മൂന്നും ഒന്നും സെമസ്റ്റർ എംബിഎ പരീക്ഷകൾ
കണ്ണൂർ സർവകലാശാലയുടെ മൂന്നും ഒന്നും സെമസ്റ്റർ മാസ്റ്റർ ഓഫ് ബിസിനസ് അഡ്മിനിസ്ട്രേഷൻ (എബിഎ) ഡിഗ്രി (റഗുലർ,സപ്ലിമെന്ററി 2014 അഡ്മിഷൻ മുതൽ ) ജനുവരി 2018, പരീക്ഷകൾ യഥാക്രമം ജനുവരി 25, ഫെബ്രുവരി എട്ട് തീയതികളിൽ ആരംഭിക്കും. മൂന്നാം സെമസ്റ്റർ എംബിഎ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ ഈമാസം എട്ടു മുതൽ 11 വരെയും 150 രൂപ പിഴയോടെ 15 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 16നകം സർവകലാശാലയിൽ എത്തിക്കണം.
ഒന്നാം സെമസ്റ്റർ എംബിഎ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ 17 മുതൽ 20 വരെയും 150 രൂപ പിഴയോടെ 23 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 24നകം സർവകലാശാലയിൽ എത്തിക്കണം. അപേക്ഷാഫീസ് സംബന്ധിച്ച വിവരങ്ങൾ സർവകലാശാലയുടെ വെബ്സൈറ്റിൽ ലഭ്യമാണ്. പരീക്ഷാഫീസ് ഓണ്ലൈനായി എസ്ബിഐ കളക്ട് മുഖേന അടയ്ക്കണം.
അഞ്ചും മൂന്നും ഒന്നും സെമസ്റ്റർ എംസിഎ പരീക്ഷകൾ
അഞ്ചും മൂന്നും ഒന്നും സെമസ്റ്റർ മാസ്റ്റർ ഓഫ് കംപ്യൂട്ടർ സയൻസ് (എംസിഎ) ഡിഗ്രി (റഗുലർ, സപ്ലിമെന്ററി, ഇംപ്രൂവ്മെന്റ് ജനുവരി 2018) പരീക്ഷകൾ യഥാക്രമം 25, ഫെബ്രുവരി ഏഴ്, 19 തീയതികളിൽ ആരംഭിക്കും. അഞ്ചാം സെമസ്റ്റർ എംസിഎ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴ കൂടാതെ ഇന്നു മുതൽ ഒൻപത് വരെയും 150 രൂപ പിഴയോടെ 12 വരെയും സമർപ്പിക്കും. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 15നകം സർവകലാശാലയിൽ എത്തിക്കണം. മൂന്നാം സെമസ്റ്റർ എംസിഎ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ 11 മുതൽ 16 വരെയും 150 രൂപ പിഴയോടെ 18 വരെയും സമർപ്പിക്കാം.
അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 20 നകം സർവകലാശാലയിൽ എത്തിക്കണം. ഒന്നാം സെമസ്റ്റർ എംസിഎ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ 18 മുതൽ 22 വരെയും 150 രൂപ പിഴയോടെ 24 വരെയും സ്വീകരിക്കും. അപേക്ഷയുടെ പ്രിന്റൗട്ടിനോടൊപ്പം എപിസി, ചലാൻ എന്നിവ 27നകം സർവകലാശാലയിൽ എത്തിക്കണം. അപേക്ഷാഫീസ് സംബന്ധിച്ച വിവരങ്ങൾ സർവകലാശാലയുടെ വെബ്സൈറ്റിൽ ലഭ്യമാണ്. പരീക്ഷാഫീസ് ഓണ്ലൈനായിഎസ്ബിഐ കളക്ട് മുഖേന അടയ്ക്കണം. റീ അഡ്മിഷൻ ആവശ്യമായ (2008 നും അതിന് മുന്പുമുള്ള അഡ്മിഷൻ) വിദ്യാർഥികൾ സാധാരണ ഫോമിൽ റീ അഡ്മിഷൻ ഫീസോടുകൂടി അപേക്ഷിക്കണം.