പ്രതികരിക്കാന്‍ കഴിയാതെ
വീട്ടകങ്ങളില്‍ വേട്ടയാടപ്പെടുന്നവര്‍ -2

തി​രു​വ​ന​ന്ത​പു​രം ജി​ല്ല​യി​ലെ മ​ല​യി​ൻ​കീ​ഴിൽ നടന്ന പീ​ഡ​നം​ത​ന്നെ​യെ​ടു​ക്കാം. രോ​ഗ​ബാ​ധി​ത​നാ​യ ഒ​ന്പ​തു​വ​യ​സു​ള്ള ആ​ണ്‍​കു​ട്ടി​യെ​യാ​ണ് ബ​ന്ധു​ പീ​ഡി​പ്പി​ച്ച​ത്. കു​ട്ടി​യു​ടെ അ​ഞ്ചു​വ​യ​സു​കാ​രി അ​നി​യ​ത്തി​യെ​യും ബ​ന്ധു പീ​ഡി​പ്പി​ച്ചു​വെ​ന്ന് റി​പ്പോ​ർ​ട്ട്. 26 വ​യ​സു​കാ​രി പ്ര​തി​യാ​യ ഒ​രു പീ​ഡ​ന കേ​സാ​ണ് ഈ ​പീ​ഡ​ന പ​ര​ന്പ​ര​യി​ലെ ഏ​റ്റ​വും പു​തി​യ​ത്. പു​രു​ഷന്മാ​ർ മാ​ത്ര​മ​ല്ല, സ്ത്രീ​ക​ളും പീ​ഡ​ന​ങ്ങ​ളു​മാ​യി മു​ന്നേ​റു​ന്ന​തി​ന്‍റെ പൊ​രു​ൾ പി​ടി​കി​ട്ടാ​തെ കേരളം പ​ക​ച്ചു​പോ​കു​ന്നു. വാ​ള​യാ​റി​ൽ മരിച്ച നിലയിൽ കാണപ്പെട്ട പി​ഞ്ചു സ​ഹോ​ദ​രി​മാ​രു​ടെ നി​ഷ്ക​ള​ങ്ക​മാ​യ ചി​ത്ര​ങ്ങ​ൾ ഒ​രു പൊ​ള്ളു​ന്ന നോ​വാ​യി ഓ​രോ മ​ല​യാ​ളി​യു​ടെ​യും നെ​ഞ്ചി​ൽ ത​റ​ഞ്ഞു​നി​ൽ​ക്കു​ക​യാ​ണ്. മൂ​ത്ത പെ​ണ്‍​കു​ഞ്ഞ് ഉ​യ​ര​ത്തി​ലു​ള്ള ഉ​ത്ത​ര​ത്തി​ൽ കെ​ട്ടി​ത്തൂ​ങ്ങി ആ​ത്മ​ഹ​ത്യ ചെ​യ്യു​ന്നു. ര​ണ്ടു​മാ​സം തി​ക​യും​മു​ന്പ് ഇ​ള​യ കു​ട്ടി ഏ​ഴു​വ​യ​സു​കാ​രി​യും ആ​ത്മ​ഹ​ത്യ ചെ​യ്യു​ന്നു. കു​ട്ടി​യെ ബ​ന്ധു അപമാനിക്കുന്നത് നേ​രി​ൽ ക​ണ്ടി​ട്ടു​ണ്ടെ​ന്ന് പ​റ​യു​ന്ന അ​മ്മ (ബ​ന്ധു​വി​നെ താ​ക്കീ​ത് ചെ​യ്ത് അ​യ​ച്ചു​വെ​ന്നും അ​മ്മ​യു​ടെ വാ​ക്കു​ക​ൾ).
