ഒരു ടൈപ്പ് റൈറ്റിംഗ് ഇൻസ്റ്റിറ്റ്യൂട്ട് അപാരത
പ​ഴ​യ ടൈ​പ്പ് റൈ​റ്റിം​ഗ് ഇ​ൻ​സ്റ്റി​റ്റ്യൂ​ട്ടി​ലെ ഇ​ടു​ങ്ങി​യ കോ​ണി​പ്പ​ടി​ക​യ​റു​ന്പോ​ൾ മ​ന​സി​ൽ ആ​റക്ഷ​ര​ങ്ങ​ൾ തു​ള്ളി​ച്ചാ​ടി. പ​ണ്ട് പ​ത്താം​ക്ലാ​സ് പ​രീ​ക്ഷ​യെ​ഴു​തി പി​റ്റേ​ന്ന് ത​ന്നെ ഈ ​ഇ​ൻ​സ്റ്റി​റ്റ്യൂ​ട്ടി​ൽ വ​ന്ന് ചേ​ർ​ന്ന കാ​ര്യം ആ​ലോ​ചി​ച്ച​പ്പോ​ൾ കൗ​തു​കം തോ​ന്നി. അ​ന്ന് പ​ടി​ക​യ​റി​യെ​ത്തു​ന്പോ​ൾ വ​ര​വേ​റ്റ​ത് ക​ട​ക​ട ശ​ബ്ദ​വും റി​ബ്ബ​ണ്‍​പൂ​ളി​ലെ മ​ഷി​യു​ടെ ഗ​ന്ധ​വു​മാ​യി​രു​ന്നു. ഇ​പ്പോ​ൾ ആ ​ഗ​ന്ധം വീ​ണ്ടും് മ​ന​സി​ൽ നി​റ​യു​ന്നു....​കാ​തി​ൽ ആ ​ക​ട​ക​ട​ശ​ബ്ദം മു​ഴ​ങ്ങു​ന്നു....​മ​ന​സി​ലെ​വി​ടെ​യോ ആ​റ​ക്ഷ​ര​മ​ന്ത്രം ഞാ​ൻ പോ​ലു​മ​റി​യാ​തെ ചൊ​ല്ലി​പ്പ​ട​രു​ന്നു...​എ എ​സ് ഡി ​എ​ഫ് ജി ​എ​ഫ്....
എഎ​സ്ഡി​എ​ഫ്ജിഎ​ഫ്...
വ​ർ​ഷ​ങ്ങ​ൾ​ക്കു മു​ന്പ് പ​ത്താം ക്ലാ​സ് പ​രീ​ക്ഷ​യെ​ഴു​തി​യ​വ​രു​ടെ മ​ന​സി​ലും വി​ര​ൽ​ത്തു​ന്പി​ലും ഈ ​ആ​റ​ക്ഷ​ര​ങ്ങ​ൾ നി​റ​ഞ്ഞു​നി​ന്നി​രു​ന്നു...പ​ത്താം ക്ലാ​സ് പ​രീ​ക്ഷ ക​ഴി​ഞ്ഞാ​ൽ അ​ടു​ത്ത ദി​വ​സം മു​ത​ൽ ടൈ​പ്പി​ന് പോ​യി​ത്തു​ട​ങ്ങും.

അ​തൊ​രു ഒ​ന്നൊ​ന്ന​ര പോ​ക്കാ​യി​രു​ന്നു. കേം​ബ്രി​ജ് യൂ​ണി​വേ​ഴ്സി​റ്റി​യി​ൽ അ​ഡ്മി​ഷ​ൻ കി​ട്ടി​യ ഗ​മ​യാ​യി​രു​ന്നു ടൈ​പ്പി​നു പോ​കു​ന്നു​വെ​ന്ന് പ​റ​യു​ന്പോ​ൾ. ടൈ​പ്പും ഷോ​ർ​ട്ടാ​ന്‍റും കൂ​ടി പ​ഠി​ക്കു​ന്നു​വെ​ന്ന് പ​റ​ഞ്ഞാ​ൽ ഡ​ബി​ൾ വെ​യ്റ്റാ​യി.

ഷോ​ർ​ട്ടാ​ന്‍റ് എ​ന്നാ​ൽ സാ​ക്ഷാ​ൽ ഷോ​ർ​ട്ട് ഹാ​ൻ​ഡ് ത​ന്നെ. ടൈ​പ്പും ഷോ​ർ​ട്ടാ​ന്‍റും പ​ഠി​ച്ചാ​ൽ മും​ബൈ​യി​ൽ അ​ന്ന​ത്തെ ബോം​ബെ​യി​ൽ ജോ​ലി ഉ​റ​പ്പാ​ണെ​ന്നാ​യി​രു​ന്നു നാ​ട്ടി​ൻ​പു​റ​ത്തെ ധാ​ര​ണ. അ​തു​കൊ​ണ്ട ു ത​ന്നെ പ​ത്തെ​ഴു​തി​ക്ക​ഴി​ഞ്ഞാ​ൽ നേ​രേ ടൈ​പ്പ്റൈ​റ്റിം​ഗ് ഇ​ൻ​സ്റ്റി​റ്റ്യൂ​ട്ടി​ൽ ചേ​ർ​ന്നി​രി​ക്ക​ണ​മെ​ന്ന​ത് അ​ലി​ഖി​ത നി​യ​മ​മാ​യി​രു​ന്നു.

