ഒന്നാം വർഷ ബിരുദാനന്തരബിരുദ പ്രവേശനം : ജനറൽ/മറ്റ് സംവരണ വിഭാഗങ്ങൾക്ക് മേഖലാതലത്തിലുള്ള സ്പോട്ട് അലോട്ട്മെന്റ്
201718ലെ ഒന്നാം വർഷ ബിരുദാനന്തരബിരുദ പ്രവേശനവുമായി ബന്ധപ്പെട്ട് ഒഴിവുള്ള ജനറൽ/മറ്റ് സംവരണസീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. കൊല്ലം, അടൂർ മേഖലകളിൽ 27നും ആലപ്പുഴ, തിരുവനന്തപുരം മേഖലകളിൽ 28നും ആണ് സ്പോട്ട് അലോട്ട്മെന്റ് നടത്തുന്നത്. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടേയും ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽ
കൊല്ലം മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ കൊല്ലം എസ്എൻ കോളജിലും അടൂർ മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ അടൂർ സെന്റ് സിറിൾസ് കോളജിലും 27ന് ഹാജരാകേണ്ട താണ്. തിരുവനന്തപുരം മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ കേരള സർവകലാശാല സെനറ്റ് ഹാളിലും ആലപ്പുഴ മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ ആലപ്പുഴ എസ്ഡി കോളജിലും 28ന് ഹാജരാകേണ്ട താണ്.
സ്പോട്ട് അലോട്ട്മെന്റിൽ പങ്കെടുക്കുവാൻ താൽപര്യമുള്ളവർ രാവിലെ ഒന്പതിനും 11 നും മധ്യേ ഓണ്ലൈൻ അപേക്ഷയുടെ പ്രിന്റ് ഒൗട്ട് സഹിതം ഹാജരായി രജിസ്റ്റർ ചെയ്യേണ്ട താണ്. പ്രിന്റൗട്ട് കൈവശമില്ലാതെ വരുന്ന വിദ്യാർഥികളെ പരിഗണിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടിസി വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യത, ജാതി എന്നിവ തെളിയിക്കുന്ന അസൽ സർട്ടിഫിക്കറ്റുകൾ ഉണ്ടായിരിക്കണം. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ കോളജിൽ നിന്നും ലഭിച്ച തിരിച്ചറിയൽ കാർഡ്, ഓണ്ലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കേണ്ടതാണ്.
സ്പോട്ട് അലോട്ട്മെന്റിൽ പങ്കെടുക്കാൻ വരുന്ന ആർക്കും തന്നെ സർട്ടിഫിക്കറ്റ് ഹാജരാക്കുവാൻ പ്രത്യേക സമയം അനുവദിക്കുന്നതല്ല. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്ട്രേഷൻ സമയം കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല.
രജിസ്ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർഥികളിൽ നിന്നും സർവകലാശാല തയാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓണ്ലൈൻ അപേക്ഷ സമർപ്പിച്ചിട്ടുള്ളവരുടെ അഭാവത്തിൽ മാത്രമേ ഓണ്ലൈൻ രജിസ്ട്രേഷൻ ഇല്ലാത്തവരെ പരിഗണിക്കുകയുള്ളൂ.
അലോട്ട്മെന്റ് ലഭിച്ചാൽ ഉടൻ തന്നെ ഒടുക്കേണ്ടതായ പ്രവേശന ഫീസ് (ജനറൽ/എസ്സിബിസി വിഭാഗങ്ങൾക്ക് 910/ രൂപയും ഒഇസി വിഭാഗങ്ങൾക്ക് 350/ രൂപയും) കൈയിൽ കരുതേണ്ടതാണ്. ഇതിനായി കൂടുതൽ സമയം അനുവദിക്കുന്നതല്ല. പ്രവേശന ഫീസ് മുൻപ് ഒടുക്കിയിട്ടുള്ള വിദ്യാർഥികൾ ഈ തുക വീണ്ടും ഒടുക്കേണ്ടതില്ല. ആയതിനാൽ അവർ ഈ തുക ഒടുക്കിയ രസീതിന്റെ പകർപ്പ് നിശ്ചയമായും കൈവശം സൂക്ഷിക്കേണ്ടതാണ്.