പല സംഭവങ്ങളും വാ​ർ​ത്ത​ക​ളി​ൽ വ​രാ​തി​രി​ക്കു​ന്നു​ണ്ട്. പലതും വീ​ടു​ക​ൾ​ക്കു​ള്ളി​ൽ ന​ട​ക്കു​ന്ന​തു​കൊ​ണ്ടു​ത​ന്നെ മ​റ​ച്ചു​വ​യ്ക്ക​പ്പെ​ടു​ന്നു. സ്കൂ​ളു​ക​ളി​ൽ പെ​ണ്‍​കു​ട്ടി​ക​ൾ​ക്കാ​യി പ്ര​വ​ർ​ത്തി​ക്കു​ന്ന ഹെ​ൽ​പ് ഡെ​സ്ക് കൗ​ണ്‍​സലിം​ഗ് പോ​ലു​ള്ള സം​വി​ധാ​നം കാ​ര​ണം കു​റ​ച്ചു​കു​ട്ടി​ക​ളെ​യെ​ങ്കി​ലും ഇ​പ്പോ​ൾ ര​ക്ഷ​പ്പെ​ടു​ത്താ​ൻ സാ​ധി​ക്കു​ന്നു. അ​ടു​ത്ത​കാ​ല​ത്ത് കൊ​ല്ലം ജി​ല്ല​യി​ലെ ഒ​രു എ​യ്ഡ​ഡ് സ്കൂ​ൾ അ​ധി​കൃ​ത​ർ​ക്ക് അ​ത്ത​ര​ത്തി​ലൊ​രു പെ​ണ്‍​കു​ഞ്ഞി​നെ ര​ക്ഷി​ക്കാ​നാ​യി. ഈ പെ​ണ്‍​കു​ട്ടി​യു​ടെ ജീ​വി​ത​ക​ഥ കേ​ൾ​ക്കു​ക- കു​ട്ടി ര​ണ്ടാം​ക്ലാ​സി​ൽ പ​ഠി​ച്ചു​കൊ​ണ്ടി​രി​ക്കു​ന്ന കാ​ല​ത്ത് കു​ട്ടി​യു​ടെ അ​മ്മ മ​രിച്ചു. അ​ച്ഛ​നാ​ണ് പ്ര​തി എ​ന്നു​ള്ള കേസിൽ അ​ച്ഛ​ൻ ജ​യി​ലിലു​മാ​യി. (കു​ട്ടി പ​റ​യു​ന്ന​ത് അ​ച്ഛ​ന​ല്ല അ​മ്മ​യെ കൊ​ന്ന​ത് എ​ന്നാ​ണ്). കു​ട്ടി​യു​ടെ അ​മ്മൂ​മ്മ​യ്ക്കും അ​മ്മ​യു​ടെ സ​ഹോ​ദ​ര​നു​മൊ​പ്പം ഒ​രു ചെ​റി​യ കോ​ള​നി​യി​ലാ​ണ് താ​മ​സം. എ​യ്ഡ​ഡ് സ്കൂ​ളി​ൽ കു​ട്ടി എ​ത്തു​ന്ന​ത് അ​ഞ്ചാം ക്ലാ​സി​ൽ എ​ത്തു​ന്പോ​ഴാ​ണ്. ചി​ല ദി​വ​സ​ങ്ങ​ളി​ൽ അ​സ​ഹ്യ​മാ​യ വ​യ​റു​വേ​ദ​ന​യെ​ന്നു​പ​റ​ഞ്ഞ് കു​ട്ടി ക്ലാ​സി​ലി​രു​ന്നു​ക​ര​യും. ക്ലാ​സ് ടീ​ച്ച​റി​ന്‍റെ​യും ഹെ​ൽ​പ്പ് ഡെ​സ്കി​ന്‍റെ​യും ഇ​ട​പെ​ട​ൽ കാ​ര​ണം കു​ട്ടി ചി​ല സൂ​ച​ന​ക​ൾ ന​ൽ​കി. ഒ​രു മാ​മ​ൻ തീ​രെ കു​ട്ടി​യാ​യി​രി​ക്കു​ന്പോ​ൾ മു​ത​ൽ​ത​ന്നെ ഉ​പ​ദ്ര​വി​ക്കു​മെ​ന്നും അ​മ്മൂ​മ്മ​യ്ക്ക് ക​ള്ള് വാ​ങ്ങി ന​ൽ​കി​യ​ശേ​ഷം ത​ന്നെ​യെ​ടു​ത്തു​കൊ​ണ്ടു​പോ​യി പീ​ഡി​പ്പി​ക്കു​ക​യാ​ണ് പ​തി​വെ​ന്നും