ഒന്നാം വർഷ ബിരുദാനന്തരബിരുദ പ്രവേശനം - 2017 ജനറൽ/മറ്റ് സംവരണ വിഭാഗങ്ങൾക്ക് സ്പോട്ട് അലോട്ട്മെന്റ്
201718ലെ ഒന്നാം വർഷ ബിരുദാനന്തരബിരുദ പ്രവേശനവുമായി ബന്ധപ്പെട്ട് ഒഴിവുള്ള ജനറൽ/മറ്റ് സംവരണസീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. കൊല്ലം, അടൂർ മേഖലകളിൽ 27നും ആലപ്പുഴ, തിരുവനന്തപുരം മേഖലകളിൽ 28നും ആണ് സ്പോട്ട് അലോട്ട്മെന്റ് നടത്തുന്നത്. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടേയും ഒഴിവുള്ള സീറ്റുകളുടെയും വിശദവിവരം സർവകലാശാല വെബ്സൈറ്റിൽ പ്രസിദ്ധീകരിക്കും.
കൊല്ലം മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ കൊല്ലം എസ്.എൻ.കോളജിലും അടൂർ മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ അടൂർ സെന്റ് സിറിൾസ് കോളജിലും 27ന് ഹാജരാകണം. തിരുവനന്തപുരം മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ കേരള സർവകലാശാല സെനറ്റ് ഹാളിലും ആലപ്പുഴ മേഖലയിലുള്ള കോളജുകളിൽ പ്രവേശനം നേടാൻ ആഗ്രഹിക്കുന്ന വിദ്യാർഥികൾ ആലപ്പുഴ എസ്.ഡി. കോളജിലും 28ന് ഹാജരാകണം.
സ്പോട്ട് അലോട്ട്മെന്റിൽ പങ്കെടുക്കുവാൻ താത്പര്യമുള്ളവർ രാവിലെ ഒന്പതിനും 11നും മധ്യേ ഓണ്ലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി രജിസ്റ്റർ ചെയ്യണം. പ്രിന്റൗട്ട് കൈവശമില്ലാതെ വരുന്ന വിദ്യാർഥികളെ പരിഗണിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടി.സി.വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർത്ഥികളുടെ കൈവശം യോഗ്യത, ജാതി എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ ഉണ്ടായിരിക്കണം. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ കോളജിൽ നിന്നും ലഭിച്ച തിരിച്ചറിയൽ കാർഡ്, ഓണ്ലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കണം.
ബിഎ/ബിഎസ്സി/ബികോം/ബിസിഎ/ബിഎസ്ഡബ്യൂ/ബിപിഎ/ബിവോക്/ബിബിഎ പരീക്ഷ
മൂന്നാം സെമസ്റ്റർ കരിയർ റിലേറ്റഡ് ബിഎ/ബിഎസ്സി/ബികോം/ബിസിഎ/ബിഎസ്ഡബ്യൂ/ബിപിഎ/ബിവോക്/ബിബിഎ പരീക്ഷകൾ ഡിസംബർ 14ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ യഥാസമയം പ്രസിദ്ധീകരിക്കും.
എംഎ റഷ്യൻ പാർട്ട് ടൈം ത്രിവത്സരം അപേക്ഷ ക്ഷണിച്ചു
റഷ്യൻ പഠന വകുപ്പ് നടത്തുന്ന എം.എ റഷ്യൻ (പാർട്ട് ടൈം ത്രിവത്സരം 201720) കോഴ്സിന് അപേക്ഷ ക്ഷണിച്ചു. യോഗ്യത : റഷ്യൻ രണ്ടാം ഭാഷയായുള്ള (ബിഎ, ബിഎസ്സി റഷ്യൻ സെക്കൻഡ് ലാംഗ്വേജ്) കേരള സർവകലാശാല ബിരുദം അല്ലെങ്കിൽ അംഗീകൃത ബിരുദത്തോടൊപ്പം കേരള സർവകലാശാലയുടെ റഷ്യൻ ഡിപ്ലോമ/ റഷ്യൻ ഇന്റഗ്രേറ്റഡ് ഡിപ്ലോമ അല്ലെങ്കിൽ കേരള സർവകലാശാല അംഗീകൃത തത്തുല്യ യോഗ്യത. പൂരിപ്പിച്ച അപേക്ഷ 22നകം പാളയം സെനറ്റ് ഹൗസ് കാന്പസിലെ റഷ്യൻ പഠന വകുപ്പ് ഓഫീസിൽ ലഭിച്ചിരിക്കണം. ക്ലാസുകൾ രാവിലെ 10 മുതൽ ഉച്ചയ്ക്ക് 2.30വരെ.
