മേയിൽ നടത്തിയ സിബിസിഎസ് ബികോം മൂന്നാം അർധവാർഷിക പരീക്ഷാഫലം 2010 അഡ്മിഷൻ മേഴ്സി ചാൻസ്, 2011 ആൻഡ് 2012 അഡ്മിഷൻ സപ്ലിമെന്ററി (2010 പാഠ്യപദ്ധതി) വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി 18. ഇതിലേക്കായി വെബ്സൈറ്റിൽ നിന്ന് ലഭ്യമാകുന്ന കരട് മാർക്ക് ലിസ്റ്റ് ഉപയോഗിക്കാം.
എംസിഎ ഫലം
ആറാം സെമസ്റ്റർ എംസിഎ പരീക്ഷാഫലം (2011 സ്കീം റഗുലർ ആൻഡ് സപ്ലിമെന്ററി) വെബ്സൈറ്റിൽ ലഭിക്കും.
പ്രാക്ടിക്കൽ പരീക്ഷകൾ
ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജിയുടെ രണ്ടാം സെമസ്റ്റർ (2014 & 2011 സ്കീം) പ്രാക്ടിക്കൽ പരീക്ഷകൾ ആറ് മുതലും നാലാം സെമസ്റ്റർ (2014 സ്കീം) പ്രാക്ടിക്കൽ പരീക്ഷകൾ 11 മുതലും അതാത് കേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ ലഭിക്കും.
ബിഎ/ബിഎസ്സി/ബികോം പരീക്ഷകൾ
നാളെ ആരംഭിക്കുന്ന നാലാം സെമസ്റ്റർ, ആറിന് ആരംഭിക്കുന്ന രണ്ടാം സെമസ്റ്റർ ബിഎ/ബിഎസ്സി/ബികോം (സിബിസിഎസ്എസ് എഫ്ഡിപി, 2011, 2012 അഡ്മിഷൻ, 2010 അഡ്മിഷൻ മെഴ്സി ചാൻസ്) പരീക്ഷകൾക്ക് എംജി കോളജ്, തിരുവനന്തപുരം, ടികെഎം കോളജ് ഓഫ് ആർട്സ് ആൻഡ് സയൻസ്, കൊല്ലം, എസ്ഡി കോളജ്, ആലപ്പുഴ എന്നിവ മാത്രമാണ് പരീക്ഷാകേന്ദ്രങ്ങൾ. പരീക്ഷാകേന്ദ്രമായി രജിസ്റ്റർ ചെയ്ത കോളജുകളിൽ നിന്നും ഹാൾടിക്കറ്റ് കൈപ്പറ്റി മേൽപ്പറഞ്ഞ പരീക്ഷാകേന്ദ്രങ്ങളിൽ പരീക്ഷ എഴുതണം. ഇതിനെക്കുറിച്ചുള്ള വിശദവിവരങ്ങളും ടൈംടേബിളും വെബ്സൈറ്റിൽ ലഭിക്കും.
ബിഎസ്സി നഴ്സിംഗ് ഫലം
ജൂലൈയിൽ നടത്തിയ രണ്ടാം വർഷ ബിഎസ്സി നഴ്സിംഗ് (സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 15 വരെ അപേക്ഷിക്കാം.