ഒന്നാം വർഷ ബിരുദ പ്രവേശനം 2018-19
കേരള സർവകലാശാലയിൽ അഫിലിയേറ്റ് ചെയ്തിട്ടുള്ള ഗവണ്മെന്റ്, എയ്ഡഡ്/സ്വാശ്രയ ആർട്സ് ആൻഡ് സയൻസ് കോളജുകളിലും, യുഐടി , ഐഎച്ച്ആർഡി കേന്ദ്രങ്ങളിലും ഒന്നാം വർഷ ബിരുദ പ്രോഗാമുകളിലേക്ക് (201819) പ്രവേശനത്തിന് ഓണ്ലൈൻ രജിസ്ട്രേഷൻ ആരംഭിച്ചു. സർവകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി അപേക്ഷ സമർപ്പിച്ചിരിക്കണം.
കമ്യൂണിറ്റി ക്വോട്ട
കമ്യൂണിറ്റി ക്വോട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഏകജാലക സംവിധാനം വഴി സമർപ്പിച്ച അപേക്ഷയുടെ ഒരു പകർപ്പും, അനുബന്ധ രേഖകളും ബന്ധപ്പെട്ട കോളജുകളിൽ സമർപ്പിക്കണം. സർവകലാശാലയിലേക്ക് അപേക്ഷകൾ അയക്കേണ്ടതില്ല.
സ്പോർട്സ് ക്വോട്ട
സ്പോർട്സ് ക്വോട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഏകജാലക സംവിധാനം വഴി സമർപ്പിച്ച അപേക്ഷയുടെ ഒരു പകർപ്പും, സ്പോർട്സിലെ മികവും തെളിയിക്കുന്ന രേഖകളുടെ പകർപ്പും സഹിതം പ്രവേശനം ആഗ്രഹിക്കുന്ന കോളജുകളിൽ സമർപ്പിക്കണം. സർവകലാശാലയിലേക്ക് അപേക്ഷകൾ അയക്കേണ്ട തില്ല.
പ്രത്യേക ശ്രദ്ധക്ക്: മതം/ജാതി മുതലായവ അപേക്ഷയിൽ രേഖപ്പെടുത്തുവാൻ താല്പര്യമില്ലാത്ത വിദ്യാർഥികൾക്ക് Not applicable എന്ന ഓപ്ഷൻ സെലക്ട് ചെയ്യാം. ഇങ്ങനെയുള്ളവർ Fee Category General എന്ന് സെലക്ട് ചെയ്യണം. ഫീസ് കാറ്റഗറി സെലക്ട് ചെയ്യുന്നതിന് മുൻപ് അഡ്മിഷൻ സൈറ്റിൽ നൽകിയിട്ടുള്ള നിർദേശങ്ങൾ ശ്രദ്ധാപൂർവം വായിക്കുക. ഈഴവ, മുസ്ലീം, ഒബിഎക്സ്, ഒബിഎച്ച്, എസ്ഐയുസി, എൽസി ക്രിസ്ത്യൻ സമുദായത്തിലേക്ക് മതപരിവർത്തനം നടത്തിയ പട്ടികജാതിക്കാർ, കുടുംബി എന്നിവർക്ക് എസ്ഇബിസി സെലക്ട് ചെയ്യാം. ഫീസ് കാറ്റഗറിയോടൊപ്പം നൽകിയിട്ടുള്ള rulesവായിച്ചിട്ട് മാത്രം ഫീസ് കാറ്റഗറി സെലക്ട് ചെയ്യുക.
രജിസ്ട്രേഷൻ പൂർത്തികരിച്ച് കഴിഞ്ഞാൽ പ്രിന്റൗട്ട് എടുത്ത് സൂക്ഷിക്കേണ്ട താണ്.ഏകജാലക സംവിധാനത്തിലുള്ള എല്ലാ ഫീസുകളും ഓണ്ലൈൻ വഴിയോ വെബ്സൈറ്റിൽ നിന്നും ലഭിക്കുന്ന പ്രത്യേക ചെല്ലാൻ ഉപയോഗിച്ചോ മാത്രം അടയ്ക്കുക. ഡിഡി, ചെക്ക് എന്നിവ സ്വീകരിക്കുന്നതല്ല. ഓണ്ലൈൻ അപേക്ഷ സമർപ്പിക്കേണ്ട അവസാന തീയതി പിന്നീട് അറിയിക്കും. ഓണ്ലൈൻ അപേക്ഷയുടെ പകർപ്പ് സർവകലാശാലയിലേക്ക് അയയ്ക്കേണ്ടതില്ല.
