മൂല്യനിർണയ ക്യാന്പ്
മൂന്നാം സെമസ്റ്റർ എംഎ ഹിസ്റ്ററി (സിയുസിസിഎസ്എസ) പരീക്ഷയുടെ മൂല്യനിർണയ ക്യാന്പ് ഏഴ് മുതൽ തിരൂരങ്ങാടി പിഎസ്എംഒ കോളജിൽ നടത്തും. പിജി ക്ലാസുകളിൽ ഒരു വർഷത്തിൽ കൂടുതൽ പ്രവൃത്തിപരിചയമുള്ള അധ്യാപകർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
പരീക്ഷാ അപേക്ഷ
അഫിലിയേറ്റ് കോളജുകളിലെ, ഫെബ്രുവരി 16 ന് ശേഷം ഫലം പ്രസിദ്ധീകരിച്ച ഒന്നാം സെമസ്റ്റർ ബികോം ഓണേഴ്സ് (സിസിഎസ്എസ്) ബികോം, ബികോം വൊക്കേഷനൽ സട്രീം, ബിബിഎ, ബിടിഎച്ച്എം, ബിഎച്ച്എ (സിയുസിബിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പരീക്ഷാ കണ്ട്രോളറുടെ അനുമതി വാങ്ങിയശേഷം സൂപ്പർഫൈൻ സഹിതം സാധാരണ അപേക്ഷാ ഫോമിൽ അഞ്ചിന് അപേക്ഷ സമർപ്പിക്കാവുന്നതാണ്.
ബിഎസ്സി, ബിസിഎ പുനർമൂല്യനിർണയ അപേക്ഷ
ഫെബ്രുവരി 27 ന് ഫലം പ്രസിദ്ധീകരിച്ച മൂന്നാം സെമസ്റ്റർ ബിഎസ്സി, ബിസിഎ (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് നവന്പർ 2016 പരീക്ഷയുടെ പുനർമൂല്യനിർണയത്തിന് 14 വരെ അപേക്ഷിക്കാം. 2012 മുതൽ പ്രവേശനം വിദ്യാർഥികൾ (എംഎൻ സീരീസ്) ഓണ്ലൈനായും അതിനുമുന്പുള്ളവർ (എൽ സീരീസ്) സാധാരണ ഫോമിലുമാണ് അപേക്ഷിക്കേണ്ടത്. അപേക്ഷ ചെലാൻ സഹിതം മാർച്ച് 17 ന് മുന്പായി പരീക്ഷാ കണ്ട്രോളറുടെ ഓഫീസിൽ ലഭിക്കണം.
ഹാൾടിക്കറ്റ് വിതരണം
വിദൂര വിദ്യാഭ്യാസം/പ്രൈവറ്റ് രജിസ്ട്രേഷൻ ഒന്നാം സെമസ്റ്റർ ബികോം/ബിബിഎ (സിയുസിബിസിഎസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷാ ഹാൾടിക്കറ്റ് വെബ്സൈറ്റിൽ. പരീക്ഷ ഒന്പതിനാരംഭിക്കും.
പരീക്ഷാഫലം
രണ്ടാം സെമസ്റ്റർ എംഎസ്സി അപ്ലൈഡ് സുവോളജി (സിസിഎസ്എസ്) ജൂണ് 2017 പരീക്ഷാഫലം വെബ്സൈറ്റിൽ.
ഒന്നാം സെമസ്റ്റർ എംഎസ് സി ഫുഡ്സയൻസ് ആൻഡ് ടെക്നോളജി (2014 മുതൽ പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് പിഴ കൂടാതെ 12 വരെയും 150 രൂപ പിഴയോടെ 14 വരെയും അപേക്ഷിക്കാം.
ടെൻഡർ ക്ഷണിച്ചു
വിൻഡോസ് 10 ഓപ്പറേറ്റിംഗ് സിസ്റ്റം, എംഎസ് ഓഫീസ് സോഫ്റ്റ് വെയർ എന്നിവ ലഭ്യമാക്കുന്നതിന് ടെൻഡർ ക്ഷണിച്ചു. 19 ന് വൈകുന്നേരം നാലിനകം പർച്ചേസ് വിഭാഗത്തിൽ സമർപ്പിക്കണം. വിവരങ്ങൾ വെബ്സൈറ്റിൽ.
സിൻഡിക്കറ്റ് യോഗം 15 ന്
കാലിക്കട്ട് സർവകലാശാലാ സിൻഡിക്കറ്റ് യോഗം 15 ന് ചേരും.
സെനറ്റ് യോഗം 28 ന്
സെനറ്റിന്റെ വാർഷികയോഗം 28 ന് ചേരും.
നാടകശിൽപ്പശാല
മലയാള കേരള പഠനവിഭാഗം മാർച്ച് അഞ്ച്, ആറ് തിയതികളിൽ മ്യൂസിയം കോംപ്ലക്സ് മൈതാനിയിൽ വിദ്യാർഥികൾക്കായി നാടകശിൽപ്പശാല സംഘടിപ്പിക്കുന്നു. പ്രമുഖ നാടക സംവിധായകൻ കെ.കെ. പുരുഷോത്തമൻ ശിൽപ്പശാല നയിക്കും. ആറിന് വൈകുന്നേരം ആറിന് മൈതാനിയിൽ നാടകാവതരണവും ഉണ്ടാവും.
ബ്രസീലിയൻ ശാസ്ത്രജ്ഞന്റെ പ്രഭാഷണം
സുവർണജൂബിലി ആഘോഷങ്ങളോടനുബന്ധിച്ച് പ്രമുഖ ബ്രസീലിയൻ ശാസ്ത്രജ്ഞൻ ഡോ. ഗിൽബർട്ടോ ജോസ് ദെ മൊറേസിന്റെ വിദ്വത് ഭാഷണം (Erudite programme) 12 ന് രാവിലെ പത്തിന് സെമിനാർ കോംപ്ലക്സിൽ നടത്തും. വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. സുവോളജി പഠനവകുപ്പ് സംഘടിപ്പിക്കുന്ന സെമിനാർ കേരള സംസ്ഥാന ഉന്നത വിദ്യാഭ്യാസ കൗണ്സിലിന്റെ സഹകരണത്തോടെയാണ് സംഘടിപ്പിക്കുന്നത്.