പരീക്ഷാ കേന്ദ്രങ്ങളിൽ മാറ്റം
16ന് ആരംഭിക്കുന്ന ബിഎ (ആന്വൽ) പാർട്ട് ഒന്നും രണ്ടും സപ്ലിമെന്ററി പരീക്ഷകളുടെ ചില പരീക്ഷാകേന്ദ്രങ്ങളിലെ മാറ്റം ചുവടെ ചേർക്കുന്നു. കൊല്ലം ഫാത്തിമ മാത നാഷ്ണൽ കോളജ് കേന്ദ്രമായി അപേക്ഷിച്ചിട്ടുള്ള വിദ്യാർഥികൾ കൊല്ലം ശ്രീനാരായണ കോളജിലും, തിരുവനന്തപുരം മാർ ഈവാനിയോസ് കോളജിലേയും ചെന്പഴന്തി ശ്രീനാരായണ കോളജിലേയും വിദ്യാർഥികൾ ഗവ. ആർട്സ് കോളജിലും, ആലപ്പുഴ സെന്റ് ജോസഫ്സ് കോളജിലെ വിദ്യാർഥികൾ ആലപ്പുഴ എസ്ഡി കോളജിലും, നിറമണ്കര എൻഎസ്എസ് വനിത കോളജിലെ വിദ്യാർഥികൾ തിരുവനന്തപുരം ഗവ. വനിത കോളജിലും, കാഞ്ഞിരംകുളം കെഎൻഎം കോളജിലെ വിദ്യാർഥികൾ കാട്ടാക്കട ക്രിസ്റ്റ്യൻ കോളജിലും, ശാസ്താംകോട്ട ഡിബി കോളജിലെ വിദ്യാർഥികൾ ചവറ ബിജെഎം ഗവ. കോളജിലും, ഗവണ്മെന്റ് സംസ്കൃത കോളജിലെ ഓഫ്ലൈനായി അപേക്ഷിച്ച വിദ്യാർഥികളും യൂണിവേഴ്സിറ്റി കോളജ് കേന്ദ്രമായി ഓഫ്ലൈനായി അപേക്ഷിച്ചിരുന്ന ആണ്കുട്ടികളും തിരുവനന്തപുരം എംജി കോളജിലും, പെരിങ്ങമല ഇക്ബാൽ കോളജിലെ വിദ്യാർഥികൾ നെടുമങ്ങാട് ഗവ. കോളജിലും പരീക്ഷയെഴുതേണ്ട താണ്. മറ്റ് പരീക്ഷാകേന്ദ്രങ്ങളിൽ മാറ്റമില്ല. മാറ്റമുള്ള കേന്ദ്രങ്ങളിൽ ഓഫ്ലൈനായി അപേക്ഷിച്ച വിദ്യാർഥികൾ പുതുക്കിയ പരീക്ഷാകേന്ദ്രങ്ങളിൽ നിന്നും ഹാൾടിക്കറ്റ് കൈപ്പറ്റേണ്ടതാണ്.
എംഎ, എംഎസ്സി, എംഎച്ച്ആർഎം, എംഎസ്ഡബ്ല്യൂ ഫലം
2017 ഫെബ്രുവരിയിൽ നടത്തിയ ഒന്നാം സെമസ്റ്റർ എംഎ സംസ്കൃതം ജനറൽ, സംസ്കൃതം സ്പെഷൽ (വേദാന്ത, ന്യായ, വ്യാകരണ സാഹിത്യ, ജ്യോതിഷ), തമിഴ്, അറബിക്, ഇസ്ലാമിക് ഹിസ്റ്ററി, ബിസിനസ് ഇക്കണോമിക്സ്, സോഷ്യോളജി, പബ്ലിക് അഡ്മിനിസ്ട്രേഷൻ, എംഎച്ച്ആർഎം, എംഎസ്ഡബ്ല്യൂ, എംഎസ്സി ജിയോളജി, സൈക്കോളജി, ഹോംസയൻസ് എന്നിവയുടെ ഫലം വെബ്സൈറ്റിൽ
ബിആർക്ക് ഫലം
2017 ജൂലൈയിൽ നടന്ന ഒൻപതാം സെമസ്റ്റർ ബിആർക്ക് (2008 സ്കീം) പരീക്ഷാഫലം വെബ്സൈറ്റിൽ.
എംഎസ്സി ഫലം
2017 ജനുവരിയിൽ നടന്ന മൂന്നാം സെമസ്റ്റർ എംഎസ്സി മാത്തമാറ്റിക്സ് പരീക്ഷകളുടെ ഫലം വെബ്സൈറ്റിൽ.
ബിഎസ്സി പ്രാക്ടിക്കൽ
2017 ഡിസംബറിൽ നടന്ന കരിയർ റിലേറ്റഡ് സിബിസിഎസ്എസ് അഞ്ചാം സെമസ്റ്റർ ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷൻ പ്രോഗ്രാമിംഗ് ലാബ് 3 പ്രാക്ടിക്കൽ പരീക്ഷകൾ 14 മുതൽ അതാത് പരീക്ഷാകേന്ദ്രങ്ങളിൽ വച്ച് നടക്കും. വിശദമായ ടൈംടേബിൾ വെബ്സൈറ്റിൽ.
എംഎ/എംഎസ്സി/എംകോം/എംഎസ്ഡബ്ല്യു സപ്ലിമെന്ററി പരീക്ഷ
മൂന്നാം സെമസ്റ്റർ എംഎ/എംഎസ്സി/ എംകോം/ എംഎസ്ഡബ്ലു സപ്ലിമെന്ററി പരീക്ഷകളുടെ രജിസ്ട്രേഷൻ 12 മുതൽ ആരംഭിക്കും. പരീക്ഷാഫീസ് പിഴകൂടാതെ 17 വരെയും പിഴയോടെ 21 വരെയും അടയ്ക്കാം. വിശദവിവരങ്ങൾ വെബ്സൈറ്റിൽ.
എംഎ, എംകോം ഫലം
2017 ജനുവരിയിൽ നടന്ന മൂന്നാം സെമസ്റ്റർ എംഎ പൊളിറ്റിക്കൽ സയൻസ്, എംകോം പരീക്ഷകളുടെ ഫലം വെബ്സൈറ്റിൽ.
ബിഎ മ്യൂസിക് ഓപ്പണ് കോഴ്സ് പ്രാക്ടിക്കൽ മാറ്റി
നിറമണ്കര എൻഎസ്എസ് വനിത കോളജിൽ വച്ച് 14ന് നടത്താനിരുന്ന അഞ്ചാം സെമസ്റ്റർ ബിഎ മ്യൂസിക് ഓപ്പണ് കോഴ്സ് പ്രാക്ടിക്കൽ പരീക്ഷ 19ന് അതേ കോളജിൽ വച്ച് നടത്തുന്നതാണ്. വിശദവിവരങ്ങൾ വെബ്സൈറ്റിൽ