അ​റി​യി​ച്ചു. അ​ടു​ത്ത​കാ​ല​ത്ത് ആ ​മാ​മ​ന്‍റെ ര​ണ്ടുമൂ​ന്ന് കൂ​ട്ടു​കാ​രും ചേ​ർ​ന്ന് ഉ​പ​ദ്ര​വി​ച്ചു​വെ​ന്നും സ്വ​കാ​ര്യ​ഭാ​ഗം മു​റി​ഞ്ഞു​ള്ള വേ​ദ​ന​കാ​ര​ണ​മാ​ണ് ക​ര​ഞ്ഞ​തെ​ന്നും കു​ട്ടി പ​റ​ഞ്ഞു. ഓ​ട്ടോ​റി​ക്ഷ​യി​ൽ കൊ​ണ്ടു​പോ​യി ഒ​രൊ​ഴി​ഞ്ഞ വീ​ട്ടി​ൽ​വ​ച്ചാ​ണ് സം​ഘം ചേ​ർ​ന്നു​ള്ള പീ​ഡ​നം. ക​ര​യു​ന്പോ​ൾ കു​ട്ടി​യു​ടെ വ​സ്ത്രം വാ​യി​ൽ തി​രു​കി​ക്ക​യ​റ്റും. വി​വ​രം പു​റ​ത്തു​പ​റ​ഞ്ഞാ​ൽ ആ ​മാ​മ​ൻ കൊ​ല്ലു​മെ​ന്നും കു​ട്ടി ഭീ​തി​യോ​ടെ പ​റ​ഞ്ഞു. വി​വ​രം പു​റ​ത്താ​യാ​ൽ വി​ഷം ന​ൽ​കു​മെ​ന്ന് അ​മ്മൂ​മ്മ​യും ഭീ​ഷ​ണി​പ്പെ​ടു​ത്തി​യി​ട്ടു​ണ്ട്. സ്കൂ​ൾ ഹെ​ഡ്മി​സ്ട്ര​സ് ചൈ​ൽ​ഡ് ലൈ​നി​ൽ വി​വ​രം അ​റി​യി​ക്കു​ക​യും അ​വ​രു​ടെ നി​ർ​ദേ​ശ​മ​നു​സ​രി​ച്ച് അ​മ്മൂ​മ്മ​യെ വി​ളി​ച്ചു​വ​രു​ത്തു​ക​യും ചെ​യ്തു. കു​ട്ടി​യെ ചൈ​ൽ​ഡ് ലൈ​ൻ പ്ര​വ​ർ​ത്ത​ക​ർ മ​റ്റൊ​രു സു​ര​ക്ഷി​ത ഇ​ട​ത്തി​ലേ​ക്ക് മാ​റ്റു​മെ​ന്ന് പ​റ​ഞ്ഞ​പ്പോ​ഴേ​ക്കും അ​മ്മൂ​മ്മ ക​ര​യു​ക​യും ആ​ത്മ​ഹ​ത്യാ​ഭീ​ഷ​ണി മു​ഴ​ക്കു​ക​യും ചെ​യ്തു. കു​ട്ടി​യു​ടെ മാ​തൃ​സ​ഹോ​ദ​ര​ൻ അ​റി​ഞ്ഞാ​ൽ വ​ലി​യ ബ​ഹ​ളം ന​ട​ക്കു​മെ​ന്നും അ​റി​യി​ച്ചു. മ​ദ്യ​പി​ച്ചെ​ത്തി​യ മാ​തൃ​സ​ഹോ​ദ​ര​നും ത​ന്‍റെ കു​ട്ടി​യെ സ്കൂ​ൾ അ​ധി​കൃ​ത​ർ വെ​റു​തെ ക്രൂ​ശി​ക്കു​ക​യാ​ണെ​ന്നു​പ​റ​ഞ്ഞ് വ​ലി​യ പ്ര​ശ്ന​ങ്ങ​ളു​ണ്ടാ​ക്കി. ചെ​റി​യ പെ​ണ്‍​കു​ട്ടി​ക​ളെ അ​പ​മാ​നി​ക്കു​വാ​നു​ള്ള ശ്ര​മം എ​ന്തു​വി​ല ന​ൽ​കി​യും ചെ​റു​ക്കു​മെ​ന്നും അ​യാ​ൾ അ​റി​യി​ച്ചു. ഇ​തി​ൽ ഏ​റ്റ​വും വ​ലി​യ ട്വി​സ്റ്റ്, ചൈ​ൽ​ഡ് ലൈ​നി​ലെ മ​നഃ​ശാ​സ്ത്ര​ജ്ഞ​ൻ എ​ത്തി​യ​പ്പോ​ഴാ​ണ് ഉ​ണ്ടാ​യ​ത്. കൗ​ണ്‍​സല​ർ​മാ​രോ​ട് വ​ർ​ഷ​ങ്ങ​ളാ​യി ത​ന്നെ ഉ​പ​ദ്ര​വി​ച്ചു​കൊ​ണ്ടി​രി​ക്കു​ന്ന മാ​മ​ൻ സ്വ​ന്തം മാ​മ​ൻ ത​ന്നെ​യാ​ണെ​ന്നും അ​യാ​ളെ പേ​ടി​ച്ചാ​ണ് ഇ​തു​വ​രെ മ​റ്റൊ​രു മാ​മ​ൻ എ​ന്നു പ​റ​ഞ്ഞ​തെ​ന്നും കു​ട്ടി വെ​ളി​പ്പെ​ടു​ത്തി. ഇ​പ്പോ​ൾ കൊ​ല്ല​ത്തെ സ​ർ​ക്കാ​രി​ന്‍റെ അ​ഭ​യ​കേ​ന്ദ്ര​ത്തി​ൽ ക​ളി​യും ചി​രി​യു​മാ​യി ക​ഴി​യു​ക​യാ​ണ് കു​ട്ടി.

ആരെ വിശ്വസിക്കും

കോ​ട്ട​യ​ം ജില്ലയിലെ ഒ​രു വീ​ട്ടി​ൽ ഹോം ​ന​ഴ്സാ​യി നി​ൽ​ക്കു​ന്ന യു​വ​തി​യാ​യ അ​മ്മ പ​റ​ഞ്ഞ അ​നു​ഭ​വം - പ​ത്താം ക്ലാ​സു​വ​രെ പ​ഠി​ച്ചി​ട്ടു​ള്ള ഈ ​യു​വ​തി​യു​ടെ ഭ​ർ​ത്താ​വ് വ​ള​രെ സു​ന്ദ​ര​നും സ്നേ​ഹ​സ​ന്പ​ന്ന​നു​മാ​ണ​ത്രേ. നാ​ലു​വ​യ​സു​ള്ള ഒ​രു മ​ക​ളും ഇ​വ​ർ​ക്കു​ണ്ട്. ഭ​ർ​ത്താ​വ് കു​ഞ്ഞി​നെ​യും കൊ​ണ്ട് ഇ​ട​യ്ക്കി​ട​യ്ക്ക് പു​റ​ത്തു​പോ​കും. ഐ​സ്ക്രീ​മും മി​ൽ​ക്കീ​ബാ​റു​മൊ​ക്കെ വാ​ങ്ങി​ക്കൊ​ടു​ക്കും. ഒ​രു ദി​വ​സം അ​ച്ഛ​ന്‍റെ പെ​രു​മാ​റ്റ​ത്തി​ൽ എ​ന്തോ സം​ശ​യം തോ​ന്നി അ​മ്മ ചോ​ദി​ച്ച​പ്പോ​ൾ കു​ട്ടി പ​റ​ഞ്ഞ​ത് - ഐ​സ്ക്രീം വാ​ങ്ങി​ക്കൊ​ടു​ക്കു​വാ​ൻ പു​റ​ത്തു​കൊ​ണ്ടു​പോ​കു​ന്ന അ​ച്ഛ​ൻ പ​റ​യു​മ​ത്രേ രാ​ത്രി​യി​ൽ അ​മ്മ​കാ​ണാ​തെ അ​ച്ഛ​ന്‍റെ അ​ടു​ത്ത് വ​ന്നു കി​ട​ക്ക​ണ​മെ​ന്നും ഉ​ടു​പ്പ് ധ​രി​ക്കാ​തെ വേ​ണം കി​ട​ക്കു​വാ​നെ​ന്നും. ഭ​ർ​ത്താ​വി​ന്‍റെ വ​രു​മാ​നം​കൊ​ണ്ട് ജീ​വി​ച്ചി​രു​ന്ന ഭാ​ര്യ ഇ​പ്പോ​ൾ കു​ട്ടി​യെ സ്വ​ന്തം അ​മ്മ​യു​ടെ അ​ടു​ത്താ​ക്കി​യ​ശേ​ഷം വീ​ട്ടു​ജോ​ലി​ക്കു നി​ൽ​ക്കു​ക​യാ​ണ്. ഭ​ർ​ത്താ​വി​ന്‍റെ ക​ത്തും ഫോ​ണു​മൊ​ക്കെ യു​വ​തി​ക്ക് കി​ട്ടു​ന്നു​ണ്ട​ത്രേ. ഭാ​ര്യ​യു​ടെ വാ​ക്കു​ക​ൾ കേ​ൾ​ക്കു​ക - എ​ന്‍റെ ഭ​ർ​ത്താ​വ് വ​ള​രെ ന​ല്ല​താ​ണ്. ഞ​ങ്ങ​ളെ ന​ന്നാ​യി നോ​ക്കും. പ​ക്ഷേ മ​ക​ളെ​യും കൊ​ണ്ട് പോ​കാ​ൻ ക​ഴി​യി​ല്ല​ല്ലോ? ജോ​ലി ചെ​യ്ത് വ​യ്യാ​താ​കു​ന്പോ​ൾ അ​മ്മ​യു​ടെ ദി​വ​സേ​ന​യു​ള്ള പ്രാ​ക്ക് കേ​ൾ​ക്കു​ന്പോ​ൾ തോ​ന്നും ക​ണ്ണ​ട​ച്ചു​പോ​യി ചേ​ട്ട​നൊ​പ്പം പോ​യി നി​ന്നാ​ലോ​യെ​ന്ന്. ഓ​ർ​മി​ക്കു​ക... സാ​ഹ​ച​ര്യ​ങ്ങ​ളു​ടെ സ​മ്മ​ർ​ദ​ത്താ​ൽ ഇ​ങ്ങ​നെ ക​ണ്ണ​ട​ച്ച് ഇ​രു​ട്ടാ​ക്കു​വാ​നാ​ണ് പാ​വ​പ്പെ​ട്ട​വ​രാ​യ പ​ല അ​മ്മ​മാ​രും നി​ർ​ബ​ന്ധി​ത​രാ​കു​ന്ന​ത്. വാ​ള​യാ​റി​ൽ ന​മ്മ​ൾ ക​ണ്ട​തും പ്ര​തി​ക​ര​ണ​ശേ​ഷി ന​ഷ്ട​മാ​യ അ​മ്മ​യെ​ത​ന്നെ​യാ​ണ്. യു​വ​തി​യാ​യ അ​മ്മ​യു​ടെ നി​ർ​വി​കാ​ര​ത ഒ​രു വ​ലി​യ ച​ർ​ച്ച​യ്ക്ക് വ​ഴി​തെ​ളി​ച്ച​താ​ണ്. എ​ന്നാ​ൽ കേ​ര​ള​ത്തി​ലെ സാ​ധാ​ര​ണ​ക്കാ​രി​യാ​യ ഒ​ര​മ്മ​യു​ടെ മാ​ന​സി​കാ​വ​സ്ഥ​യാ​ണ് ഇ​തി​ലൂ​ടെ വെ​ളി​വാ​കു​ന്ന​ത് എ​ന്നും കു​ട്ടി​ക്കാ​ലം മു​ത​ൽ ഒ​രു പെ​ണ്‍​കു​ട്ടി അ​നു​ഭ​വി​ക്കു​ന്ന അ​ടി​മ​ത്ത​വും വി​ധേ​യ​ത്വ​വു​മാ​ണ് ഈ ​അ​മ്മ​യു​ടെ ത​ണു​ത്ത പ്ര​തി​ക​ര​ണ​ത്തി​ലും പ്ര​തി​ഫ​ലി​ക്കു​ന്ന​തെ​ന്നും സ്ത്രീ​പ​ക്ഷ​വാ​ദി​ക​ൾ പ​റ​യു​ന്നു. ഇ​ത്ത​രം ക്രൂ​ര​ത​ക​ളൊ​ക്കെ ഒ​രു പെ​ണ്‍​ശ​രീ​രം സ്വാ​ഭാ​വി​ക​മാ​യും ഏ​റ്റു​വാ​ങ്ങേ​ണ്ട​താ​ണെ​ന്ന ഏ​റ്റ​വും അ​പ​ക​ട​ക​ര​മാ​യ ധാ​ര​ണ​യും പു​റം​ലോ​ക​വു​മാ​യി അ​ധി​കം ബ​ന്ധ​മി​ല്ലാ​ത്ത വാ​ള​യാ​റി​ലെ അ​മ്മ​യെ​പ്പോ​ലു​ള്ള സ്ത്രീ​ക​ൾ​ക്കു​ണ്ട് എ​ന്ന് എ​ഴു​ത്തു​കാ​രി​യാ​യ മാ​ന​സി​ദേ​വി ഒ​രു പ്ര​ഭാ​ഷ​ണ​ത്തി​ൽ ഓ​ർ​മി​പ്പി​ച്ചു.


