ബിഎ/ബികോം/ബിബിഎ എൽഎൽബി സൂക്ഷ്മപരിശോധന
2016 സെപ്റ്റംബറിൽ നടത്തിയ ബിഎ/ബികോം/ബിബിഎ എൽഎൽബി പരീക്ഷയുടെ സൂക്ഷ്മപരിശോധനയ്ക്കായി അപേക്ഷിച്ചവർ 28 മുതൽ നവംബർ നാല് വരെയുള്ള പ്രവർത്തിദിവസങ്ങളിൽ ഹാൾടിക്കറ്റുമായി പുനഃപരിശോധനാ വിഭാഗത്തിൽ എത്തിച്ചേരേണ്ട താണ്.
ബികോം ഫലം
മേയിൽ നടത്തിയ അഞ്ചാം സെമസ്റ്റർ എഫ്ഡിപി സിബിസിഎസ് ബികോം ഡിഗ്രി സപ്ലിമെന്‍ററി പരീക്ഷാഫലം (2010 അഡ്മിഷൻ മേഴ്സി ചാൻസ്, 2011 ആൻഡ് 2012 അഡ്മിഷൻ) വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി അപേക്ഷിക്കേണ്ട അവസാന തീയതി നവംബർ 15. ഇതിലേക്കായി വെബ്സൈറ്റിൽ നിന്ന് ലഭിക്കുന്ന കരട് മാർക്ക്‌ലിസ്റ്റ് ഉപയോഗിക്കാവുന്നതാണ്.
എംഎഫ്എ പരീക്ഷ
നവംബർ 13 ന് ആരംഭിക്കുന്ന രണ്ടാം സെമസ്റ്റർ എംഎഫ്എ (പെയിന്‍റിംഗ് ആൻഡ് സ്കൾപ്ച്ചർ) ഡിഗ്രി പരീക്ഷയ്ക്ക് പിഴകൂടാതെ ഇൗ മാസം 31 വരെയും 125 രൂപ പിഴയോടെ നവംബർ മൂന്ന് വരെയും ഫീസടച്ച് രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ
ഹിയറിംഗിന് ഹാജരാകണം
വിദ്യാർഥികളിൽ നിന്നും ലഭിച്ച പരാതികളുടെ അടിസ്ഥാനത്തിൽ സിൻഡിക്കറ്റിന്‍റെ അഫിലിയേഷൻ കമ്മിറ്റി 31 രാവിലെ 10.30 ന് ചെറുവാരക്കോണം സിഎസ്ഐ ഇൻസ്റ്റിറ്റ്യൂട്ട് ഓഫ് ലീഗൽ സ്റ്റഡീസിൽ നടത്തുന്ന ഹിയറിംഗിന് പരാതിക്കാർ തെളിവുകൾ സഹിതം നേരിട്ട് ഹാജരാകേണ്ടതാണ്.
യോഗ രജിസ്ട്രേഷൻ
കായിക പഠനവകുപ്പ് യൂണിവേഴ്സിറ്റി സ്റ്റേഡിയത്തിലെ ജി.വി. രാജ പവിലിയനിൽ പൊതു ജനങ്ങൾക്കായി സംഘടിപ്പിച്ചു വരുന്ന പ്രതിമാസ യോഗ പരിശീലന പരിപാടിയുടെ നവംബർ മാസത്തെ രജിസ്ട്രേഷൻ ആരംഭിച്ചു. ക്ലാസുകൾ നവംബർ ഒന്നിന് ആരംഭിക്കും. അപേക്ഷകൾ കായിക പഠന വകുപ്പ് ഓഫീസിൽ ലഭിക്കും. വിശദവിവരങ്ങൾക്ക് ഫോണ്: 8921507832/0471 2306485
ബിഎസ്‌സി നഴ്സിംഗ് ഫലം
ജൂലൈ മാസം നടത്തിയ മൂന്നാം വർഷ ബിഎസ്‌സി നഴ്സിംഗ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കേണ്ട അവസാന തീയതി നവംബർ ആറ്
ഹോസ്റ്റൽ പ്രവേശനം
കാര്യവട്ടം ക്യാന്പസിലെ എംഫിൽ വിദ്യാർഥി/വിദ്യാർഥിനികൾക്ക് കാര്യവട്ടത്തെ സർവകലാശാല പുരുഷ/വനിതാ റിസർച്ച് ഹോസ്റ്റലുകളിലേക്കും ഗവ. കോളജുകളിലെ എംഫിൽ വിദ്യാർഥിനികൾക്ക് തൈക്കാട് വനിതാ ഹോസ്റ്റലിലേക്കും പ്രവേശനത്തിനുള്ള അപേക്ഷകൾ ഓണ്‍ലൈനായി ക്ഷണിച്ചുകൊള്ളുന്നു. പ്രവേശനം മെറിറ്റ് അടിസ്ഥാനത്തിലും നിലവിലുള്ള ഹോസ്റ്റൽ പ്രവേശനനിയമങ്ങളും അനുസരിച്ചായിരിക്കും. ഈ അധ്യയന വർഷം മുതൽ ഹോസ്റ്റൽ പ്രവേശനത്തിനുള്ള അപേക്ഷകൾ ഓണ്‍ലൈനായി മാത്രമേ സ്വീകരിക്കുകയുള്ളൂ. എന്ന വെബ്സൈറ്റിലൂടെ അപേക്ഷകൾ ഓണ്‍ലൈനായി സമർപ്പിക്കാവുന്നതാണ്.
