വിദൂരവിദ്യാഭ്യാസ ബിരുദഫലം പ്രസിദ്ധീകരിച്ചു
കണ്ണൂർ സർവകലാശാലയുടെ വിദൂരവിദ്യാഭ്യാസം അവസാനവർഷ ബിബിഎ/ബിഎസ്സി (മാത്തമാറ്റിക്സ്)/ബിഎ ഇംഗ്ലീഷ്/മലയാളം/ഹിസ്റ്ററി/സോഷ്യോളജി/പൊളിറ്റിക്കൽ സയൻസ്/ബിഎ അഫ്സൽ ഉൽ ഉലമ), മാർച്ച് 2018 പരീക്ഷ (റഗുലർ 2015 പ്രവേശനം/സപ്ലിമെന്ററി/ഇംപ്രൂവ്മെന്റ്) ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ രണ്ടുമുതൽ ലഭ്യമാകും. പുനർമൂല്യനിർണയം/ സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള ഓണ്ലൈൻ അപേക്ഷകൾ ജൂലൈ ഒൻപത്വരെ സർവകലാശാലയിൽ സ്വീകരിക്കും. ഗ്രേഡ് കാർഡുകൾ, പ്രൊവിഷണൽ സർട്ടിഫിക്കറ്റുകൾ എന്നിവ നൽകുന്ന തീയതി പിന്നീട് അറിയിക്കും.
പ്രോജക്ട് മൂല്യനിർണയം/വാചാ പരീക്ഷ
നാലാം വർഷ ബിഎസ്സി എംആർടി (സപ്ലിമെന്ററിജൂണ് 2018) യുടെ പ്രോജക്ട് മൂല്യനിർണയം/വാചാ പരീക്ഷ 29 ന് മൂഴിക്കര മലബാർ കാൻസർ സെന്ററിൽ നടത്തും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.പുതുക്കിയ തീയതികൾ: തലശേരി, ഇരിട്ടി താലൂക്കുകളിലെ കോളജുകളിൽ മാറ്റിവച്ച നാലാം സെമസ്റ്റർ എംകോം ഡിഗ്രിയുടെ (റഗുലർ/സപ്ലിമെന്ററിമാർച്ച് 2018) പ്രോജക്ട് മൂല്യനിർണയം/വാചാ പരീക്ഷകൾ ജൂലൈ 2, 3, 4 തീയതികളിൽ നടത്തും. രജിസ്റ്റർചെയ്ത വിദ്യാർഥികൾ അതത് കോളജുമായി ബന്ധപ്പെടണം.
പിഎച്ച്ഡി പ്രവേശന പരീക്ഷ 24ന്
കണ്ണൂർ സർവകലാശാല 201819 വർഷത്തെ പിഎച്ച്ഡി പ്രവേശനത്തിന് മേയ് മൂന്നിലെ വിജ്ഞാപന പ്രകാരം അപേക്ഷിച്ചവർക്കുള്ള പ്രവേശന പരീക്ഷ ഈമാസം 24ന് രാവിലെ 10 മുതൽ സർവകലാശാലയുടെ മാങ്ങാട്ടുപറന്പ് കാന്പസിലെ വിവിധ ഡിപ്പാർട്ട്മെന്റുകളിൽ നടത്തും. 24ന് പുനഃക്രമീകരിച്ചിട്ടുള്ള പ്രസ്തുത പരീക്ഷയുടെ ഹാൾടിക്കറ്റുകളും അപേക്ഷകർക്കുള്ള നിർദേശങ്ങളും വെബ്സൈറ്റിൽനിന്നും ഡൗൺലോഡ് ചെയ്യേണ്ടതും ഫോട്ടോ പതിച്ച് ഗസറ്റഡ് ഓഫീസർ അറ്റസ്റ്റ് ചെയ്ത് പരീക്ഷാസമയത്ത് ഹാജരാക്കേണ്ടതുമാണ്. വിശദവിവരങ്ങൾ സർവകലാശാലയുടെ www.kannuruniversity.ac.in എന്ന വെബ്സൈറ്റിൽ ലഭിക്കും.
ബിഎഡ് അപേക്ഷാതീയതി നീട്ടി
കണ്ണൂർ സർവകലാശാലയുടെ കീഴിലുള്ള ടീച്ചർ എഡ്യുക്കേഷൻ സെന്ററുകളിലും അഫിലിയേറ്റ് ചെയ്ത ബിഎഡ് കോളജുകളിലും (രാജീവ് മെമ്മോറിയൽ കോളജ് ഓഫ് എഡ്യുക്കേഷൻ ഒഴികെ) ബിഎഡ് (2016) കോഴ്സിന് അപേക്ഷ സ്വീകരിക്കുന്ന അവസാന തീയതി ഈമാസം 25 വരെ നീട്ടി. എൻഎസ്എസ് വെയിറ്റേജിന് അർഹതയുള്ള വിദ്യാർഥികൾ അതുസംബന്ധിച്ച രേഖകൾ 25ന് വൈകുന്നേരം അഞ്ചിനുമുന്പായി ബന്ധപ്പെട്ട സെന്ററുകളിൽ സമർപ്പിക്കണം.