ടൈ​പ്പ് പ​ഠി​ക്കാ​ൻ പോ​യി​രു​ന്ന ആ ​കാ​ലം സൗ​ഹൃ​ദ​ങ്ങ​ളു​ടെ​തു കൂ​ടി​യാ​യി​രു​ന്നു. പ​ത്തി​ൽ ഓ​ട്ടോ​ഗ്രാ​ഫി​ൽ കു​റി​ച്ചി​ട്ട വേ​ർ​പാ​ടി​ന്‍റെ വേ​ദ​ന​ക​ൾ മ​റ​ക്കാ​നും പ​ഴ​യ കൂ​ട്ടു​കാ​രെ കു​റ​ച്ചു നേ​രം വീ​ണ്ട ും ക​ണ്ട ുമു​ട്ടാ​നും ഇ​ൻ​സ്റ്റി​റ്റ്യൂ​ട്ടു​ക​ൾ ഒ​രി​ട​മാ​യി​രു​ന്നു

ഓ​രോ​രു​ത്ത​ർ​ക്കും ഓ​രോ ടൈ​മി​ലാ​യി​രി​ക്കും ടൈ​പ്പ്. കൂ​ട്ടു​കാ​ർ പ​ര​മാ​വ​ധി ഒ​രു​മി​ച്ച് ഒ​രൊ​റ്റ ടൈ​മി​ൽ ടൈ​പ്പി​ന് ചേ​രും. പെ​ണ്‍​കു​ട്ടി​ക​ളാ​ണെ​ങ്കി​ൽ അ​വ​ർ ഒ​രു​മി​ച്ചേ വ​രൂ..

സ്കൂ​ൾ യൂ​ണി​ഫോ​മി​ൽ നി​ന്നും മോ​ച​നം നേ​ടി ലോം​ഗ് സ്ക​ർ​ട്ടും ദാ​വ​ണി​യു​മൊ​ക്കെ​യാ​യി നാ​ട്ടി​ട​വ​ഴി​ക​ളി​ലൂ​ടെ ര​ണ്ട ് പു​സ്ത​ക​ങ്ങ​ളും മാ​റോ​ട​ടു​ക്കി ക​ല​പി​ല വ​ർ​ത്ത​മാ​നം പ​റ​ഞ്ഞ് എ​ത്ര​യോ സു​ന്ദ​രി​ക​ൾ രാ​വി​ലേ​യും ന​ട്ടു​ച്ച​യ്ക്കും വൈ​കീ​ട്ടും ഇ​ൻ​സ്റ്റി​റ്റ്യൂ​ട്ടു​ക​ളി​ലേ​ക്ക് പോ​യി​രി​ക്കു​ന്നു.

അ​വ​രെ സെ​ഡ്കാ​റ്റ​ഗ​റി സു​ര​ക്ഷ​യോ​ടെ എ​ത്ര​യെ​ത്ര സു​ന്ദ​ര​ൻ​മാ​ർ വീ​ട്ടി​ൽ നി​ന്നും ഇ​ൻ​സ്റ്റി​റ്റ്യൂ​ട്ട് വ​രെ​യും​തി​രി​ച്ചും കൊ​ണ്ടു വ​ന്നു വി​ട്ടി​രി​ക്കു​ന്നു.

എ​ത്ര​യോ മൗ​ന​ങ്ങ​ൾ ആ ​ഇ​ട​വ​ഴി​ക​ളി​ൽ വീ​ണു​ട​ഞ്ഞി​രി​ക്കു​ന്നു...
പെ​ണ്‍​കു​ട്ടി ടൈ​പ്പ് പ​ഠി​ക്കു​ന്നു​ണ്ട ് എ​ന്ന് ബ്രോ​ക്ക​ർ​മാ​ർ ചെ​റു​ക്ക​ൻ വീ​ട്ടു​കാ​രോ​ട് ഗമയോടെ പ​റ​യാ​റു​ണ്ട ്.ലോ​വ​റോ ഹ​യ​റോ എ​ന്നൊ​രു ചോ​ദ്യം ഉ​ട​ൻ ആ​രെ​ങ്കി​ലും ചോ​ദി​ക്കും. ബ്രോ​ക്ക​ർ ഒ​ന്നു പ​ത​റു​ന്ന​തും പി​ന്നെ ഇ​വ​യി​ലേ​തെ​ങ്കി​ലും ഒ​ന്നു പ​റ​യു​ന്ന​തു​മെ​ല്ലാം പ​തി​വാ​യി​രു​ന്നു.

ഒ​രു മ​ണി​ക്കൂ​റാ​യി​രു​ന്നു അ​ന്ന് ടൈ​പ്പ് പ​ഠ​നം. ഉ​ച്ച നേ​ര​ത്ത് പൊ​തു​വെ ആ​ളു​ക​ൾ കു​റ​വാ​യി​രി​ക്കും. രാ​വ​ലെ​യും വൈ​കി​ട്ടും തി​ര​ക്കു കൂ​ടു​ത​ലും. ടൈ​പ്പ്റൈ​റ്റ​റു​ക​ൾ ക​ട​ക​ട​യെ​ന്ന് ശ​ബ്ദി​ക്കു​ന്ന​തി​ന്‍റെ താ​ളം ഒ​ന്നു കേ​ൾ​ക്കേ​ണ്ടതു ​ത​ന്നെ​യാ​ണ്. പു​തു​താ​യി ടൈ​പ്പി​ന് ചേ​രാ​നെ​ത്തു​ന്ന​വ​ർ​ക്ക് ഈ ​ശ​ബ്ദം കേ​ൾ​ക്കു​ന്പോ​ൾ മ​ന​സി​ൽ തോ​ന്നു​ന്ന വി​കാ​രം പ​റ​ഞ്ഞ​റി​യി​ക്കാ​ൻ വ​യ്യ. പി​ന്നെ ആ ​താ​ള​ങ്ങ​ൾ​ക്കി​ട​യി​ലേ​ക്ക് ത​ന്‍റെ വി​ര​ൽ​ത്തു​ന്പി​ൽ നി​ന്നു​ള്ള ശ​ബ്ദം കൂ​ടി താ​ള​മാ​യി ചേ​ർ​ന്ന​ലി​യു​ന്പോ​ൾ ലോ​കം പി​ടി​ച്ച​ട​ക്കി​യ ഭാ​വ​മാ​യി​രി​ക്കും. സീ​നി​യേ​ഴ്സ് പു​തു​താ​യി എ​ത്തി​യ​വ​രെ മൈ​ൻ​ഡ് ചെ​യ്യാ​തെ നൂ​റ് നൂ​റി​ൽ അ​ടി​ച്ചു മി​ന്നി​ച്ചു ടൈ​പ്പു ചെ​യ്യു​ന്ന​ത് കാ​ണാം. അ​ത്ഭു​ത​ത്തോ​ടെ അ​ത് നോ​ക്കി​യി​രു​ന്ന ജൂ​നി​യേ​ഴ്സ് പി​ന്നെ സീ​നി​യേ​ഴ്സാ​കു​ന്ന​തും പു​തി​യ കു​ട്ടി​ക​ൾ അ​വ​രെ അ​ത്ഭു​ത​ത്തോ​ടെ നോ​ക്കു​ന്ന​തും ഓ​രോ ഇ​ൻ​സ്റ്റി​റ്റ്യൂ​ട്ടി​ലേ​യും പ​തി​വാ​യി​രു​ന്നു.

എ​എ​സ്ഡി​എ​ഫ് ജി ​എ​ഫ് എ​ന്ന അ​ക്ഷ​ര​ങ്ങ​ളാ​ണ് ഇ​ട​തു കൈ​ക്ക് ക​ൽ​പ്പി​ച്ചു ത​ന്നി​രി​ക്കു​ന്ന​ത്. സെ​മി​ക്കോ​ള​ൻ, എ​ൽ, കെ., ​ജെ, എ​ച്ച്, ജെ ​എ​ന്ന​ത് വ​ല​തു കൈ​ക്കും. ഫിം​ഗ​റിം​ഗ് ഉ​റ​യ്ക്ക​ണ​മെ​ങ്കി​ൽ ടൈ​പ്പ്റൈ​റ്റ​റി​ലെ ഈ ​അ​ക്ഷ​ര​ങ്ങ​ൾ ഒ​ളി​ഞ്ഞി​രി​ക്കു​ന്ന കീ ​ബ​ട്ട​ണു​ക​ളി​ൽ കൊ​ട്ടി​പ്പ​ഠി​ക്ക​ണം. കാ​റോ​ടി​ക്കു​ന്ന​വ​ന് സ്റ്റി​യ​റിം​ഗ് സ്റ്റെ​ഡി​യാ​കും പോ​ലെ, സൈ​ക്കി​ൾ പ​ഠി​ക്കു​ന്ന​വ​ന് ബാ​ല​ൻ​സ് കി​ട്ടും പോ​ലെ ടൈ​പ്പ് റൈ​റ്റ​റി​നെ വ​രു​തി​യി​ൽ നി​ർ​ത്താ​ൻ ഇ​ത് പ​ഠി​ച്ചെ​ടു​ക്കു​ന്ന​ത് ന​ന്ന്.

വ​ള​രെ പ​തു​ക്കെ കൈ​വി​ര​ലു​ക​ൾ ഓ​രോ​ന്നോ​രോ​ന്നാ​യി പെ​റു​ക്കി​യെ​ടു​ത്ത് ടൈ​പ്പ് റൈ​റ്റ​റി​ന് മു​ക​ളി​ൽ വ​ച്ച് അ​ക്ഷ​ര​ങ്ങ​ൾ ടൈ​പ്പ ്ചെ​യ്തു​കൊ​ണ്ടേ ഏ​തൊ​രാ​ൾ​ക്കും തു​ട​ങ്ങാ​നാ​കു. ടൈ​പ്പ് ചെ​യ്യാ​ൻ ബു​ദ്ധി​മു​ട്ടു തോ​ന്നു​ന്പോ​ൾ വി​ഷ​മ​ത്തോ​ടെ ചു​റ്റും നോ​ക്കും. ചു​റ്റും ക​ട​ക​ട ശ​ബ്ദം പെ​യ്തി​റ​ങ്ങു​ക​യാ​യി​രി​ക്കും. വ​രി​തെ​റ്റി​യും ഡ​ബ്ലിം​ഗ് വ​ന്നും പ​തി​യാ​തെ​യുമുള്ള പേ​പ്പ​ർ ഇ​ൻ​സ്റ്റി​റ്റ്യൂ​ട്ടി​ലെ ടീ​ച്ച​ർ നോ​ക്കുകയും, ശ​രി​യാ​കും എ​ന്ന് ആ​ശ്വ​സി​പ്പി​ക്കു​ന്ന​തും പ​തി​വാ​യി​രു​ന്നു. ഓ​രോ​രു​ത്ത​ർ​ക്ക് പി​ന്നാ​ലെ​യു​മെ​ത്തി​യ പു​തി​യ ടൈ​പ്പു​കാ​രോ​ട് ടീ​ച്ച​ർ ഇ​തേ ഡ​യ​ലോ​ഗ് വ​ർ​ഷ​ങ്ങ​ളാ​യി ഉ​രു​വി​ട്ടു​കൊ​ണ്ടേയി​രു​ന്നു.

ഇം​ഗ്ലീ​ഷ് അ​ക്ഷ​ര​ങ്ങ​ൾ പ​തി​യെ വാ​ക്കു​ക​ളാ​യി പി​ന്നെ വാ​ച​ക​ങ്ങ​ളാ​യി ശേ​ഷം അ​വ പാ​ര​ഗ്രാ​ഫു​ക​ളാ​യി തു​ട​ർ​ന്ന് അ​വ വ​ലി​യ റ​ണ്ണിം​ഗ് മാ​റ്റ​റു​ക​ളാ​യി...​അ​റി​യാ​തെ അ​റി​യാ​തെ അ​വ​ർ ടൈ​പ്പിം​ഗ് പ​ഠി​ച്ചെ​ടു​ക്കു​ക​യാ​യി.
ക​ടു​ക​ട്ടി ഇം​ഗ്ലീ​ഷ് പ്ര​യോ​ഗ​ങ്ങ​ളും ക​ടി​ച്ചാ​ൽ​പൊ​ട്ടാ​ത്ത സ്പെ​ല്ലിം​ഗു​ക​ളു​മു​ള്ള ദി ​ഹി​ന്ദു​വി​ന്‍റെ എ​ഡി​റ്റോ​റി​യ​ൽ മു​ന്നി​ൽ വെ​ച്ച് അ​ത് ടൈ​പ്പ് ചെ​യ്യാ​ൻ പ​റ​ഞ്ഞി​രു​ന്ന​തും പ​ഴ​യ​കാ​ല ചോ​ദ്യ​പേ​പ്പ​റു​ക​ൾ ത​ന്ന് അ​തി​ലെ മാ​റ്റ​ർ ടൈ​പ്പ് ചെ​യ്യാ​ൻ പ​രി​ശീ​ലി​പ്പി​ച്ചി​രു​ന്ന​തും അ​ഭ്യാ​സ​മു​റ​ക​ൾ.

തോ​ന്ന​യ്ക്ക​ൽ പ​ഞ്ചാ​യ​ത്തി​ലെ അ​രി മു​ഴു​വ​ൻ പെ​റു​ക്കി​യെ​ടു​ക്കും പോ​ലെ അ​ക്ഷ​ര​ങ്ങ​ൾ ത​പ്പി​യെ​ടു​ത്ത് ടൈ​പ്പിം​ഗ് പു​രോ​ഗ​മി​ക്കു​ന്പോ​ൾ തൊ​ട്ട​ടു​ത്ത മു​റി​യി​ലെ ക​ർ​ട്ട​ന​പ്പു​റ​ത്തു നി​ന്ന് ടീ​ച്ച​റു​ടെ ശ​ബ്ദം ഉ​യ​ർ​ന്നു കേ​ൾ​ക്കാം. ഷോ​ർ​ട്ടാ​ന്‍റ് പ​ഠ​ന​മാ​ണ​വി​ടെ. ഷോ​ർ​ട്ട് ഹാ​ൻ​ഡ് എ​ന്ന​തി​നെ നാ​ട​ൻ ഭാ​ഷ​യി​ൽ ഷോ​ർ​ട്ടാ​ന്‍റാ​ക്കി ഷോ​ർ​ട്ടാ​ക്കു​ക​യാ​ണ് പ​തി​വ്. ഷോ​ർ​ട്ടാ​ന്‍റ് പ​ഠി​ച്ചാ​ൽ ബോം​ബേ​ല് അ​ക്കാ​ല​ത്ത് വ​ലി​യ ഡി​മാ​ന്‍റാ​യി​രു​ന്നു​വെ​ന്ന് കേ​ട്ടി​ട്ടു​ ണ്ട ്. ടൈ​പ്പ് മാ​ത്ര​മേ ഉ​ള്ളു​വെ​ന്ന് പ​റ​യു​ന്ന​തും ഷോ​ർ​ട്ടാ​ന്‍റു​മു​ണ്ടേ ാ എ​ന്ന് അ​ഭി​മാ​ന​ത്തോ​ടെ ചോ​ദി​ക്കു​ന്ന​തും കേ​ട്ടതൊ ന്നു ം ഓർമയില്ലേ്ല. ടൈ​പ്പി​നു ചേ​രു​ന്ന എ​ല്ലാ​വ​രു ഷോ​ർ​ട്ട് ഹാ​ൻ​ഡി​ന് ചേ​രാ​റി​ല്ല. ര​ണ്ട ിനും ​കൂ​ടി ചേ​ർ​ന്ന് പ​ഠി​ക്കാ​നു​ള്ള ക​പ്പാ​സി​റ്റി പ​ല​ർ​ക്കും ഉ​ണ്ട ാകാ​റി​ല്ലെ​ന്ന​താ​ണ് യാ​ഥാ​ർ​ഥ്യം.


