കണ്ണൂർ സർവകലാശാലയ്ക്ക് കീഴിലുള്ള നാലാം സെമസ്റ്റർ (സിബിസിഎസ്എസ് 2016 അഡ്മിഷൻ), രണ്ടാം സെമസ്റ്റർ (സിബിസിഎസ്എസ് 2017 അഡ്മിഷൻ) ബിരുദ വിദ്യാർഥികളുടെ ഇന്റേണൽ അസസ്മെന്റ് മാർക്കുകൾ ഓണ്ലൈനായി യഥാക്രമം 18 മുതൽ 25 വരെയും 25 മുതൽ ജൂലൈ ആറു വരെയും സമർപ്പിക്കണം. ഓണ്ലൈനായി സമർപ്പിക്കപ്പെട്ട മാർക്കുകളുടെ സാക്ഷ്യപ്പെടുത്തിയ പ്രിന്റൗട്ടുകൾ നാലാം സെമസ്റ്ററിന്റേത് 28 നകവും രണ്ടാം സെമസ്റ്ററിന്റേത് ജൂലൈ 13 നകവും സർവകലാശാലയിൽ എത്തിക്കണം. പരീക്ഷാഫലം പ്രസിദ്ധീകരിക്കുന്നതിലെ കാലതാമസം ഒഴിവാക്കുവാൻ കോളജ് പ്രിൻസിപ്പൽമാരും വകുപ്പു തലവൻമാരും നിശ്ചിത സമയപരിധിക്കുള്ളിൽത്തന്നെ രേഖകൾ സമർപ്പിക്കണം. സംശയനിവാരണത്തിനായി (
[email protected] എന്ന ഇമെയിൽ വിലാസത്തിലോ 0497 2715405 എന്ന സന്പറിലോ ബന്ധപ്പെടാം.
അവസാന വർഷ ബിഡിഎസ് പരീക്ഷാഫലം അവസാന വർഷ ബിഡിഎസ് പാർട്ട് രണ്ട് (സപ്ലിമെന്ററി) ജൂണ് 2017 പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യ നിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷകൾ 25 വരെ സർവകലാശാലയിൽ സ്വീകരിക്കും.
രണ്ടാം സെമസ്റ്റർ എംഎ ഭരതനാട്യംപ്രായോഗിക പരീക്ഷ രണ്ടാം സെമസ്റ്റർ എംഎ ഭരതനാട്യം ഡിഗ്രി (റെഗുലർ/സപ്ലിമെന്ററി മാർച്ച് 2018) യുടെ പ്രായോഗിക പരീക്ഷകൾ 21 ന് പിലാത്തറ ലാസ്യ കോളജ് ഓഫ് ഫൈൻ ആർട്സിൽ നടക്കും. രജിസ്റ്റർചെയ്ത വിദ്യാർഥികൾ കോളജുമായി ബന്ധപ്പെടണം.
നാലാം സെമസ്റ്റർ എംഎ ഹിസ്റ്ററി ഡിഗ്രി പ്രോജക്ട് മൂല്യനിർണയം, പ്രോജക്ട് വാചാ പരിക്ഷ, പൊതു വാചാ പരിക്ഷ നാലാം സെമസ്റ്റർ എംഎ ഹിസ്റ്ററി ഡിഗ്രി (റെഗുലർ/സപ്ലിമെന്ററിമാർച്ച് 2018) യുടെ പ്രോജക്ട് മൂല്യനിർണയം, പ്രോജക്ട് വാചാ പരീക്ഷ, പൊതു വാചാ പരീക്ഷ 25 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
എൻആർഐ സീറ്റ്: വകുപ്പിനെ സമീപിക്കാം കണ്ണൂർ സർവകലാശാലയിലെ വിവിധ പഠനവകുപ്പുകളിലെ എംഎസ്സി എൻവയോണ്മെന്റൽ സയൻസ്, എംഎസ്സി മോളിക്യുലാർ ബയോളജി, എംഎസ്സി അപ്ലൈഡ് സുവോളജി, എംസിഎ, എംസിഎ (ലാറ്ററൽ എൻട്രി) എന്നീ പ്രോഗ്രാമുകളിലേക്ക് എൻആർഐ സീറ്റുകളിലേക്കുള്ള പ്രവേശനത്തിന് ഡിപ്പാർട്ട്മെന്റുകളുമായി ബന്ധപ്പെടണം.
