ആറാം സെമസ്റ്റർ എൽഎൽബി പരീക്ഷാഫലം
കണ്ണൂർ സർവകലാശാലയുടെ ആറാം സെമസ്റ്റർ എൽഎൽബി സപ്ലിമെന്ററി (ഓൾഡ് സ്കീം), ഏപ്രിൽ 2016 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധനയ്ക്കും സൂക്ഷ്മപരിശോധനയ്ക്കു മുള്ള അപേക്ഷകൾ മാർച്ച് 22 വരെ സർവകലാ ശാലയിൽ സ്വീകരിക്കും.
കണ്ണൂർ സർവകലാശാല ലീഗൽ സ്റ്റഡീസ് ഉപകേന്ദ്രം കാഞ്ഞങ്ങാട്ട് ആരംഭിക്കും
കണ്ണൂർ: സർവകലാശാല സ്കൂൾ ഓഫ് ലീഗൽ സ്റ്റഡീസിന്റെ ഉപകേന്ദ്രം കാഞ്ഞങ്ങാട്ട് ആരംഭിക്കുന്നതിനു സർവകലാശാല സിൻഡിക്കേറ്റ് യോഗം തീരുമാനിച്ചു. ഇതിന്റെ സാധ്യതാപഠനം നടത്തി ഡോ. വി.പി.പി. മുസ്തഫ, പി. സന്തോഷ്കുമാർ എന്നിവർ ഉൾപ്പെട്ട കമ്മിറ്റി സമർപ്പിച്ച റിപ്പോർട്ട് അംഗീകരിച്ചു. സ്വകാര്യ അൺഎയ്ഡഡ് കോളജുകളിലെ സ്റ്റാഫ് പ്രൊഫൈൽ 201819 അധ്യയനവർഷം മുതൽ യുജിസി നിർബന്ധമാക്കുന്നതു വിശദമായി നടപ്പിലാക്കണമെന്നു തീരുമാനിച്ചു. എന്നാൽ 201718 വരെയുള്ള സ്റ്റാഫ് പ്രൊഫൈലുകൾ ഉപാധികളോടെ അംഗീകരിക്കുന്നതിനു തീരുമാനിച്ചു. കാസർഗോഡ് ജില്ലയിലെ ബേജെ മോഡൽ കോളജ് ഓഫ് ആർട്സ് ആൻഡ് സയൻസിനു 201819 അധ്യയനവർഷം താത്കാലിക അഫിലിയേഷൻ നൽകും.
വിദൂരവിദ്യാഭ്യസ വിഭാഗം വിദ്യാർഥികൾക്കു റഗുലർ വിദ്യാർഥികളുടേതുപോലെ ആദ്യ രണ്ടുവർഷങ്ങളിൽ ഓൺലൈൻ മാർക്ക് ലിസ്റ്റുകൾ നൽകാനും അവസാനവർഷം കൺസോളിഡേറ്റ് മാർക്ക് ലിസ്റ്റ് നൽകാനും തീരുമാനിച്ചു. ഇതിനായി റഗുലേഷനിൽ ഭേഗഗതി വരുത്തും. 70 വിഷയങ്ങളിലുള്ള ബോർഡ് ഓഫ് സ്റ്റഡീസുകൾ പുനഃസംഘടിപ്പിച്ചു. ഇതിനായുള്ള പാനൽ അംഗീകരിക്കുകയും ചെയ്തു. സർവകലാശാലയുടെ കീഴിൽ നേരിട്ടു നടത്തുന്ന ബിഎഡ് സെന്ററുകളിൽ സംവരണ വിഭാഗക്കാർക്കുള്ള കോഴ്സ് ഫീ നിലവിലുള്ള 35,000 ൽ നിന്നു 29,000 ആയി കുറയ്ക്കുന്നതിനു തീരുമാനിച്ചു.
സർക്കാർ കോളജുകളിൽ ഗവേഷണ കേന്ദ്രം ആരംഭിക്കുന്നതിനുള്ള അപേക്ഷാഫീസ് നിലവിലുള്ള അരലക്ഷം രൂപയിൽ നിന്നു 10,000 രൂപയായി കുറച്ചു. 17 പേർക്കു പിഎച്ച്ഡി നൽകുന്നതിനു തീരുമാനിച്ചു. പരീക്ഷാമൂല്യ നിർണയ ക്യാന്പുകളുടെ നടത്തിപ്പ് കാര്യക്ഷമമാക്കുന്നതിനും നവീകരിക്കുന്നതിനും നിർദേശങ്ങൾ ക്ഷണിച്ചു. അധ്യാപകർക്കും വിദ്യാർഥികൾക്കും രക്ഷിതാക്കൾക്കും അവരുടെ നിർദേശങ്ങൾ 30 നകം തപാൽ മുഖേനയോ നേരിട്ടോ സർവകലാശാലയിൽ നൽകാം. ഇതിനായി ഡോ. ജോൺ ജോസഫ് കൺവീനറായി സിൻഡിക്കേറ്റിന്റെ ഉപസമിതി രൂപീകരിച്ചു. യോഗത്തിൽ വൈസ് ചാൻസലർ പ്രഫ. ഗോപിനാഥ് രവീന്ദ്രൻ അധ്യക്ഷത വഹിച്ചു.