വ​ള​രെ കു​റ​വാ​യി​രു​ന്നു അ​ന്ന​ത്തെ ഫീ​സെ​ന്ന് ഇ​ന്ന് തോ​ന്നു​മെ​ങ്കി​ലും അ​ന്ന​ത് ക​ന​ത്ത സം​ഖ്യ ത​ന്നെ​യാ​യി​രു​ന്നു പ​ല​ർ​ക്കും.

എ​ത്ര​വേ​ഗം സ്പീ​ഡാ​കു​ന്നു​വോ അ​ത്ര​യും വേ​ഗം പ​രീ​ക്ഷ​യ്ക്കി​രു​ന്ന് വി​ജ​യം നേ​ടാം. അ​താ​യി​രു​ന്നു രീ​തി. അ​ത് പ​ല​ർ​ക്കും പ​ല രീ​തി​യി​ലാ​യി​രു​ന്നു..​ ചി​ല​ർ​ക്ക് വേ​ഗം ഫിം​ഗ​റിം​ഗ് ഉ​റ​ച്ച് വേ​ഗം സ്പീ​ഡാ​കും...​ ചി​ല​ർ​ക്ക് കീ ​ബ​ട്ട​ണു​ക​ൾ വ​ഴ​ങ്ങാ​ൻ സ​മ​യ​മെ​ടു​ക്കും...
പ​രീ​ക്ഷ​യ​ടു​ക്കു​ന്പോ​ൾ കൂ​ടു​ത​ൽ സ​മ​യം വ​ന്ന് ടൈ​പ്പ് ചെ​യ്യാ​ൻ ഇ​ൻ​സ്റ്റി​റ്റ്യൂ​ട്ടി​ലെ ടീ​ച്ച​ർ അ​ല്ലെ​ങ്കി​ൽ ടൈ​പ്പ് റൈ​റ്റിം​ഗ് മാ​ഷ് ഉ​പ​ദേ​ശി​ക്കും. ഇ​ട​തു​വ​ശ​ത്ത് വെ​ച്ച മാ​റ്റ​റി​ൽ നി​ന്ന് ക​ണ്ണെ​ടു​ക്കാ​തെ, ഇ​ട​യ്ക്കൊ​ന്ന് ടൈ​പ്പ് റൈ​റ്റ​റി​ലേ​ക്ക് നോ​ക്കി ഇ​രു കൈ​വി​ര​ലു​ക​ൾ കൊ​ണ്ട ും കീ​ബോ​ർ​ഡി​ൽ പ​ഞ്ചാ​രി കൊ​ട്ടി കാ​രേ​ജ് റിട്ടേ​ണ്‍ ലി​വ​ർ കൈ​കൊ​ണ്ട ് ഇ​ട​ത്തേ​ക്ക് ത​ട്ടി​നീ​ക്കി കാ​ല​ങ്ങ​ളി​ൽ നി​ന്ന് കാ​ല​ങ്ങ​ളി​ലേ​ക്ക് ഇ​ല​ഞ്ഞി​ത്ത​റ മേ​ളം കൊ​ട്ടി​ക്ക​യ​റും പോ​ലെ ടൈ​പ്പ് റൈ​റ്റിം​ഗ് കൊ​ട്ടി​ക്ക​യ​റും...

റി​ബ്ബ​ണ്‍ സ്പൂ​ളി​ലെ റി​ബ്ബ​ണ്‍ തു​ട​ർ​ച്ച​യാ​യ അ​ടി​യേ​റ്റ് പൊ​ട്ടു​ന്ന​തും ടൈ​പ്പ് ബാ​റു​ക​ൾ സ്റ്റ​ക്കാ​യി പോ​കു​ന്ന​തും പ​തി​വാ​യി​രു​ന്നു.