ഇന്റഗ്രേറ്റഡ് ഡിപ്ലോമ ഇൻ റഷ്യൻ ടൈംടേബിൾ
28ന് ആരംഭിക്കുന്ന ഇന്റഗ്രേറ്റഡ് ഡിപ്ലോമ ഇൻ റഷ്യൻ പരീക്ഷയുടെ വിശദമായ ടൈംടേബിൾ വെബ്സൈറ്റിൽ
പരീക്ഷാകേന്ദ്രങ്ങളിൽ മാറ്റം
23ന് ആരംഭിക്കുന്ന മൂന്നും രണ്ടും ഒന്നും വർഷ ബികോം (കംപ്യൂട്ടർ ആപ്ലിക്കേഷൻസ്ത്രീമെയിൻ സിസ്റ്റം) പരീക്ഷകൾക്ക് വിദ്യാർഥികൾ ആവശ്യപ്പെട്ടിരുന്ന കേന്ദ്രങ്ങളിലെ മാറ്റം താഴെപ്പറയുന്ന രീതിയിലാണ്:
1.കൊല്ലം എഫ്എംഎൻ കോളജ് പരീക്ഷാകേന്ദ്രമായി ആവശ്യപ്പെട്ടിരുന്നവർ, കൊല്ലം ടികെഎം ആർട്സ് ആൻഡ് സയൻസ് കോളജിൽ നിന്നും ഹാൾടിക്കറ്റ് കൈപ്പറ്റി അവിടെ പരീക്ഷ എഴുതണം.
2. പുനലൂർ സെന്റ്. ഗൊറേത്തി/പുനലൂർ കെപിഎംഎച്ച്എസ്എസ് പരീക്ഷാകേന്ദ്രമായി ആവശ്യപ്പെട്ടിരുന്നവർ പുനലൂർ എസ്എൻ കോളജിൽ നിന്നും ഹാൾടിക്കറ്റ് വാങ്ങി അവിടെ പരീക്ഷ എഴുതണം.
3. കാര്യവട്ടം ഗവ. കോളജ്/കാട്ടാക്കട ക്രിസ്ത്യൻ കോളജ് പരീക്ഷാകേന്ദ്രമായി ആവശ്യപ്പെട്ടവർ പാളയം സെനറ്റ് ഹൗസ് കാന്പസ് സ്കൂൾ ഓഫ് ഡിസ്റ്റൻസ് എഡ്യൂക്കേഷനിൽ നിന്നും ഹാൾടിക്കറ്റ് വാങ്ങി അവിടെ പരീക്ഷ എഴുതണം.
4. കോട്ടയം എം.സി. വർഗീസ് കോളജ്, ആലപ്പുഴ ലജനത്തുൾ എച്ച്എസ്എസ്, കാഞ്ഞിരപ്പള്ളി സെന്റ് ഡൊമനിക്, ചെങ്ങന്നൂർ ക്രിസ്ത്യൻ കോളജ്, കരിന്പ ഗവ.എച്ച്എസ്എസ്, എച്ച്എസ്എസ് വന്നേരി, കണ്ണൂർ നന്പൂതിരീസ് ടീച്ചർ എഡ്യൂക്കേഷൻ സെന്റർ പരീക്ഷാകേന്ദ്രങ്ങളായി ആവശ്യപ്പെട്ടിരുന്നവർ ചേർത്തല എസ്എൻ കോളജിൽ നിന്നും ഹാൾടിക്കറ്റ് വാങ്ങി അവിടെ പരീക്ഷ എഴുതണം.
