എംഎ പൊളിറ്റിക്കൽ സയൻസ്: സീറ്റൊഴിവ്
കാര്യവട്ടം പൊളിറ്റിക്കൽ സയൻസ് വിഭാഗത്തിൽ എംഎ പൊളിറ്റിക്കൽ സയൻസിന് (201719 ബാച്ച്) പട്ടിക വർഗം (എസ്.ടി) വിഭാഗത്തിൽ ഒരു സീറ്റ് ഒഴിവുണ്ട്. അർഹരായ വിദ്യാർഥികൾ അസൽ സർട്ടിഫിക്കറ്റുകളുമായി സെപ്റ്റംബർ രണ്ടിനു രാവിലെ 10ന് കാര്യവട്ടം പൊളിറ്റിക്കൽ സയൻസ് ഡിപ്പാർട്ട്മെന്റിൽ ഹാജരാകണം.
എംടെക് (ടെക്നോളജി മാനേജ്മെന്റ്) സ്പോട്ട് അഡ്മിഷൻ
കാര്യവട്ടം ഫ്യൂച്ചേർസ് സ്റ്റഡീസ് പഠനവകുപ്പിൽ എംടെക് (ടെക്നോളജി മാനേജ്മെന്റ്) (201719 ബാച്ച്) പ്രവേശനത്തിനായി എസ്സി/എസ്ടി വിഭാഗത്തിന് (2 സീറ്റ്) സ്പോട്ട് അഡ്മിഷൻ നടത്തുന്നു. താത്പര്യമുള്ളവർ അപേക്ഷാ ഫോമും (അപേക്ഷാ ഫീസ് 500 രൂപ) സർട്ടിഫിക്കറ്റുകളുടെ അസൽ പകർപ്പുകളുമായി സെപ്റ്റംബർ രണ്ടിനു രാവിലെ 10.30ന് പഠനവകുപ്പിൽ ഹാജരാകണം. വിശദവിവരങ്ങൾ വെബ്സൈറ്റിൽ ലഭിക്കും.
യോഗ രജിസ്ട്രേഷൻ
കായിക പഠനവകുപ്പ് യൂണിവേഴ്സിറ്റി സ്റ്റേഡിയത്തിലെ ജി.വി. രാജ പവിലിയനിൽ പൊതു ജനങ്ങൾക്കായി സംഘടിപ്പിച്ചു വരുന്ന പ്രതിമാസ യോഗ പരിശീലന പരിപാടിയുടെ സെപ്റ്റംബർ മാസത്തെ രജിസ്ട്രേഷൻ ആരംഭിച്ചു. അപേക്ഷകൾ കായിക പഠന വകുപ്പ് ഓഫീസിൽ ലഭിക്കും. വിശദവിവരങ്ങൾക്ക് ഫോണ്: 8921507832/ 0471 2306485
അപേക്ഷിക്കാനുള്ള തീയതി നീട്ടി
ജൂലൈ 15ന് ഫലം പ്രസിദ്ധീകരിച്ച പാർട്ട് മൂന്ന് ബികോം ആന്വൽ സ്കീം പരീക്ഷയുടെ സൂക്ഷ്മപരിശോധനയ്ക്കും പുനർമൂല്യനിർണയത്തിനും അപേക്ഷിക്കാനുള്ള തീയതി സെപ്റ്റംബർ 20 വരെ നീട്ടി.
ബിസിഎ പ്രായോഗിക പരീക്ഷകൾ
ജൂലൈയിൽ നടത്തിയ കരിയർ റിലേറ്റഡ് സിബിസിഎസ്എസ് ബിസിഎ കോഴ്സിന്റെ നാലാം സെമസ്റ്റർ പ്രായോഗിക പരീക്ഷകൾ സെപ്റ്റംബർ 13നും രണ്ടാം സെമസ്റ്റർ പ്രായോഗിക പരീക്ഷകൾ സെപ്റ്റംബർ 20നും തുടങ്ങും. വിശദവിവരങ്ങൾ വെബ്സൈറ്റിൽ ലഭിക്കും.