ടൈ​പ്പ്റൈ​റ്റ​റി​ന്‍റെ അ​വ​യ​വ​ങ്ങ​ളെ​ക്കു​റി​ച്ച് ആ​ദ്യ ദി​വ​സം ത​ന്നെ പ​റ​ഞ്ഞു ത​രു​മെ​ങ്കി​ലും എ​ല്ലാ​മൊ​ന്നും ത​ല​യി​ൽ ക​യ​റി​ല്ല. പി​ന്നെ​പ്പി​ന്നെ ടൈ​പ്പ്റൈ​റ്ററി​നെ ന​മ്മ​ൾ മ​ന​സി​ലാ​ക്കും...
പ​ഠി​ക്കാ​ൻ തു​ട​ങ്ങു​ന്ന തു​ട​ക്ക​ക്കാ​ർ​ക്ക് സ​ർ​വീ​സി​ൽ നി​ന്നും റി​ട്ട​യ​ർ ചെ​യ്യാ​റാ​യ ടൈ​പ്പ് റൈ​റ്റ​റാ​ണ് കൊ​ട്ടി​പ്പാ​ടി പ​ഠി​ക്കാ​ൻ ന​ൽ​കു​ക. അ​പ്പു​റ​ത്തെ ടേ​ബി​ളി​ലി​രി​ക്കു​ന്ന പു​തി​യ ടൈ​പ്പ് റൈ​റ്റ​ർ കൊ​തി​പ്പി​ച്ചി​ട്ടു​ണ്ട്. എ​ത്ര​യോ ത​വ​ണ...​
സ്പീ​ഡ് കൈയ​ട​ക്കും തോ​റും ന​ല്ല മെ​ഷി​നു​ക​ളി​ലേ​ക്ക് സ്ഥ​ലം മാ​റ്റം കി​ട്ടും. അ​തെ​ല്ലാം ടൈ​പ്പ്റൈ​റ്റിം​ഗ് മാഷ്്ടെ തീ​രു​മാ​ന​മാ​ണ്.

അ​ങ്ങനെ കൊ​ട്ടി​പ്പാ​ടി പ​ഠി​ച്ച് പ​രീ​ക്ഷ​യി​ങ്ങെ​ത്തും...
പ​രീ​ക്ഷ​യ്ക്ക് പോ​കാ​നൊ​രു​ങ്ങു​ന്ന ടൈ​പ്പ് റൈ​റ്റിം​ഗ് ഇ​ൻ​സ്റ്റി​റ്റ്യൂ​ട്ടും ഒ​രു ക​ല്യാ​ണ​വീ​ടും ഒ​രു​പോ​ലെ​യാ​ണ്.
നേ​ര​ത്തെ തു​ട​ങ്ങും ഒ​രു​ക്ക​ങ്ങ​ൾ. പ​രീ​ക്ഷ​യ്ക്ക് കൊ​ണ്ട ുപോ​കാ​നു​ള്ള മെ​ഷീനു​ക​ൾ പ്ര​ത്യേ​ക​മാ​യി മാ​റ്റി​വയ്​ക്കും. അ​വ ഓ​യി​ലി​ട്ട് മി​നു​ക്കും. സ്മൂ​ത്താ​യി വ​ർ​ക്കു ചെ​യ്യാ​ൻ. പു​തി​യ റി​ബ്ബ​ണു​ക​ൾ ഇ​ട്ട് സു​ന്ദ​ര​ക്കു​ട്ട​പ്പ​നാ​ക്കും. ടൈ​പ്പ് റൈ​റ്റിം​ഗ് മാ​ഷ് ത​ന്നെ അ​തി​ൽ ടൈ​പ്പു ചെ​യ്ത് എ​ല്ലാം പെ​ർ​ഫെ​ക്ട് എ​ന്ന് ഉ​റ​പ്പു​വ​രു​ത്തും. എ​ല്ലാ ലി​വ​റു​ക​ളും ശ​രി​യാം വി​ധം പ്ര​വ​ർ​ത്തി​ക്കു​ന്നി​ല്ലേ​യെ​ന്ന് ഉ​റ​പ്പു​വ​രു​ത്തും. ടൈ​പ്പ് ബാ​റു​ക​ൾ ത​മ്മി​ൽ കൂ​ട്ടി​മു​ട്ട​ലൊ​ഴി​വാ​ക്കാ​നും സ്റ്റ​ക്കാ​വു​ന്ന​ത് ഇ​ല്ലാ​താ​ക്കാ​നും പ്ര​ത്യേ​കം ശ്ര​ദ്ധി​ക്കും.