എംബിഎ പരീക്ഷ രജിസ്ട്രേഷൻ ആരംഭിച്ചു
നവംബർ 17 മുതൽ തുടങ്ങുന്ന രണ്ടാം സെമസ്റ്റർ എംബിഎ (ഫുൾടൈം/റഗുലർ ഈവനിംഗ്/യുഐഎം/ ട്രാവൽ ആൻഡ് ടൂറിസം) 2014 സ്കീം, 2009 സ്കീം പരീക്ഷകളുടെ രജിസ്ട്രേഷൻ ആരംഭിച്ചു.
അപേക്ഷ ക്ഷണിക്കുന്നു
ഡിപ്പാർട്ട്മെന്‍റ് ഓഫ് കംപ്യൂട്ടേഷണൽ ബയോളജി ആൻഡ് ബയോ ഇൻഫർമാറ്റിക്സിലെ ജീനോം സീക്വൻസിംഗ് പ്രോജക്ടിലേക്ക് “ടെക്നിക്കൽ അസിസ്റ്റന്‍റ്, ബയോ ഇൻഫൊർമേറ്റീഷ്യൻസ്” ഒഴിവുകളിലേക്ക് അപേക്ഷ ക്ഷണിക്കുന്നു. വിശദവിവരങ്ങൾ www.dcb.res.in എന്ന വെബ്സൈറ്റിൽ
എംഎസ്‌സി പ്രാക്ടിക്കൽ വൈവ
നാലാം സെമസ്റ്റർ എംഎസ്‌സി ബോട്ടണി പ്രാക്ടിക്കൽ വൈവ പരീക്ഷകൾ നവംബർ ആറ് മുതൽ അതത് സെന്‍ററുകളിൽ നടത്തുന്നതാണ്. വിശദവിവരങ്ങൾ വെബ്സൈറ്റിൽ
വൈവവോസി പരീക്ഷ തീയതി മാറ്റി
30ന് ആറ്റിങ്ങൽ ഗവ. കോളജിൽ നടത്തുവാൻ നിശ്ചയിച്ച നാലാം സെമസ്റ്റർ എംഎസ്‌സി പോളിമർ കെമിസ്ട്രിയുടെ വൈവവോസി പരീക്ഷ 31ലേക്ക് പുനഃക്രമീകരിച്ചിരിക്കുന്നു. വിശദവിവരങ്ങൾ വെബ്സൈറ്റിൽ
ബിഎ/ബിഎസ്‌സി/ബികോം ടൈംടേബിൾ
നവംബർ മൂന്നിന് ആരംഭിക്കുന്ന നാലാം സെമസ്റ്റർ ബിഎ/ബിഎസ്‌സി/ബികോം (സിബിസിഎസ്എസ് എഫ്ഡിപി 2011, 2012 അഡ്മിഷൻ, 2010 അഡ്മിഷൻ മേഴ്സി ചാൻസ്) പരീക്ഷകളുടെ വിശദമായ വെബ്സൈറ്റിൽ.