ഭ​ർ​ത്താ​വി​നെ​യും ബ​ന്ധു​ക്ക​ളെ​യും ഭ​യ​ക്കു​ന്ന​തു​പോ​ലെ ര​ണ്ടാം ഭ​ർ​ത്താ​വി​നോ​ടും കാ​മു​ക​നോ​ടും വി​ധേ​യ​ത്വം കാ​ണി​ക്കു​ന്ന അ​മ്മ​മാ​രും പെ​ണ്‍​കു​ട്ടി​ക​ളു​ടെ ജീ​വി​തം ന​ര​ക​മാ​ക്കു​ന്നു. ഇ​ഷ്ട​ക്കാ​ര​ന് വീ​ട്ടി​ൽ ഇ​ടം​കൊ​ടു​ക്കു​ന്ന ചി​ല​ർ കാ​മു​ക​ൻ ചെ​റി​യ​മ​ക​ളെ ഉ​പ​ദ്ര​വി​ക്കു​ന്ന​ത് നേ​രി​ൽ​ക്ക​ണ്ടാ​ലും പ്ര​തി​ക​രി​ക്കി​ല്ല. കാ​മു​ക​ന്‍റെ ഇ​ഷ്ട​ത്തി​നു നി​ന്നി​ല്ലെ​ങ്കി​ൽ അ​യാ​ൾ ത​ന്നെ ഉ​പേ​ക്ഷി​ച്ചു​പോ​കും എ​ന്ന​താ​ണ് കാ​ര​ണം.

ക​ല​ക്ക​വെ​ള്ള​ത്തി​ൽ മീ​ൻ​പി​ടി​ക്കു​ന്ന​വ​ർ

കു​ടും​ബ ഭ​ദ്ര​ത ഇ​ല്ലാ​ത്ത വീ​ടു​ക​ളി​ലെ​യും അ​ച്ഛ​നു​പേ​ക്ഷി​ച്ച് പോ​യ കു​ടും​ബ​ങ്ങ​ളി​ലേ​യും കു​ട്ടി​ക​ളാ​ണ് പൊ​തു​വേ എ​ളു​പ്പ​ത്തി​ൽ ഇ​ര​ക​ളാ​ക്ക​പ്പെ​ടു​ന്ന​ത്. നി​രാ​ലം​ബ​രാ​യ കു​ടും​ബ​ത്തെ സ​ഹാ​യി​ക്കാ​നാ​യി എ​ത്തു​ന്ന ബ​ന്ധു​ക്ക​ളും അ​യ​ൽ​ക്കാ​രു​മാ​ണ് പ​ല​പ്പോ​ഴും വേ​ട്ട​ക്കാ​രാ​യി മാ​റു​ന്ന​ത്.