പ​രീ​ക്ഷാ​കേ​ന്ദ്ര​ത്തി​ലേ​ക്ക് മെ​ഷീനു​ക​ളും കൊ​ണ്ട ുള്ള ​യാ​ത്ര​യാ​ണ് അ​ടു​ത്ത​ത്. കു​റ​ച്ച​ക​ലെ​യാ​ണ് സെ​ന്‍റ​റെ​ങ്കി​ൽ ഇ​ൻ​സ്റ്റി​റ്റ്യൂ​ട്ടി​ലെ കു​ട്ടി​ക​ളെ​യെ​ല്ലാം ഒ​രു​മി​ച്ച് പ​രീ​ക്ഷാ​കേ​ന്ദ്ര​ത്തി​ലേ​ക്ക് വ​ണ്ട ിയി​ൽ കൊ​ണ്ട ുപോ​കും. അ​തൊ​രു ടൂ​ർ പോ​ലെ​യു​ള്ള യാ​ത്ര​യാ​ണ്...​ ടൈ​പ്പ് റൈ​റ്റിം​ഗ് മാ​ഷു​മ്മാ​രും ടീ​ച്ച​ർ​മാരു​ടേ​യും റീ ​യൂ​ണി​യ​നു​ള​ള ഇ​ടം കൂ​ടി​യാ​ണ് പ​രീ​ക്ഷാകേ​ന്ദ്ര​ങ്ങ​ൾ.

