എസ്‌സി/എസ്ടി മേഖലാതലത്തിലുള്ള സ്പോട്ട് അലോട്ട്മെന്റ് നടത്തുന്നു
201718ലെ ഒന്നാം വർഷ ബിരുദാനന്തര ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്‌സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. തിരുവനന്തപുരം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ സർവകലാശാല സെനറ്റ് ഹാളിൽ 22നും കൊല്ലം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ കൊല്ലം എസ്എൻ കോളജിൽ 23നും ഹാജരാകണം. ഓരോ മേഖലയിലും ഉൾപ്പെടുത്തിയിരിക്കുന്ന കോളേജുകളുടേയും അതത് കോളേജുകളിൽ ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽ .
എംഎസ്‌സി, എംപിഎ, എംഎംസിജെ ഫലം
ജനുവരിയിൽ നടത്തിയ മൂന്നാം സെമസ്റ്റർ എംഎസ്‌സി മൈക്രോബയോളജി, എംപിഎ, എംഎംസിജെ എന്നീ പി.ജി കോഴ്സുകളുടെ പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
എംഎംസിജെ വൈവ
ജൂലൈയിൽ നടത്തിയ നാലാം സെമസ്റ്റർ എംഎംസിജെ പരീക്ഷയുടെ വൈവ 24ന് നടത്തും. വിശദവിവരങ്ങൾ വെബ്സൈറ്റിലും കോളജിലും ലഭിക്കും.
ബിഎ/ബിഎസ്‌സി/ബികോം ടൈംടേബിൾ
ഡിസംബർ ഒന്നിന് ആരംഭിക്കുന്ന അഞ്ചാം സെമസ്റ്റർ സിബിസിഎസ്, ബിഎ/ബിഎസ്‌സി/ബികോം (2013 അഡ്മിഷൻ മുതൽ) പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
എംഎഡ് ടൈംടേബിൾ
ഡിസംബർ ആറിന് ആരംഭിക്കുന്ന മൂന്നാം സെമസ്റ്റർ എംഎഡ് സ്പെഷൽ എഡ്യൂക്കേഷൻ (എംആർ/ഐഡി) (201618 ബാച്ച്) ദ്വിവത്സര പ്രോഗ്രാം 2015 സ്കീം റഗുലർ, ഡിഗ്രി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
എംബിബിഎസ് പരീക്ഷ മാറ്റി
22 മുതൽ ആരംഭിക്കുവാനിരുന്ന മൂന്നാം വർഷ എംബിബിഎസ് പാർട്ട് രണ്ട് പരീക്ഷകൾ മാറ്റിവച്ചു. പുതുക്കിയ തീയതി പിന്നീട് അറിയിക്കും.
ബിഎസ്‌സി ഫലം
മേയിൽ നടത്തിയ സിബിസിഎസ് അഞ്ചാം സെമസ്റ്റർ ബിഎസ്‌സി (2013ന് മുന്പുള്ള അഡ്മിഷൻ വിദ്യാർഥികളുടെയും മേഴ്സിചാൻസ് വിദ്യാർഥികളുടെയും) പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിന് ഓണ്‍ലൈനായി അപേക്ഷിക്കേണ്ട അവസാന തീയതി ഡിസംബർ എട്ട്.
ബിടെക് പരീക്ഷ
എട്ടാം സെമസ്റ്റർ ബിടെക് ഡിഗ്രി (2008 സ്കീം) സപ്ലിമെന്‍ററി പരീക്ഷയ്ക്ക് 27വരെ (50 രൂപ പിഴയോടെ നവംബർ 29, 125 രൂപ പിഴയോടെ ഡിസംബർ ഒന്ന്) ഫീസടച്ച് അപേക്ഷിക്കാം. ട്രാൻസിറ്ററി / മേഴ്സിചാൻസ് ആയി പ്രസ്തുത പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. വിശദവിവരങ്ങൾ വെബ്സൈറ്റിൽ ലഭിക്കും.
ബിടെക് ടൈംടേബിൾ
ഡിസംബറിൽ നടത്തുന്ന എഴാം സെമസ്റ്റർ ബിടെക് (2013 സ്കീം) റഗുലർ / സപ്ലിമെന്‍ററി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.