കു​ട്ടി​യെ ത​ന്ത്ര​പൂ​ർ​വം വ​ല​യി​ലാ​ക്കു​ന്ന അ​പ്പൂ​പ്പന്മാ​രു​ടെ കൂ​ടി നാ​ടാ​വു​ക​യാ​ണ് കേ​ര​ളം. മി​ഠാ​യി, പ​ല​ഹാ​ര​ങ്ങ​ൾ എ​ന്നി​വ ന​ൽ​കി പ്ര​ലോ​ഭി​പ്പി​ക്കു​ക, അ​ശ്ലീ​ല വീ​ഡി​യോ​ക​ളി​ലൂ​ടെ​യും ചി​ത്ര​ങ്ങ​ളി​ലൂ​ടെ​യും ത​ങ്ങ​ളു​ടെ ഇം​ഗി​ത​ത്തി​ലേ​ക്ക് എ​ത്തി​ക്കു​ക, അ​ങ്ങ​നെ പ​ല ത​ന്ത്ര​ങ്ങ​ളും ഇ​വ​ർ പ്ര​യോ​ഗി​ക്കു​ന്നു. കു​ട്ടി​യാ​യി​രി​ക്കു​ന്പോ​ൾ ത​ന്നെ അ​നു​ന​യ​പൂ​ർ​വം ശ​രീ​ര​തൃ​ഷ്ണ​ക​ൾ ഉ​ണ​ർ​ത്തി അ​വ​രെ വ​രു​തി​യി​ലാ​ക്കു​ന്ന ഒ​രു കൂ​ട്ട​ർ അ​ക​ത്തും പു​റ​ത്തു​മു​ണ്ട്. വേ​ട്ട​ക്കാ​ര​നാ​ണെ​ന്ന് അ​റി​യാ​തെ സ്വ​യം ബ​ലി​യാ​ടാ​കു​ന്ന കു​ഞ്ഞു​ങ്ങ​ൾ ഇ​വ​ർ​ക്കെ​തി​രെ പ​രാ​തി​പ്പെ​ടു​ന്നി​ല്ല എ​ന്ന ദുഃ​ഖ​ക​ര​മാ​യ സ​ത്യ​വും നി​ല​നി​ൽ​ക്കു​ന്നു. തി​രു​വ​ന​ന്ത​പു​രം ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​യി​ലെ ഗൈ​ന​ക്കോ​ള​ജി​സ്റ്റി​ന്‍റെ ഒ​ര​നു​ഭ​വം കേ​ൾ​ക്കു​ക. കു​ട്ടി​യെ അ​പ്പൂ​പ്പ​ൻ (അ​ച്ഛ​ന്‍റെ അ​ച്ഛ​ൻ) പീ​ഡി​പ്പി​ച്ചു എ​ന്നു​പ​റ​ഞ്ഞാ​ണ് അ​മ്മ കു​ട്ടി​യു​മാ​യി ആ​ശു​പ​ത്രി​യി​ലേ​ക്ക് വ​ന്ന​ത്. പ​ത്തു​വ​യ​സാ​യ പെ​ണ്‍​കു​ട്ടി​യെ പ​രി​ശോ​ധി​ച്ച​പ്പോ​ൾ പീ​ഡ​നം ന​ട​ന്നി​ട്ടു​ണ്ടെ​ന്ന് വ്യ​ക്ത​മാ​യി. കൊ​ച്ചു​പ്രാ​യ​ത്തി​ൽ​ത​ന്നെ ശാ​രീ​രി​ക​മാ​യി വ​ള​ർ​ച്ച​യെ​ത്തി​ത്തു​ട​ങ്ങി​യ പെ​ണ്‍​കു​ട്ടി​യു​ടെ സ്വ​കാ​ര്യ​ഭാ​ഗ​ങ്ങ​ളി​ൽ മു​റി​വു​ണ്ടെ​ങ്കി​ലും കു​ട്ടി വാ​യ്പൊ​ത്തി ചി​രി​ച്ചു​കൊ​ണ്ടാ​ണ് കാ​ര്യ​ങ്ങ​ൾ വി​ശ​ദീ​ക​രി​ച്ച​ത് .ആ​ഘാ​ത​ത്തി​ന്‍റെ ക്ഷ​തം തി​രി​ച്ച​റി​യാ​തെ പോ​കു​ന്ന അ​നേ​കം പെ​ണ്‍​കു​ഞ്ഞു​ങ്ങ​ളു​ണ്ട്. ഇ​ത്ത​ര​ത്തി​ൽ ഉ​ത്തേ​ജി​ക്ക​പ്പെ​ടു​ന്ന പെ​ണ്‍​കു​ട്ടി​ക​ളി​ൽ പ​ല​രും വ​ഴി​വി​ട്ട ജീ​വി​ത​ത്തി​ലേ​ക്ക് തി​രി​യു​ന്ന​താ​യാ​ണ് അ​നു​ഭ​വം.
(തുടരും)

-എസ്.മഞ്ജുളാദേവി