കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സെല്ഫ് ഫിനാന്സിംഗ് കോളജുകളിലേക്കുള്ള 201819 അധ്യയനവർഷത്തെ പിജി കോഴ്സുകളിലേക്കുള്ള ഓൺലൈൻ രജിസ്ട്രേഷൻ ഇന്നു വൈകുന്നേരം അഞ്ചോടെ ആരംഭിക്കും. ഓണ്ലൈൻ രജിസ്ട്രേഷൻ സംബന്ധമായ വിവരങ്ങൾ http://cap.kannuruniversity.ac.in എന്ന വെബ്സൈറ്റിൽ ‘ Prospectus ’ ലിങ്കിൽ ലഭ്യമാണ്. രജിസ്ട്രേഷന് പൂർത്തിയാക്കേണ്ട അവസാന തീയതി ജൂലൈ അഞ്ചാണ്. കമ്യൂണിറ്റി, മാനേജ്മെന്റ്,സ്പോര്ട്സ് എന്നീ ക്വാട്ടകളിൽ പ്രവേശനം ആഗ്രഹിക്കുന്നവര് ഓണ്ലൈൻ അപേക്ഷയുടെ പ്രിന്റൗട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളില് പ്രത്യേകം അപേക്ഷ സമര്പ്പിക്കേണ്ടതാണ്.
സെല്ഫ് ഫിനാന്സിംഗ് കോളജുകളുടെ ഫീസ് നിരക്ക് സര്ക്കാർ/എയ്ഡഡ് കോളജുകളെ അപേക്ഷിച്ചു കൂടുതലാണ്. നോണ് ക്രീമിലെയർ സർട്ടിഫിക്കറ്റിന്റെ അടിസ്ഥാനത്തിലാണ് എസ്ഇബിസി വിഭാഗങ്ങള്ക്കു സംവരണം അനുവദിക്കുന്നത്.
കോളജുകളെ സംബന്ധിക്കുന്ന വിവരങ്ങൾ (ദൂരം, ഹോസ്റ്റല് സൗകര്യം മുതലായവ) അതത് കോളജുകളുടെ വെബ്സൈറ്റിൽ ലഭ്യമാണ്. അതു പരിശോധിച്ചതിനുശേഷം മാത്രം കോളജുകള് തെരഞ്ഞെടുക്കേണ്ടതാണ്.
ഓണ്ലൈൻ രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്റൗട്ട് കോളജുകളിലേക്കോ സര്വകലാശാലയിലേക്കോ അയക്കേണ്ടതില്ല. അപേക്ഷ യുടെ പ്രിന്റൗട്ടും ഫീസടച്ചതിന്റെ രസീതും പ്രവേശനസമയത്ത് അതത് കോളജുകളിൽ ഹാജരാക്കേണ്ടതാണ്. ഓണ്ലൈൻ രജിസ്ട്രേഷൻ ഫീസ് 400 രൂപയാണ്. (എസ് സി, എസ്ടി വിഭാഗത്തിനു 100 രൂപ)
ഏകജാലക സംവിധാനത്തിലുള്ള എല്ലാ ഫീസുകളും എസ്ബിഐ കളക്ട് മുഖാന്തിരം മാത്രം അടയ്ക്കേണ്ടതാണ്. ഓണ്ലൈനായും ഇ ചലാൻ വഴിയും ഫീസ് അടയ്ക്കാനുള്ള സംവിധാനം എസ്ബിഐ കളക്ട് മുഖാന്തരം ലഭ്യമാണ്. ഇതുസംബന്ധിച്ചുള്ള വിവരങ്ങള് www.kannuruniversity.ac.in എന്ന വെബ്സൈറ്റില് ലഭ്യമാണ്. ഡിഡി, ചെക്ക്, മറ്റു ചലാനുകള് തുടങ്ങിയവ സ്വീകരിക്കുന്നതല്ല.
രജിസ്ട്രേഷൻ ഫീസ് PG Admission – Registration Fee (GENERAL/SEBC) , PG Admission – Registration Fee (SC/ST) എന്നീ കാറ്റഗറിയിൽ മാത്രം അടയ്ക്കാൻ പ്രത്യേകം ശ്രദ്ധിക്കേണ്ടതാണ്. മറ്റു കാറ്റഗറിയിൽ ഫീസടച്ചാൽ ഒരു കാരണവശാലും പരിഗണിക്കുന്നതല്ല. ഇങ്ങനെ തെറ്റായി അടച്ച ഫീസ് തിരികെ ലഭിക്കുന്നതുമല്ല.
