാഭ്യാസ പഠന കേന്ദ്രം ഒക്ടോബറിൽ നടത്തുന്ന പിജിഡിഡിഎൻ, പിജിഡിഎപി, പിജിഡിസിഎഎഫ്സി, പിജിഡിബിടി ഡിപ്ലോമ കോഴ്സുകളുടെ സപ്ലിമെന്ററി പരീക്ഷക്കുള്ള വിജ്ഞാപനവും വിശദവിവരങ്ങളും വെബ്സൈറ്റിൽ ലഭിക്കും.
ബിഎഎംഎസ് ഫലം
മാർച്ചിൽ നടത്തിയ മൂന്നാം വർഷ ബിഎഎംഎസ് പരീക്ഷയുടെ ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും 31വരെ അപേക്ഷിക്കാം.
എൽഎൽഎം പി.ജി പ്രവേശന പരീക്ഷ: ബിരുദതല മാർക്ക് അപ്ലോഡ് ചെയ്യൽ അവസാന തീയതി 30 വരെ നീട്ടി
കാര്യവട്ടം കാന്പസിലെ നിയമ വകുപ്പിന്റെ കീഴിലുള്ള ഏകവത്സര എൽഎൽഎം പി.ജി കോഴ്സിന് പ്രവേശന പരീക്ഷ എഴുതിയവർ അവരവരുടെ ബിരുദതല മാർക്ക് അപ്ലോഡ് ചെയ്യുന്നതിനുള്ള അവസാന തീയതി 30 വരെ നീട്ടി.
ബിബിഎ, ബിഎസ്സി ഫലം
2016 നവംബറിൽ നടത്തിയ (2013ന് മുന്പുള്ളത്) രണ്ടാം സെമസ്റ്റർ കരിയർ റിലേറ്റഡ് സിബിസിഎസ്എസ് ബിബിഎ യുടെയും ബിഎസ്സി ഇലക്ട്രോണിക്സിന്റെയും പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും 25വരെ അപേക്ഷിക്കാം.
ബിഎച്ച്എം പ്രാക്ടിക്കൽ
ജൂലൈയിൽ നടത്തിയ ആറാം സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്റ് & കാറ്ററിംഗ് ടെക്നോളജിയുടെ (2011 സ്കീം) (ബിഎച്ച്എം) പ്രാക്ടിക്കൽ പരീക്ഷകൾ 16, 17 തീയതികളിൽ അതാത് കോളജുകളിൽ നടത്തും. വിശദമായ ടൈംടേബിൾ വെബ്സൈറ്റിൽ .
എംബിഎ ഫലം
എംബിഎ ട്രാവൽ ആൻഡ് ടൂറിസം ഒന്നാം സെമസ്റ്ററിന്റെയും നാലാം സെമസ്റ്ററിന്റെയും (2011 സ്കീം) പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് 25വരെ അപേക്ഷിക്കാം.
ബിബിഎ ഫലം
വിദൂര വിദ്യാഭ്യാസ കേന്ദ്രം ഏപ്രിലിൽ നടത്തിയ ബിബിഎ (2014 റഗുലർ & 2013 സപ്ലിമെന്ററി) അഞ്ചാം സെമസ്റ്റർ പരീക്ഷാഫലം പ്രസിദ്ധീകരിച്ചു. പരീക്ഷാഫലം വിദൂര വിദ്യാഭ്യാസ കേന്ദ്രത്തിൽ നിന്നും ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ പത്ത് വരെ അപേക്ഷിക്കാം.
എൽഎൽബി ഫലം
2016 ഒക്ടോബറിൽ നടത്തിയ നാലാം സെമസ്റ്റർ യൂണിറ്ററി ത്രിവത്സര എൽഎൽബി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും സെപ്റ്റംബർ 28 വരെ അപേക്ഷിക്കാം.
എംടെക് ഫലം
ഡിസംബറിൽ നടത്തിയ ഒന്നും (2008 സ്കീം) രണ്ടും (2013 സ്കീം) എംടെക് (കംപ്യൂട്ടർ സയൻസ്) സപ്ലിമെന്ററി പരീക്ഷകളുടെ ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്ക് 29വരെ അപേക്ഷിക്കാം.