സിഡിഎംആർപിയുടെ കണ്ണൂർ യൂണിറ്റിൽ ഒഴിവുകൾ
കാലിക്കട്ട് സർവകലാശാലയുടെ സിഡിഎംആർപി പ്രോജക്ടിന് കണ്ണൂർ യൂണിറ്റിലേക്ക് ഡിസെബിലിറ്റി മാനേജ്മെന്റ് ഓഫീസർ (ക്ലിനിക്കൽ സൈക്കോളജിസ്റ്റ്ഒന്ന്), ഒക്യുപ്പേഷണൽ തെറാപിസ്റ്റ് (രണ്ട്) തസ്തികയിൽ കരാർ നിയമനത്തിന് അപേക്ഷ ക്ഷണിച്ചു. വെള്ളപേപ്പറിൽ തയ്യാറാക്കിയ ബയോഡാറ്റ (ഫോട്ടോ അറ്റസ്റ്റ് ചെയ്ത്), വിദ്യാഭ്യാസം, യോഗ്യത എന്നിവ തെളിയിക്കുന്ന അറ്റസ്റ്റ് ചെയ്ത രേഖകളുടെ പകർപ്പുകൾ സഹിതം ഡയറക്ടർ, സിഡിഎംആർപി, ഡിപ്പാർട്ടുമെന്റ് ഓഫ് സൈക്കോളജി, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ 29ന് ഉച്ചക്ക് ഒന്നിനകം ലഭിക്കണം. വിവരങ്ങൾ വെബ്സൈറ്റിൽ.
പരീക്ഷ
മൂന്നാം സെമസ്റ്റർ ബിവോക് മെഡിക്കൽ ലബോറട്ടറി ടെക്നോളജി (2014 പ്രവേശനം) റഗുലർ പരീക്ഷ 30ന് ആരംഭിക്കും. ഇന്റേണൽ മാർക്ക് അപ്ലോഡ് ചെയ്യുന്നതിനുള്ള അവസാന തിയതി ഫെബ്രുവരി 19.
എട്ടാം സെമസ്റ്റർ ബിബിഎഎൽഎൽബി (പഞ്ചവത്സരം, 2011 സ്കീം) റഗുലർ, സപ്ലിമെന്ററി പരീക്ഷ 31ന് ആരംഭിക്കും.
നാലാം സെമസ്റ്റർ എൽഎൽബി യൂണിറ്ററി ഡിഗ്രി (ത്രിവത്സരം, 2015 സ്കീം) റഗുലർ പരീക്ഷ ഫെബ്രുവരി ഒന്നിന് ആരംഭിക്കും.
എൽഎൽബി (2008 സ്കീം, 2008 മുതൽ പ്രവേശനം) എട്ടാം സെമസ്റ്റർ (പഞ്ചവത്സരം) സപ്ലിമെന്ററി, നാലാം സെമസ്റ്റർ (ത്രിവത്സരം) സപ്ലിമെന്ററി പരീക്ഷ കോഴിക്കോട്, തൃശൂർ ഗവണ്മെന്റ് ലോ കോളേജുകളിൽ ജനുവരി 31ന് ആരംഭിക്കും.
എൽഎൽബി (2008 സ്കീം, 2008 മുതൽ പ്രവേശനം) നാലാം സെമസ്റ്റർ (പഞ്ചവത്സരം) സപ്ലിമെന്ററി പരീക്ഷ ഫെബ്രുവരി ഒന്പതിന് ആരംഭിക്കും.
പരീക്ഷാഫലം
2017 സെപ്തംബറിൽ നടത്തിയ ബിടെക്, പാർട്ട്ടൈം ബിടെക് അഞ്ചാം സെമസ്റ്റർ, മൂന്നാം സെമസ്റ്റർ (2000, 2004, 2009 സ്കീം), ഏഴാം സെമസ്റ്റർ ബിടെക് (2കെ, 2004, 2009 സ്കീം) ഇന്റേണൽ ഇംപ്രൂവ്മെന്റ് പരീക്ഷാഫലം വെബ്സൈറ്റിൽ.