ജനറൽ/മറ്റ് സംവരണവിഭാഗങ്ങൾക്കുള്ള സ്പോട്ട് അലോട്ട്മെന്റ് ആരംഭിക്കുന്നതിന് മുൻപ് എസ്സി/എസ്ടി വിഭാഗങ്ങൾക്ക് ഒരു അവസരം കൂടി നൽകുന്നതാണ്. എസ്സി/എസ്ടി സംവരണസീറ്റുകളിലേയ്ക്ക് പ്രവേശനം ആഗ്രഹിക്കുന്ന വിദ്യാർഥികൾ മേൽപ്പറഞ്ഞ തീയതികളിലും സ്ഥലങ്ങളിലും രാവിലെ ഒന്പതിനു ഹാജരാകണം. എസ്സി/എസ്ടി വിഭാഗങ്ങളിലുള്ളവരെ പരിഗണിച്ചശേഷം ആ വിഭാഗങ്ങളിൽ ഒഴിവുവരുന്ന സീറ്റുകൾ നിയമാനുസൃതമായി മറ്റ് വിഭാഗങ്ങളിലേയ്ക്ക് മാറ്റുന്നതാണ്.
ബിഎ/ബിഎസ്സി/ബികോം/ബിസിഎ/ബിഎസ്ഡബ്ല്യൂ/ബിപിഎ/ബിവോക്/ബിബിഎ പരീക്ഷ
കേരള സർവകലാശാലയുടെ മൂന്നാം സെമസ്റ്റർ കരിയർ റിലേറ്റഡ് ബിഎ/ബിഎസ്സി/ബികോം/ബിസിഎ/ബിഎസ്ഡബ്ല്യൂ/ബിപിഎ/ബിവോക്/ബിബിഎ പരീക്ഷകൾ ഡിസംബർ 14 മുതൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ.
എംഎസ്സി വൈവ പരീക്ഷ
വിദൂരവിദ്യാഭ്യാസ കേന്ദ്രം 27 ന് ആരംഭിക്കുന്ന നാലാം സെമസ്റ്റർ എംഎസ്സി കംപ്യൂട്ടർ സയൻസ് (2014 2016 ബാച്ച്) റഗുലർ ആൻഡ് സപ്ലിമെന്ററി പ്രോജക്ട് ആൻഡ് കോംപ്രിഹെൻസിവ് വൈവ വോസി പരീക്ഷയുടെ വിശദമായ ടൈംടേബിൾ വെബ്സൈറ്റിൽ. ഓഫ്ലൈനായി അപേക്ഷിച്ചവരുടെ ഹാൾടിക്കറ്റുകൾ വിദൂരവിദ്യാഭ്യാസ കേന്ദ്രത്തിൽ നിന്ന് കൈപ്പറ്റാവുന്നതാണ്.
ബിഎ പരീക്ഷ
ഡിസംബറിൽ ആരംഭിക്കുന്ന മൂന്നാം സെമസ്റ്റർ ബിഎ ഓണേഴ്സ് പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (ഗവ. വിമൻസ് കോളജ്) 30 വരെയും 125 രൂപ പിഴയോടെ ഡിസംബർ ആറ് വരെയും അപേക്ഷിക്കാം.
ജനുവരിയിൽ ആരംഭിക്കുന്ന ഒന്നാം സെമസ്റ്റർ ബിഎ ഓണേഴ്സ് പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയ്ക്ക് (ഗവ. വിമൻസ് കോളജ്) ഡിസംബർ 12 വരെയും125 രൂപ പിഴയോടെ ഡിസംബർ 16വരെയും അപേക്ഷിക്കാം.