പ്രോജക്ട് ഫെലോ
കാര്യവട്ടം ഒപ്റ്റോഇലക്ട്രോണിക്സ് പഠനവകുപ്പിൽ സയൻസ് ആൻഡ് എൻജിനിയറിംഗ് റിസർച്ച് ബോർഡിന്റെ പ്രോജക്ടിന്, പ്രോജക്ട് ഫെലോയുടെ ഒഴിവിലേക്ക് അപേക്ഷ ക്ഷണിച്ചു. അപേക്ഷിക്കേണ്ട അവസാന തീയതി ഡിസംബർ 11. വിശദവിവരം വെബ്സൈറ്റിൽ ലഭിക്കും.
ബിടെക് ഓണ്ലൈൻ രജിസ്ട്രേഷൻ
എട്ടാം സെമസ്റ്റർ ബിടെക് പാർട്ട് ടൈം റീസ്ട്രക്ച്ചേർഡ് (2008 സ്കീം സപ്ലിമെന്ററി) പരീക്ഷയുടെ ഓണ്ലൈൻ രജിസ്ട്രേഷൻ 27ന് ആരംഭിക്കും. പരീക്ഷയ്ക്ക് ഡിസംബർ നാലുവരെ(50 രൂപ പിഴയോടെ ഡിസംബർ ആറ്, 125 രൂപ പിഴയോടെ ഡിസംബർ എട്ട്) അപേക്ഷിക്കാം. 2010 & 2011 അഡ്മിഷൻ വിദ്യാർഥികൾ അപേക്ഷകൾ നേരിട്ട് സർവകലാശാലയിൽ സമർപ്പിക്കണം. വിശദവിവരങ്ങൾ വെബ്സൈറ്റിൽ ലഭിക്കും.
വാക്ക്ഇൻഇന്റർവ്യൂ
കാര്യവട്ടം എൻജിനിയറിംഗ് കോളജിൽ സിവിൽ വിഭാഗത്തിൽ ഗസ്റ്റ് ലക്ചറുടെ ഒഴിവിലേക്കായി വാക്ക്ഇൻഇന്റർവ്യൂ 29ന് രാവിലെ പത്തിന് നടത്തും. എഐസിടിഇ മാനദണ്ഡങ്ങളനുസരിച്ച് യോഗ്യതയുള്ളവർ സർട്ടിഫിക്കറ്റുകളുടെ അസ്സലുമായി പ്രിൻസിപ്പൽ മുന്പാകെ ഹാജരാകണം.
ഹാൾടിക്കറ്റ് കൈപ്പറ്റണം
ഡിസംബർ ഒന്നിന് ആരംഭിക്കുന്ന മൂന്നാം വർഷ ബിഎഎംഎസ് (സപ്ലിമെന്ററി) പരീക്ഷയ്ക്ക് അപേക്ഷിച്ചവർ അതാതു കോളജുകളിൽ നിന്നും ഹാൾടിക്കറ്റ് കൈപ്പറ്റി തിരുവനന്തപുരം ഗവ. ആയുർവേദ കോളജിൽ പരീക്ഷയ്ക്ക് ഹാജരാകണം.
ബിഎഡ് ഫലം
മേയിൽ നടത്തിയ രണ്ടാം സെമസ്റ്റർ ബിഎഡ് ഡിഗ്രി പരീക്ഷയുടെ (2015 സ്കീം റഗുലർ) ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
ബിഎഡ് ടൈംടേബിൾ
ഡിസംബർ 13 ന് ആരംഭിക്കുന്ന ഒന്നാം സെമസ്റ്റർ ബിഎഡ് ഡിഗ്രി (2015 സ്കീം റഗുലർ/ഇംപ്രൂവ്മെന്റ്/സപ്ലിമെന്ററി) പരീക്ഷയുടെ വിശദമായ ടൈംടേബിൾ വെബ്സൈറ്റിൽ ലഭിക്കും.
വിദ്യാർഥികൾ ഹാജരാകണം
2016 ഡിസംബറിൽ നടത്തിയ മൂന്നാം സെമസ്റ്റർ ബികോം/ബിഎസ്സി(സിബിസിഎസ്) പരീക്ഷ ഉത്തരകടലാസുകളുടെ സൂക്ഷ്മപരിശോധനയ്ക്കായി ഓണ്ലൈനായും ഓഫ് ലൈനായും അപേക്ഷിച്ചിട്ടുള്ള വിദ്യാർഥികൾ തിരിച്ചറിയൽ കാർഡും ഹാൾടിക്കറ്റുമായി ഇജെ കക സെക്ഷനിൽ 27 മുതൽ ഡിസംബർ 14 വരെയുള്ള പ്രവൃത്തി ദിവസങ്ങളിൽ നേരിൽ ഹാജരാകണം.