ട്രാ​ക്കി​ൽ സ്റ്റാ​ർ​ട്ടിം​ഗ് പോ​യ​ന്‍റി​ൽ വെ​ടി​യൊ​ച്ച കാ​ത്തു​നി​ൽ​ക്കു​ന്ന അ​ത്‌ലറ്റി​നെ പോ​ലെ സ്റ്റാ​ർ​ട്ട് ബെ​ൽ കേ​ൾ​ക്കാ​ൻ കാ​തു​കൂ​ർ​പ്പി​ച്ചി​രി​ക്കും. ബെ​ൽ മു​ഴ​ങ്ങി​യാ​ൽ ക്ലാ​സ് മു​റി​യി​ൽ ക​ട​ക​ട​ശ​ബ്ദം നി​റ​യും. പ​തി​കാ​ല​ത്തി​ൽ നി​ന്ന​ല്ല ഉ​ച്ച​സ്ഥാ​​യി​യി​ൽ നി​ന്നാ​ണ് ആ ​ക​ട​ക​ട ശ​ബ്ദ​ത്തി​ന്‍റെ തു​ട​ക്കം. ധൃ​തി​യും വെ​പ്രാ​ള​വും കാ​ര​ണം ഇ​ട​യ്ക്ക് മെ​ഷീൻ ത​ക​രാ​റി​ലാ​കും. എ​ളു​പ്പ​ത്തി​ൽ ത​ക​രാ​ർ പ​രി​ഹ​രി​ക്കാ​നാ​യി മെ​ഷീനി​ലെ പ​ല ഭാ​ഗ​ങ്ങ​ളും അ​ഴി​ച്ചു​മാ​റ്റി വെ​ച്ചി​രി​ക്കും. ഒ​രി​ക്ക​ലും പ്ര​തീ​ക്ഷി​ക്കാ​ത്ത രൂ​പ​ത്തി​ലാ​യി​രി​ക്കും ചി​ല​പ്പോ​ൾ ടൈ​പ്പ്റൈ​റ്റിം​ഗ് പ​രീ​ക്ഷ​യി​ൽ വി​ല്ല​ൻ ക​യ​റി വ​രു​ക. ചു​റ്റു​മു​ള്ള​വ​ർ ഇ​തൊ​ന്നും ശ്ര​ദ്ധി​ക്കാ​തെ അ​ടി​ച്ചു മി​ന്നി​ച്ചു മു​ന്നേ​റു​ന്ന​ത് കാ​ണു​ന്പോ​ഴും കേ​ൾ​ക്കു​ന്പോ​ഴും നി​സ​ഹാ​യ​നാ​യി പോ​യ പ​രീ​ക്ഷാ​ർ​ഥി ഇ​രു​ന്നു വി​യ​ർ​ക്കും.
പ​റ​ഞ്ഞ സ​മ​യ​ത്തി​നു​ള്ളി​ൽ ടൈ​പ്പ് ചെ​യ്തു തീ​ർ​ക്ക​ണം, അ​ക്ഷ​ര​പ്പി​ശ​കി​ല്ലാ​തെ, വൃ​ത്തി​യി​ലും വെ​ടി​പ്പി​ലും.
പി​ന്നെ പ​രീ​ക്ഷ ക​ഴി​ഞ്ഞു​ള്ള മ​ട​ക്ക​യാ​ത്ര...​ഉ​ത്ത​ര​ങ്ങ​ൾ ഒ​ത്തു​നോ​ക്കാ​ൻ ചോ​ദ്യ​പേ​പ്പ​റി​ല്ലാ​ത്ത പ​രീ​ക്ഷ. ലോ​വ​ർ പ​രീ​ക്ഷ​യെ​ഴു​തി​യ​വ​രോ​ട് നാ​ളെ മു​ത​ൽ ഹ​യ​ർ കോ​ച്ചിം​ഗി​ന് വ​രാ​ൻ മാ​ഷ് ഉ​പ​ദേ​ശി​ക്കും. ഹ​യ​ർ ക​ഴി​ഞ്ഞ​വ​രോ​ട് ഷോ​ർ​ട്ട്ഹാ​ൻ​ഡി​നോ ഹ​യ​ർ ആ​ൻ​ഡ് ഹ​യ​ർ പ​രീ​ക്ഷ​യ്ക്കോ ത​യാ​റാ​കാ​നും ഉ​പ​ദേ​ശി​ക്കും.
അ​പ്പോ​ഴേ​ക്കും പ​ത്താം​ക്ലാ​സി​ലെ റി​സ​ൾ​ട്ട് വ​ന്നി​ട്ടു​ണ്ട ാകും. ​പി​ന്നെ പ​ല​വ​ഴി​ക്ക് പി​രി​യു​ക​യാ​യി. ടൈ​പ്പ് പ​രീ​ക്ഷ​യു​ടെ റി​സ​ൾ​ട്ടും വൈ​കാ​തെ വ​രും. ചി​ല​ർ​ക്ക് വീ​ണ്ട ും പ​രീ​ക്ഷ​യ്ക്കി​രി​ക്കേ​ണ്ടി വ​രും. ചി​ല​ർ ട​ച്ച് ആ​യ​ല്ലോ മ​തി​യെ​ന്ന് പ​റ​ഞ്ഞ് പ​ഠി​പ്പ് നി​ർ​ത്തും.
എ​താ​നും വ​ർ​ഷ​ങ്ങ​ൾ​ക്ക് മു​ന്പു വ​രെ കേ​ര​ളം ക​ണ്ട ിരു​ന്ന പ​തി​വ് കാ​ഴ്ച​യാ​ണി​തെ​ല്ലാം. എ​സ്എ​സ്എ​ൽ​സി പ​രീ​ക്ഷ​യെ​ഴു​തി വീ​ട്ടി​ലി​രി​ക്കു​ന്ന​വ​രെ കൊ​ണ്ട ുചെ​ന്നാ​ക്കു​ന്ന ഇ​ട​മാ​യി​രു​ന്നു ടൈ​പ്പ് റൈ​റ്റിം​ഗ് ഇ​ൻ​സ്റ്റി​റ്റ്യൂ​ട്ടു​ക​ൾ. ജീ​വി​തം ക​രു​പ്പി​ടി​പ്പി​ക്കാ​നു​ള്ള​തെ​ല്ലാം ടൈ​പ്പ് റൈ​റ്റ​ർ ത​രു​മെ​ന്നു വി​ശ്വ​സി​ച്ച​വ​രേ​റെ. അ​ങ്ങനെ ര​ക്ഷ​പ്പെ​ട്ട​വ​രു​മേ​റെ. ഇ​ന്ന് ടൈ​പ്പ് റൈ​റ്റിം​ഗ് പ​ഠി​ക്കാ​നെ​ത്തു​ന്ന​വ​ർ കു​റ​ഞ്ഞു. എ​ങ്കി​ലും ചി​ല ഇ​ൻ​സ്റ്റി​റ്റ്യൂ​ട്ടു​ക​ൾ പി​ടി​ച്ചുനി​ൽ​പ്പു​ണ്ട ്. പ​ണ്ട ത്തെ ​പ്ര​താ​പ​കാ​ലം ഓ​ർ​മ​മാ​ത്ര​മാ​യി. ക​ംപ്യൂ​ട്ട​ർ പ്ര​ച​രി​ച്ച​തോ​ടെ ടൈ​പ്പ്് റൈ​റ്റ​റി​നെ ആ​ർ​ക്കും വേ​ണ്ടാതാ​യി. പി​ന്നെ​പ്പി​ന്നെ ടൈ​പ്പ്റൈ​റ്റിം​ഗ് ഇ​ൻ​സ്റ്റി​റ്റ്യൂ​ട്ടു​ക​ൾ ഇ​ല്ലാ​താ​യി​ത്തു​ട​ങ്ങി.
ക​ംപ്യൂ​ട്ട​റി​ന്‍റെ വ​ര​വോ​ടെ ടൈ​പ്പ്റ്റൈ​റു​ക​ൾ അ​ക​ത്ത​ള​ങ്ങ​ളി​ലേ​ക്ക് പി​ന്ത​ള്ള​പ്പെ​ട്ടു. പ​രി​ഭ​വം​പ​റ​യാ​തെ അ​വ​ർ പു​തി​യ ത​ല​മു​റ​യ്ക്ക് വ​ഴി​മാ​റി. എ​ങ്കി​ലും ടൈ​പ്പ് റൈ​റ്റിം​ഗ് പ​ഠി​ച്ചി​ട്ടു​ള്ള​വ​ർ​ക്ക്, ഒ​രി​ക്ക​ലെ​ങ്കി​ലും ഇ​ൻ​സ്റ്റി​റ്റ്യൂ​ട്ടി​ന്‍റെ വ​രാ​ന്ത​യി​ൽ കാ​ത്തു​നി​ന്ന​വ​ർ​ക്ക്... മ​റ​ക്കാ​നാ​കി​ല്ല...​ആ താ​ളം...​ആ ക​ട​ക​ട ശ​ബ്ദം... എ ​എ​സ് ഡിഎ​ഫ്ജിഎ​ഫ് എ​ന്ന മ​ന്ത്രം....

ഋ​ഷി