റാങ്ക് ലിസ്റ്റ് ജൂലൈ 10 ന് ഓണ്ലൈനായി രജിസ്റ്റർ ചെയ്ത അപേക്ഷകരുടെ പ്രൊവിഷണൽ റാങ്ക് ലിസ്റ്റ് ജൂലൈ10 ന് പ്രസിദ്ധീകരിക്കും. ജൂലൈ 16 മുതൽ കോളജുകളിൽ പ്രവേശനം നടത്തുന്നതും ജൂലൈ 18ന് ഒന്നാം സെമസ്റ്റർ ക്ലാസുകൾ ആരംഭിക്കുന്നതുമാണ്.
യുജി രണ്ടാം അലോട്ട്മെന്റ് ഇന്ന് രണ്ടാം അലോട്ട്മെന്റ് ഇന്നു വൈകുന്നേരം അഞ്ചിന് പ്രസിദ്ധീകരിക്കും. അപേക്ഷകർക്ക് http://cap.kannuruniversity.ac.in എന്ന വെബ്സൈറ്റിൽ ലോഗിൻ ചെയ്ത് അലോട്ട്മെന്റ് വിവരങ്ങൾ അറിയാം. അലോട്ട്മെന്റ് ലഭിക്കുന്ന വിദ്യാർഥികൾ മൂന്നാം അലോട്ട്മെന്റിനുശേഷം മാത്രമേ കോളജുകളില് പ്രവേശനം നേടേണ്ടതുള്ളൂ. ഹെല്പ്പ് ലൈൻ നമ്പർ: 04972715261, 04972715284, 9446382340
ഇമെയിൽ:
[email protected].
എംഎസ്സി പ്രായോഗിക പരീക്ഷകൾ/വാചാ പരീക്ഷ നാലാം സെമസ്റ്റർ എംഎസ്സി ഫിസിക്സ് ഡിഗ്രി (റഗുലർ/സപ്ലിമെന്ററിമാർച്ച് 2018) യുടെ പ്രായോഗിക/വാചാ പരീക്ഷകൾ 27 മുതലും രണ്ടാം സെമസ്റ്ററിന്റേത് ജൂലൈ അഞ്ച് മുതലും വിവിധ കേന്ദ്രങ്ങളിൽ ആരംഭിക്കും. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
എംഎസ്സി സുവോളജി ഡിഗ്രി (റഗുലർ/സപ്ലിമെന്ററിമാർച്ച് 2018) യുടെ നാലാം സെമസ്റ്ററിന്റെ പ്രായോഗിക പരീക്ഷകൾ/പ്രോജക്ട് മൂല്യനിർണയം/വാചാ പരീക്ഷ 25 മുതലും രണ്ടാം സെമസ്റ്ററിന്റേത് ജൂലൈ രണ്ടുമുതലും വിവിധ കേന്ദ്രങ്ങളിൽ ആരംഭിക്കും. രജിസ്റ്റർചെയ്ത വിദ്യാർഥികൾ അതത് കോളജുമായി ബന്ധപ്പെടണം.
ബിഎസ്സി മാത്തമാറ്റിക്സ് (ഓണേഴ്സ്) പരീക്ഷാഫലം ആറാം സെമസ്റ്റർ ബിഎസ്സി മാത്തമാറ്റിക്സ് (ഓണേഴ്സ്), ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ്) മേയ് 2018 പരീക്ഷയുടെ ഫലം പ്രസിദ്ധീകരിച്ചു. പുനഃപരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ ജൂലൈ രണ്ടുവരെ ഓണ്ലൈനായി സ്വീകരിക്കും.
നാലാം സെമസ്റ്റർ ബിടിടിഎം പ്രായോഗിക വാചാ പരീക്ഷ നാലാം സെമസ്റ്റർ ബിടിടിഎം പ്രായോഗിക വാചാ പരീക്ഷ 21, 22 തീയതികളിൽ നടക്കും. രജിസ്റ്റർ ചെയ്ത വിദ്യാർഥികൾ അതത് കോളജുകളുമായി ബന്ധപ്പെടണം.
രണ്ടാം സെമസ്റ്റർ അപ്ലൈഡ് സുവോളജി പരീക്ഷാഫലം കണ്ണൂർ സർവകലാശാല മാനന്തവാടി കാന്പസിലെ രണ്ടാം സെമസ്റ്റർ എംഎസ്സി അപ്ലൈഡ് സുവോളജി (സിസിഎസ്എസ്റഗുലർ) മേയ് 2017 പരീക്ഷാഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/ സൂക്ഷ്മ പരിശോധന/ ഫോട്ടോകോപ്പി എന്നിവയ്ക്കു 30 വരെ അപേക്ഷിക്കാം.