പിഎച്ച്ഡി കോഴ്സ് വർക്ക് പരീക്ഷാഫല പുനപരിശോധന
ജനുവരിയിൽ നടത്തിയ പിഎച്ച്ഡി കോഴ്സ് വർക്ക് പരീക്ഷാഫല പുനഃപരിശോധനയ്ക്ക് 28 വരെ അപേക്ഷിക്കാം. പൂരിപ്പിച്ച അപേക്ഷകൾ ഓരോ പേപ്പറിന് 500/ നിരക്കിൽ രൂപ ഫീസ് അടച്ച് സിഎസ്എസ് ഓഫീസിൽ എത്തിക്കണം.
ബിഎ (ആന്വൽ സ്കീം) ടൈംടേബിൾ
ഏപ്രിൽ 12ന് ആരംഭിക്കുന്ന ബിഎ (ആന്വൽ സ്കീം) പാർട്ട് മൂന്ന് മെയിനും സബ്സിഡിയറിയും പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
എംബിഎൽ, എൽഎൽഎം പരീക്ഷകൾ
ഏപ്രിലിൽ നടത്തുന്ന മൂന്നും നാലും ആറും സെമസ്റ്റർ എംബിഎൽ, മൂന്നാം സെമസ്റ്റർ എൽഎൽഎം പരീക്ഷകൾക്ക് 28, 50 രൂപ പിഴയോടെ ഏപ്രിൽ മൂന്ന്, 125 രൂപ പിഴയോടെ ഏപ്രിൽ അഞ്ച് വരെയും ഫീസ് അടച്ച് രജിസ്റ്റർ ചെയ്യാം. 2004, 2009, 2010, 2011 എന്നീ അഡ്മിഷനുകളിലെ എൽഎൽഎം പരീക്ഷാർഥികൾക്ക് അഡീഷണൽ മേഴ്സിചാൻസ് ഫീസടച്ച് മൂന്നാം സെമസ്റ്റർ എൽഎൽഎം പരീക്ഷയ്ക്ക് അപേക്ഷിക്കാം.
ബിടെക് ഫലം
2017 മേയിൽ നടത്തിയ രണ്ടും നാലും സെമസ്റ്റർ ബിടെക് പാർട്ട്ടൈം റീസ്ട്രക്ച്ചേർഡ് (2013 സ്കീം) പരീക്ഷാഫലം വെബ്സൈറ്റിൽ ലഭിക്കും.
പ്രൈവറ്റ് രജിസ്ട്രേഷൻ മെമ്മോ ലഭ്യമാക്കണം
ഏപ്രിലിൽ ആരംഭിക്കുന്ന ബിഎ (ആന്വൽ) അവസാന വർഷ പരീക്ഷയ്ക്ക് രജിസ്റ്റർ ചെയ്യുന്ന പ്രൈവറ്റ് വിദ്യാർഥികളിൽ (2015 അഡ്മിഷൻ) ഇതുവരെ പ്രൈവറ്റ് രജിസ്ട്രേഷൻ മെമ്മോ ബന്ധപ്പെട്ട പരീക്ഷാ സെക്ഷനിൽ ഏൽപ്പിക്കാത്തവർ, പ്രസ്തുത മെമ്മോ, പരീക്ഷാ കേന്ദ്രം, രജിസ്റ്റർ നന്പർ (ഹാൾടിക്കറ്റിൽ നൽകിയിട്ടുള്ളതനുസരിച്ച്) എന്നിവ വ്യക്തമായി രേഖപ്പെടുത്തി സർവകലാശാലയുടെ അതത് പരീക്ഷാ സെക്ഷനുകളിൽ എത്തിക്കണം. വീഴ്ച വരുത്തുന്നവർക്ക് ഹാൾടിക്കറ്റ് നൽകുന്നതല്ല.
ബിഎസ്സി/ബിസിഎ ടൈംടേബിൾ
വിദൂരവിദ്യാഭ്യാസ വിഭാഗം ഏപ്രിൽ 18ന് ആരംഭിക്കുന്ന അവസാന വർഷ ബിഎസ്സി കംപ്യൂട്ടർ സയൻസ്/ബിസിഎ ഡിഗ്രി സപ്ലിമെന്ററി പഴയ സ്കീം (2013 അഡ്മിഷൻ മുൻപുള്ളത്) പുതിയ സ്കീം (2013 അഡ്മിഷൻ മുതലുള്ളത്) മേഴ്സിചാൻസ് പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
എംബിഎ പരീക്ഷ
വിദൂരവിദ്യാഭ്യാസവിഭാഗം ഏപ്രിൽ 25 മുതൽ നടത്തുന്ന ഒന്നാം സെമസ്റ്റർ എംബിഎ സപ്ലിമെന്ററി ഡിഗ്രി പരീക്ഷയ്ക്ക് പിഴകൂടാതെ ഏപ്രിൽ രണ്ട്, 50 രൂപ പിഴയോടെ ഏപ്രിൽ അഞ്ച്, 125 രൂപ പിഴയോടെ ഏപ്രിൽ ഏഴ് വരെയും ഫീസ് അടച്ച് രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ ലഭിക്കും.
പിജിഡിസിഎഎഫ്സി ഫലം
വിദൂരവിദ്യാഭ്യാസപഠനകേന്ദ്രം 2017 ഒക്ടോബറിൽ നടത്തിയ പിജിഡിസിഎഎഫ്സി സപ്ലിമെന്ററി പരീക്ഷയുടെ ഫലം വെബ്സൈറ്റിൽ ലഭ്യമാണ്.
എംകോം ഫലം
വിദൂരവിദ്യാഭ്യാസപഠനകേന്ദ്രം 2017 ജൂലൈയിൽ നടത്തിയ എംകോം മേഴ്സിചാൻസ് (2002 സ്കീം) പരീക്ഷയുടെ ഫലം വെബ്സൈറ്റിൽ ലഭ്യമാണ്.
ത്രിദിന ദേശീയ സെമിനാർ
“ഭാരതീയ ഭാഷാ സാങ്കേതിക വിദ്യ: അവസ്ഥയും സാധ്യതകളും” എന്ന വിഷയത്തിൽ ലിംഗ്വിസ്റ്റിക്സ് ഡിപ്പാർട്ട്മെന്റിലെ ടെക്നോളജി ആൻഡ് റിസോഴ്സ് സെന്റർ ഫോർ മലയാളം സംഘടിപ്പിക്കുന്ന ത്രിദിന ദേശീയ സെമിനാർ ഇന്ന് ഭാഷാശാസ്ത്ര വകുപ്പ് സെമിനാർ ഹാളിൽ പ്ലാനിംഗ് ബോർഡ് മെന്പറും സർവകലാശാല മുൻ വൈസ്ചാൻസലറുമായ ഡോ. ബി. ഇക്ബാൽ ഉദ്ഘാടനം ചെയ്യും. തുഞ്ചത്ത് എഴുത്തച്ഛൻ മലയാളം സർവകലാശാല വൈസ്ചാൻസലർ പ്രഫ. അനിൽ വള്ളത്തോൾ മുഖ്യാതിഥിയാകുന്ന ചടങ്ങിൽ പ്രഫ. അച്ചുത്ശങ്കർ. എസ്.നായർ മുഖ്യ പ്രഭാഷണം നടത്തും.