എംകോം വൈവ വോസി പരീക്ഷ
വിദൂരവിദ്യാഭ്യാസപഠനകേന്ദ്രം നടത്തിയ എംകോം സപ്ലിമെന്ററി (ജൂലൈ ആഗസ്റ്റ് 2017) വൈവ വോസി പരീക്ഷയിൽ പങ്കെടുക്കാൻ സാധിക്കാത്തവർക്കായി ഇന്നു രാവിലെ 11ന് പാളയത്തുള്ള സ്കൂൾ ഓഫ് ഡിസ്റ്റൻസ് എഡ്യൂക്കേഷനിൽ വച്ച് വൈവ വോസി പരീക്ഷ നടത്തും. വിശദവിവരങ്ങൾ വെബ്സൈറ്റിൽ ലഭിക്കും.
എംഎസ്സി ബയോഇൻഫർമാറ്റിക്സ് പ്രാക്ടിക്കൽ/വൈവ
ജൂലൈയിൽ നടത്തിയ നാലാം സെമസ്റ്റർ എംഎസ്സി ബയോഇൻഫർമാറ്റിക്സ് പരീക്ഷയുടെ പ്രാക്ടിക്കൽ/വൈവ പരീക്ഷകൾ ഇന്നു മുതൽ നടത്തും. വിശദവിവരങ്ങൾ വെബ്സൈറ്റിലും കോളജിലും ലഭിക്കും.
ബികോം മേഴ്സിചാൻസ് പരീക്ഷ
ബികോം (1996 സ്കീം മേഴ്സിചാൻസ്) പരീക്ഷകൾ ഡിസംബർ എട്ടിന് ആരംഭിക്കും. പരീക്ഷയെഴുതാൻ ആഗ്രഹിക്കുന്നവർക്ക് 14വരെ (50 രൂപ പിഴയോടെ നവംബർ 16, 125 രൂപ പിഴയോടെ നവംബർ 18) ഫീസടയ്ക്കാം. സാധാരണഗതിയിലുള്ള പരീക്ഷാഫീസിന് പുറമേ 5000 രുപയുടെ മേഴ്സിചാൻസ് ഫീസ്, 200 രൂപ സി.വി ക്യാന്പ് ഫീസ് എന്നിവയും അടയ്ക്കണം. പരീക്ഷാ ടൈംടേബിളൾ പരീക്ഷാകേന്ദ്രം എന്നിവ പിന്നീട് അറിയിക്കും.
മാർക്ക് ലിസ്റ്റുകൾ കൈപ്പറ്റണം
സ്കൂൾ ഓഫ് ഡിസ്റ്റൻസ് എഡ്യുക്കേഷൻ വഴി നടത്തിയ ബിബിഎ ഡിഗ്രി കോഴ്സിന്റെ ആറാം സെമസ്റ്റർ മാർക്ക് ലിസ്റ്റുകൾ (റഗുലർ ആൻഡ് സപ്ലിമെന്ററി) അതാത് പരീക്ഷാ കേന്ദ്രങ്ങളിൽ (തിരുവനന്തപുരം പാളയം എസ്ഡിഇ ഓഫീസ്, കൊല്ലം ഫാത്തിമാ മെമ്മോറിയൽ ട്രെയിനിംഗ് കോളജ്, ചേർത്തല എസ്എൻ കോളജ്) നിന്നും കൈപ്പറ്റണം.
എംഫിൽ കൊമേഴ്സ് വൈവ വോസി
201617 ബാച്ച് എംഫിൽ കൊമേഴ്സിന്റെ വൈവ വോസി പരീക്ഷ കാര്യവട്ടം കൊമേഴ്സ് ഡിപ്പാർട്ട്മെന്റിൽ 10, 13, 14 തീയതികളിൽ നടക്കും.
തീയതി നീട്ടി
ഡിസംബർ ഒന്നിന് തുടങ്ങുന്ന സിബിസിഎസ് ബിഎ/ബിഎസ്സി/ബികോം മൂന്നും അഞ്ചും സെമസ്റ്റർ പരീക്ഷകൾക്ക് അപേക്ഷിക്കാനുള്ള അവസാന തീയതി പിഴകൂടാതെ 10വരെ (50 രൂപ പിഴയോടെ നവംബർ 14, 125 രൂപ പിഴയോടെ നവംബർ 16) നീട്ടി.