ക​ണി​കാ​ണും നേ​രം
""ക​ണി​കാ​ണും​നേ​രം ക​മ​ല​നേ​ത്ര​ന്‍റെ
നി​റ​മേ​റും മ​ഞ്ഞ​തു​കി​ൽ ചാ​ർ​ത്തി
ക​ന​ക​ക്കി​ങ്ങി​ണി വ​ള​ക​ൾ മോ​തി​രം
അ​ണി​ഞ്ഞു​കാ​ണേ​ണം ഭ​ഗ​വാ​നേ’’

ഒ​രി​ക്ക​ലെ​ങ്കി​ലും ഈ ​ഗാ​നം കേ​ൾ​ക്കാ​ത്ത മ​ല​യാ​ളി​ക​ൾ കാ​ണി​ല്ല. ഗൃ​ഹാ​തു​ര​ത​യു​ടെ ഒ​ളി​മ​ങ്ങാ​ത്ത ഓ​ർ​മ​ക​ളു​മാ​യി ഒ​രു വി​ഷു​ക്കാ​ലം കൂ​ടി വ​ന്നെ​ത്തി​യി​രി​ക്കു​ന്നു. ക​ണി​ക്കൊ​ന്ന​യും വി​ഷു​ക്ക​ണി​യും വി​ഷു​ക്കൈ​നീ​ട്ട​വും വി​ഷു​സ​ദ്യ​യു​മൊ​ക്കെ​യാ​യി മ​ല​യാ​ളി​ക​ൾ വി​ഷു​വി​നെ എ​തി​രേ​ൽ​ക്കാ​നു​ള്ള ഒ​രു​ക്ക​ത്തി​ലാ​ണ്. വി​ഷു ഒ​രു സം​സ്കാ​ര​മാ​ണ്. കാ​ർ​ഷി​ക​വൃ​ത്തി​ക്ക് ആ​ദ​രം ന​ൽ​കു​ന്ന സം​സ്കാ​രം കൂ​ടി​യാ​ണി​ത്.

ആ​ചാ​രവഴിയേ

കേ​ര​ള​ത്തി​ന്‍റെ സ്വ​ന്തം ആ​ഘോ​ഷ​മാ​ണു വി​ഷു. വി​ഷു എ​ന്നാ​ൽ തു​ല്യ​മാ​യ​ത് എ​ന്ന​ർ​ഥം. അ​താ​യ​ത് രാ​ത്രി​യും പ​ക​ലും തു​ല്യ​മാ​യ ദി​വ​സം. രാ​ത്രി​യും പ​ക​ലും സ​മ​മാ​യ മേ​ട​മാ​സം ഒ​ന്നാം തീ​യ​തി​യാ​ണു വി​ഷു​വാ​യി ആ​ഘോ​ഷി​ക്കു​ന്ന​ത്. ഏ​പ്രി​ൽ 14-നാ​ണു വി​ഷു. കേ​ര​ള​ത്തി​ൽ വി​ഷു​ദി​നം സൂ​ര്യ​രാ​ശി അ​നു​സ​രി​ച്ചു​ള്ള പു​തു​വ​ർ​ഷ​മാ​ണ്. വി​ഷു മ​ല​യാ​ളി​ക്കു കാ​ർ​ഷി​കോ​ത്സ​വ​ത്തി​ന്‍റെ തു​ട​ക്കം കൂ​ടി​യാ​ണ്. പ​ണ്ടു വി​ഷു ദി​ന​ത്തി​ൽ വി​ഷു​വെ​പ്പ് എ​ന്നൊ​രു ച​ട​ങ്ങു​ണ്ടാ​യി​രു​ന്നു. നെ​ല്ലും അ​രി​യും എ​ണ്ണ​യും നാ​ളി​കേ​ര​വു​മൊ​ക്കെ ത​ന്പു​രാ​ൻ കു​ടി​യാന്മാ​ർ​ക്കു ന​ൽ​കും. ഇ​ങ്ങ​നെ ത​ന്പു​രാ​നി​ൽ നി​ന്നും ദ്ര​വ്യ​ങ്ങ​ൾ വാ​ങ്ങു​ന്ന കു​ടി​യാന്മാ​ർ ആ ​കാ​ർ​ഷി​ക​വ​ർ​ഷം മു​ഴു​വ​നും അ​ദ്ദേ​ഹ​ത്തി​നാ​യി പ​ണി​യെ​ടു​ക്ക​ണ​മെ​ന്നാ​ണു വി​ശ്വാ​സം.

