ജർമ്മൻ പഠനവകുപ്പിൽ അസിസ്റ്റന്‍റ് പ്രഫസർ തസ്തികയിലേക്ക് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
ബിഎം എംഎഎം ഫലം
2017ൽ നടന്ന ഒന്ന്, മൂന്ന് സെമസ്റ്റർ പഞ്ചവത്സര ഇന്‍റഗ്രേറ്റഡ് കോഴ്സ് ഇൻ മാനേജ്മെന്‍റ് ബിഎംഎംഎഎം ഡിഗ്രി പരീക്ഷകളുടെ ഫലം വെബ്സൈറ്റിൽ ലഭിക്കും.
പ്രാക്ടിക്കൽ ക്ലാസുകൾ
വിദൂരവിദ്യാഭ്യാസ വിഭാഗം നടത്തുന്ന ഒന്നാം സെമസ്റ്റർ എംഎസ്‌സി കംപ്യൂട്ടർ സയൻസ് പ്രാക്ടിക്കൽ ക്ലാസുകൾ 28 മുതൽ പാളയം എസ്ഡിഇ യിൽ ആരംഭിക്കും. വിശദവിവരങ്ങൾക്ക് എസ്ഡിഇ വെബ്സൈറ്റ് സന്ദർശിക്കുക.
ബിടെക് ഫലം
2017 ജൂലൈയിൽ നടത്തിയ കന്പൈയ്ൻഡ് ഒന്നും രണ്ടും സെമസ്റ്റർ ബിടെക് റഗുലർ (2013 സ്കീം) (കാര്യവട്ടം, യൂണിവേഴ്സിറ്റി കോളജ് ഓഫ് എൻജിനിയറിംഗ്) ഡിഗ്രി പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി മാത്രം അപേക്ഷിക്കുക. അപേക്ഷിക്കേണ്ട അവസാന തീയതി മേയ് 14. കരട് മാർക്ക് ലിസ്റ്റ് വെബ്സൈറ്റിൽ ലഭ്യമാണ്.
ബിപിഎ പ്രാക്ടിക്കൽ
2017 ഡിസംബറിൽ നടത്തിയ മൂന്നാം സെമസ്റ്റർ ബിപിഎ വോക്കൽ പരീക്ഷയുടെ പ്രാക്ടിക്കൽ പരീക്ഷകൾ മേയ് രണ്ടു മുതൽ ശ്രീസ്വാതിതിരുനാൾ സംഗീത കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
എംബിഎ ഫലം
2017 മാർച്ചിൽ നടത്തിയ ഒന്നാം സെമസ്റ്റർ എംബിഎ ഫുൾടൈം/യുഐഎം/റഗുലർഈവനിംഗ്/ട്രാവൽ ആൻഡ് ടൂറിസം (2014 സ്കീം) & എംബിഎ ഫുൾടൈം സപ്ലിമെന്‍ററി (2009 സ്കീം) പരീക്ഷാഫലം വെബ്സൈറ്റിൽ ലഭിക്കും.
ബിഎസ്‌സി ഫലം
2017 ഒക്ടോബറിൽ നടത്തിയ 2010 അഡ്മിഷൻ ബിഎസ്‌സി വിദ്യാർഥികൾക്കായുള്ള മേഴ്സിചാൻസ്/2011, 2012 അഡ്മിഷൻ വിദ്യാർത്ഥികൾക്കായുള്ള സപ്ലിമെന്‍ററി (രണ്ടാം സെമസ്റ്റർ, നാലാം സെമസ്റ്റർ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്‍ലൈനായി അപേക്ഷ സമർപ്പിക്കാനുള്ള അവസാന തീയതി മേയ് 15.
അപേക്ഷ ക്ഷണിച്ചു
റഷ്യൻ പഠനവകുപ്പ് നടത്തുന്ന റഷ്യൻ സർട്ടിഫിക്കറ്റ്, ഇന്‍റഗ്രേറ്റഡ് ഡിപ്ലോമ കോഴ്സുകൾക്ക് അപേക്ഷ ക്ഷണിച്ചു. യോഗ്യത: പ്ലസ് ടു/പ്രീഡിഗ്രി. അപേക്ഷാഫീസ് 25 രൂപയും രജിസ്ട്രേഷൻ ഫീസ് 100 രൂപയുമാണ്. പൂരിപ്പിച്ച അപേക്ഷകൾ പിഴയില്ലാതെ മേയ് നാല്, 50 രൂപ പിഴയോടെ മേയ് 11, 250 രൂപ പിഴയോടെ മേയ് 18 വരെ പാളയം സെനറ്റ് ഹൗസ് കാന്പസിലുള്ള റഷ്യൻ പഠനവകുപ്പ് ഓഫീസിൽ സ്വീകരിക്കും. വിശദവിവരങ്ങൾ വെബ്സൈറ്റിൽ ന്യൂസ് എന്ന ലിങ്കിലും ലഭിക്കും.
ബിരുദാനന്തര ബിരുദ കോഴ്സ് അഡ്മിഷൻതീയതി നീട്ടി
പഠനവകുപ്പുകളിൽ (സിഎസ്എസ്) എംടെക് ഉൾപ്പെടെയുള്ള ബിരുദാനന്തര ബിരുദ കോഴ്സുകളിലേക്ക് അപേക്ഷിക്കാനുള്ള അവസാന തീയതി മേയ് ഒന്നുവരെ നീട്ടി. വിശദവിവരങ്ങൾക്ക് വെബ്സൈറ്റ് സന്ദർശിക്കുക.
ബിഡിഎസ് ഫലം
2017 ഡിസംബറിൽ നടത്തിയ നാലാം വർഷ ബിഡിഎസ് പാർട്ട് രണ്ട് (സപ്ലിമെന്‍ററി2008 സ്കീം, 2008ന് മുൻപുള്ള സ്കീം) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും മേയ് ഏഴ് വരെ അപേക്ഷിക്കാം.
ബിടെക് ടൈംടേബിൾ
മേയിൽ നടക്കുന്ന ആറാം സെമസ്റ്റർ റഗുലർ ബിടെക് (2013 സ്കീം) കോഴ്സ് കോഡിൽ വരുന്ന ബിടെക് പാർട്ട് ടൈം റീസ്ട്രക്ച്ചേർഡ് 2013 സ്കീം ആറാം സെമസ്റ്റർ പരീക്ഷയുടെയും നാലാം സെമസ്റ്റർ പരീക്ഷയുടെയും ടൈംടേബിൾ വെബ്സൈറ്റിൽ ലഭിക്കും.