5. ചേർത്തല എസ്എൻ കോളജ്, ചേർത്തല സെന്റ്. മൈക്കൽസ് കോളജ് എന്നീ പരീക്ഷാ കേന്ദ്രങ്ങൾക്ക് മാറ്റമില്ല. വിശദമായ ടൈംടേബിൾ വെബ്സൈറ്റിൽ
എംഎഡ് റിസർച്ച് പ്രൊപ്പോസൽ ടൈംടേബിൾ
22ന് ആരംഭിക്കുന്ന രണ്ടാം സെമസ്റ്റർ എംഎഡ് ഡിഗ്രി പരീക്ഷയോടനുബന്ധിച്ചുള്ള റിസർച്ച് പ്രൊപ്പോസൽ നടത്തുന്നതിന്റെ വിശദമായ ടൈംടേബിൾ വെബ്സൈറ്റിൽ.
ബിഎസ്സി പ്രാക്ടിക്കൽ
ഏപ്രിലിൽ നടത്തിയ ആറാം സെമസ്റ്റർ ബിഎസ്സി ബയോകെമിസ്ട്രി ആൻഡ് ഇൻസ്ട്രിയൽ മൈക്രോബയോളജി പരീക്ഷയുടെ പ്രാക്ടിക്കൽ 28 മുതൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ
ബിഎസ്സി ഫലം
2017 ഒക്ടോബറിൽ നടത്തിയ നാല്, രണ്ട് സെമസ്റ്റർ ബിഎസ്സി ബോട്ടണി ആൻഡ് ബയോടെക്നോളജി, ബയോകെമിസ്ട്രി ആൻഡ് ഇൻസ്ട്രിയൽ മൈക്രോബയോളജി (2013 അഡ്മിഷനു മുൻപുള്ളത്) പരീക്ഷാഫലം വെബ്സൈറ്റിൽ. സൂക്ഷ്മപരിശോധനയ്ക്കും പുനർമൂല്യനിർണയത്തിനും ജൂണ് ആറ് വരെ ഓണ്ലൈനായി അപേക്ഷിക്കാം.
ബിഎസ്സി പ്രാക്ടിക്കൽ
ഏപ്രിലിൽ നടത്തിയ ആറാം സെമസ്റ്റർ ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷൻ പരീക്ഷയുടെ പ്രാക്ടിക്കൽ 22 മുതൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ
ബിഎ എസ്എൽപി പരീക്ഷ
ജൂണ് അഞ്ചിന് ആരംഭിക്കുന്ന ആറാം സെമസ്റ്റർ ബിഎ എസ്എൽപി (സിബിസിഎസ്എസ് സ്ട്രീം) ഡിഗ്രി പരീക്ഷയ്ക്ക് പിഴകൂടാതെ 24 വരെയും പിഴയോടെ 28 വരെയും ഫീസടച്ച് അപേക്ഷിക്കാം.
ജൂണ് 13ന് ആരംഭിക്കുന്ന നാലാം സെമസ്റ്റർ ബിഎ എസ്എൽപി (മേഴ്സിചാൻസ് പഴയ സ്കീം) ഡിഗ്രി പരീക്ഷയ്ക്ക് പിഴകൂടാതെ 22 വരെയും പിഴയോടെ 26 വരെയും ഫീസടച്ച് അപേക്ഷിക്കാം.
കാന്പസ് നഴ്സറി സ്കൂൾ അഡ്മിഷൻ
കേരള സർവകലാശാല കാന്പസ് അസോസിയേഷൻ നഴ്സറി സ്കൂളിലേയ്ക്ക് എൽകെജി, യുകെജി, ക്രഷ് എന്നിവയിലേയ്ക്ക് അഡ്മിഷൻ പുരോഗമിക്കുന്നു.അവസാന തീയതി 29. വിശദവിവരങ്ങൾക്ക് 9846830314, 7558079312.
ബിഎഡ് ഫലം
2017 ഡിസംബറിൽ നടത്തിയ ഒന്നാം സെമസ്റ്റർ ബിഎഡ് പരീക്ഷയുടെ (റഗുലർ/സപ്ലിമെന്ററി)ഫലം പ്രസിദ്ധീകരിച്ചു.വിശദമായ ഫലം വെബ്സൈറ്റിൽ. സൂക്ഷ്മപരിശോധനയ്ക്കും പുനർ മൂല്യനിർണയത്തിനും ജൂണ് എട്ട് വരെ അപേക്ഷിക്കാം.