അസിസ്റ്റന്റ് പ്രഫസർ നിയമനം കണ്ണൂർ സർവകലാശാലയുടെ പാലയാട് കാന്പസിൽ പ്രവർത്തിക്കുന്ന സ്കൂൾ ഓഫ് ലീഗൽ സ്റ്റഡീസിന് കീഴിലുള്ള ഡിപ്പാർട്ട്മെന്റ് ഓഫ് ലോയിൽ കരാറടിസ്ഥാനത്തിൽ അസിസ്റ്റന്റ് പ്രഫസറെ നിയമിക്കുന്നതിനായി 20 ന് രാവിലെ 11 ന് സർവകലാശാല താവക്കര ഹെഡ് ക്വാർട്ടേഴ്സിൽ വാക് ഇൻ ഇന്റർവ്യൂ നടത്തും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 210 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ 11 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്.
ബിരുദ പ്രവേശന ഒന്നാം അലോട്ട്മെന്റ് കണ്ണൂർ സർവകലാശാലയുടെ 201819 അധ്യയനവർഷത്തെ ബിരുദപ്രവേശനത്തിനുള്ള ഒന്നാം അലോട്ട്മെന്റ് പ്രസിദ്ധീകരിച്ചു. http://cap.kannuruniversity.ac.in എന്ന എന്ന വെബ്സൈറ്റിൽ ലഭിക്കും. അപേക്ഷകർ ആപ്ലിക്കേഷന് നമ്പറും പാസ്വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കണം. അലോട്ട്മെന്റ് ലഭിച്ച വിദ്യാർഥികൾ അഡ്മിഷൻ ഫീസ് എസ്ബിഐ കളക്ട് വഴി നിർബന്ധമായും അടയ്ക്കേണ്ടതാണ്. ഫീസ് അടയ്ക്കാത്തവർക്ക് ലഭിച്ച അലോട്ട്മെന്റ് നഷ്ടമാകുകയും തുടർന്നുള്ള അലോട്ട്മെന്റ് പ്രക്രിയയിൽനിന്ന് പുറത്താകുകയും ചെയ്യും. അഡ്മിഷന് ഫീസ് ജനറൽ വിഭാഗത്തിന് 685 രൂപയും എസ്സി, എസ്ടി വിഭാഗത്തിന് 630 രൂപയുമാണ്. UG Admission Admission Fee(General /SEBC), UG Admission Admission Fee(SC/ST) എന്നീ കാറ്റഗറിയിൽ മാത്രം ഓൺലൈനായി ഫീസ് അടക്കാൻ പ്രത്യേകം ശ്രദ്ധിക്കണം. മറ്റ് കാറ്റഗറിയിൽ ഫീസടച്ചാൽ ഒരു കാരണവശാലും പരിഗണിക്കുന്നതല്ല.
അഡ്മിഷന് ഫീസ് അടച്ച വിദ്യാർഥികൾ ലോഗിൻ ചെയ്ത് അഡ്മിഷൻ ഫീസ് അടച്ച വിവരം 17ന് വൈകുന്നേരം അഞ്ചിനു മുന്പായി വെബ്സൈറ്റിൽ നല്കി തങ്ങളുടെ അലോട്ട്മെന്റ് ഉറപ്പാക്കണം. അഡ്മിഷൻ ഫീസ് അടച്ച വിവരം യഥാസമയം http://cap.kannuruniversity.ac.inൽ ചേർക്കാത്ത അപേക്ഷകരുടെ അലോട്ട്മെന്റ് റദ്ദാകും. ഇങ്ങനെയുള്ള വിദ്യാർഥികളെ യാതൊരു കാരണവശാലും അടുത്ത അലോട്ട്മെന്റിൽ പരിഗണിക്കുന്നതല്ല. അലോട്ട്മെന്റ് ലഭിച്ച അപേക്ഷകർ തങ്ങള്ക്ക് ലഭിച്ച സീറ്റില് സംതൃപ്തരല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടണമെന്നുണ്ടെങ്കില് അതിനായി അഡ്മിഷൻ ഫീസ് യഥാസമയം അടച്ച് ആ വിവരം നിശ്ചിതസമയത്തിനുള്ളിൽ വെബ്സൈറ്റിൽ ചേർക്കണം. അലോട്ട്മെന്റ് ലഭിച്ച അപേക്ഷകർ തങ്ങള്ക്ക് ലഭിച്ച സീറ്റിൽ സംതൃപ്തരാണെങ്കിൽ അഡ്മിഷന് ഫീസ് അടച്ച വിവരം വെബ്സൈറ്റിൽ ചേർത്തശേഷം അവരുടെ ഹയർ ഓപ്ഷനുകൾ 17 ന് വൈകുന്നേരം അഞ്ചിനുള്ളിൽ നീക്കംചെയ്യണം. ഇപ്രകാരം സ്വന്തം ഇഷ്ടത്തിനനുസരിച്ച് റദ്ദ് ചെയ്ത ഹയർ ഓപ്ഷനുകൾ പിന്നീട് ഒരു കാരണവശാലും പുനഃസ്ഥാപിച്ച് കൊടുക്കുന്നതല്ല. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത അലോട്ട്മെന്റിൽ ആ ഓപ്ഷനുകളിലേക്ക് പരിഗണിക്കുന്നതും അവർ പുതിയ അലോട്ട്മെന്റ് നിർബന്ധമായും സ്വീകരിക്കേണ്ടതുമാണ്. രണ്ടാം അലോട്ട്മെന്റ് 20നും മൂന്നാം അലോട്ട്മെന്റ് 25നും പ്രസിദ്ധീകരിക്കും.
കോളജ് പ്രവേശനം ഒന്നാം അലോട്ട്മെന്റിനുശേഷം ഒഴിവ് വരുന്ന സീറ്റുകളിലേക്ക് രണ്ടും മൂന്നും അലോട്ട്മെന്റുകൾ നടത്തുന്നതാണ്. ഒന്ന്, രണ്ട്, മൂന്ന് അലോട്ട്മെന്റുകളിൽ അലോട്ട്മെന്റ് ലഭിക്കുന്ന വിദ്യാർഥികൾ മൂന്നാം അലോട്ട്മെന്റിനുശേഷം മാത്രം അതത് കോളജുകളിൽ അഡ്മിഷനുവേണ്ടി ഹാജരാകണം. അഡ്മിഷൻ ലഭിക്കുന്നതിനായി ഹാജരാക്കുന്നതിനുള്ള അലോട്ട്മെന്റ് മെമ്മോ മൂന്നാം അലോട്ട്മെന്റിനുശേഷം മാത്രം വെബ്സൈറ്റിൽനിന്നും ലഭ്യമാകും. അലോട്ട്മെന്റ് മെമ്മോയോടൊപ്പം താഴെക്കൊടുത്തിരിക്കുന്ന രേഖകളും പ്രവേശനസമയത്ത് അതത് കോളജുകളിൽ ഹാജരാക്കണം.
ഓണ്ലൈൻ അപേക്ഷയുടെ പ്രിന്റൗട്ട്, രജിസ്ട്രേഷന് ഫീസ്, സർവകലാശാല ഫീസ് എന്നിവ
എസ്ബിഐ കളക്ട് വഴി ഓണ്ലൈനായി അടച്ച രസീതിന്റെ പ്രിന്റൗട്ട്, യോഗ്യതാ പരീക്ഷയുടെ അസല് മാർക്ക് ലിസ്റ്റ്, ജനനതീയതി തെളിയിക്കുന്ന സർട്ടിഫിക്കറ്റ്, വിടുതല് സർട്ടിഫിക്കറ്റ്, കോഴ്സ് ആൻഡ് കോൺഡക്ട് സർട്ടിഫിക്കറ്റ്, അസൽ കമ്യൂണിറ്റി, ബിപിഎല് സർട്ടിഫിക്കറ്റ്, അസൽ നോണ്ക്രീമിലെയർ സർട്ടിഫിക്കറ്റ്(എസ്ഇബിസി വിഭാഗങ്ങള്ക്ക്), ഗ്രേസ് മാർക്ക് ലഭിക്കുന്നതിനാവശ്യമായ അസല് സർട്ടിഫിക്കറ്റ്, എച്ച്എസ്ഇ, വിഎച്ച്എസ്ഇ, സിബിഎസ്ഇ, ഐഎസ്സിഇ എന്നിവയൊഴികെ മറ്റു ബോർഡുകളില്നിന്നും യോഗ്യതാ പരീക്ഷ പാസായവർ കണ്ണൂർ സർവകലാശാലയുടെ Recognition Certificate ഹാജരാക്കണം. അപേക്ഷയില് കൊടുത്തിരിക്കുന്ന മറ്റ് ആനുകൂല്യങ്ങൾ തെളിയിക്കുന്നതിനുള്ള സർട്ടിഫിക്കറ്റ്.
ഫീസടച്ച വിവരങ്ങൾ അടങ്ങിയ പ്രിന്റൗട്ട് ഓണ്ലൈൻ രജിസ്റ്റർ ചെയ്ത എല്ലാ വിദ്യാർഥികളും ഫീസടച്ചതിന്റെ വിവരങ്ങൾ അടങ്ങിയ പ്രിന്റൗട്ട് കൈവശം സൂക്ഷിക്കണം. ഇ ചലാന് വഴി ഫീസ് അടച്ചവർക്ക് onlinesbi.com എന്ന വെബ്സൈറ്റിലെ Reprint remittance form ലിങ്ക് വഴി പ്രിന്റ് ഔട്ട് എടുക്കാം. ഓണ്ലൈൻ പേമെന്റ് വഴി ഫീസ് അടച്ചവർ ഈ വെബ്സൈറ്റിലെ payment history എന്ന ലിങ്ക് വഴി പ്രിന്റൗട്ട് എടുക്കണം. ഈ പ്രിന്റൗട്ട് അഡ്മിഷൻസമയത്ത് നിർബന്ധമായും കോളജിൽ ഹാജരാകണം.
മാനേജ്മെന്റ് ക്വാട്ട രജിസ്ട്രേഷൻ മാനേജ്മെന്റ് ക്വാട്ടയിൽ പ്രവേശനം ആഗ്രഹിക്കുന്നവർക്ക് ഓണ്ലൈനായി രജിസ്ട്രേഷന് ചെയ്യാം. ഇതിനുമുന്പ് ഓണ്ലൈനായി രജിസ്റ്റർ ചെയ്തവർ വീണ്ടും രജിസ്റ്റർ ചെയ്യേണ്ടതില്ല.
മൊബൈല് ആപ്പ് അലോട്ട്മെന്റ് വിവരങ്ങൾ മൊബൈൽ ആപ്പ് വഴി ലഭ്യമാണ്. ഈ സേവനത്തിനായി ഗൂഗിൾ പ്ലേ സ്റ്റോറിൽ Kannur University Allotment 2018 എന്ന് ടൈപ്പ് ചെയ്ത് ആപ്പ് ഡൗൺലോഡ് ചെയ്ത് എടുക്കാം. ഫോൺ: 04972715261, 04972715284 ,9446382340 .