ഐ​തിഹ്യ​ത്തേരി​ലെ​ത്തു​ന്ന വി​ഷു

ന​ര​കാ​സു​ര​ൻ ശ്രീ​കൃ​ഷ്ണ​നാ​ൽ വ​ധി​ക്ക​പ്പെ​ട്ട ദി​വ​സ​മാ​ണു വി​ഷു​വാ​യി ആ​ഘോ​ഷി​ക്കു​ന്ന​തെ​ന്നാ​ണു വി​ശ്വാ​സം. രാ​വ​ണ​ന്‍റെ കൊ​ട്ടാ​ര​ത്തി​നു​ള്ളി​ൽ വെ​യി​ൽ ത​ട്ടി​യ​തു രാ​വ​ണ​ന് ഇ​ഷ്ട​പ്പെ​ടാ​ഞ്ഞ​തി​നാ​ൽ സൂ​ര്യ​നെ നേ​രേ ഉ​ദി​ക്കാ​ൻ രാ​വ​ണ​ൻ സ​മ്മ​തി​ച്ചി​ല്ലെ​ന്നും രാ​വ​ണ​നെ രാ​മ​ൻ വ​ധി​ച്ച​ശേ​ഷം സൂ​ര്യ​ൻ നേ​രേ ഉ​ദി​ച്ച​താ​ണു വി​ഷു​വാ​യി ആ​ഘോ​ഷി​ക്കു​ന്ന​തെ​ന്നും മ​റ്റൊ​രു വി​ശ്വാ​സ​മു​ണ്ട്.

ഉ​ത്ഭ​വം

ആ​ദി​ദ്രാ​വി​ഡാ​ഘോ​ഷ​ങ്ങ​ളി​ൽ​പ്പെ​ട്ട ഒ​രു ഉ​ത്സ​വ​മാ​ണ് വി​ഷു. മ​ത്സ്യ മാം​സാ​ഹാ​രാ​ദി​ക​ൾ വ​ർ​ജ്ജി​ച്ചു​കൊ​ണ്ടു​ള്ള ഓ​ണം ബു​ദ്ധ​മ​ത സി​ദ്ധാ​ന്ത​ങ്ങ​ൾ​ക്ക് ചേ​രു​ന്ന​താ​ണെ​ങ്കി​ൽ വി​ഷു അ​തി​ന് ക​ട​ക​വി​രു​ദ്ധ​മാ​ണ്. വേ​ട്ട​യാ​ടി കാ​ല​യാ​പ​നം ക​ഴി​ച്ചി​രു​ന്ന ആ​ദി​ദ്രാ​വി​ഡരു​െ മാം​സാ​ഹാ​ര​ത്തോ​ടു​ള്ള അ​ഭി​രു​ചി വി​ഷു ആ​ഘോ​ഷ​ങ്ങ​ളി​ൽ നി​ഴ​ലി​ക്കു​ന്നു. അ​തി​നാ​ൽ ഓ​ണ​ത്തേ​ക്കാ​ൾ പ​ഴ​ക്ക​മു​ള്ള ആ​ഘോ​ഷ​മാ​ണ് വി​ഷു എ​ന്നു ക​രു​തു​ന്നു.

വി​ഷു സം​ക്രാ​ന്തി

ഒ​രു രാ​ശി​യി​ൽ നി​ന്നും അ​ടു​ത്ത രാ​ശി​യി​ലേ​ക്കു സൂ​ര്യ​ൻ പോ​കു​ന്ന​തി​നെ സം​ക്രാ​ന്തി എ​ന്നു പ​റ​യു​ന്നു. സം​ക്രാ​ന്തി​ക​ളി​ലെ പ്ര​ധാ​ന​മാ​യ​താ​ണു മ​ഹാ​വി​ഷു. വി​ഷു​വി​നു ത​ലേ​ന്നു വൈ​കു​ന്നേ​രം വീ​ട്ടി​ലെ ഉ​പ​യോ​ഗ​ശൂ​ന്യ​മാ​യ വ​സ്തു​ക്ക​ൾ ക​ത്തി​ച്ചു ക​ള​യും. വീ​ടു ശു​ദ്ധി​യാ​ക്കി പു​തു​വ​ർ​ഷ​ത്തെ വ​ര​വേ​ൽ​ക്കു​ക​യാ​ണ് ഇ​തി​ന്‍റെ ഉ​ദ്ദേ​ശം. അ​തോ​ടെ വീ​ടു​ക​ളി​ൽ പ​ട​ക്കം പൊ​ട്ടി​ച്ചു തു​ട​ങ്ങും. ഓ​ല​പ്പ​ട​ക്കം, ക​ന്പി​ത്തി​രി, പൂ​ത്തി​രി, മേ​ശ​പ്പൂ​ത്തി​രി, മ​ത്താ​പ്പു തു​ട​ങ്ങി നി​റ​പ്പ​കി​ട്ടാ​ർ​ന്ന വി​ഷു​പ്പ​ട​ക്ക​ങ്ങ​ൾ പൊ​ട്ടി​ക്കു​ന്ന​തു കേ​ര​ള​ത്തി​ൽ പ​തി​വാ​ണ്. ഇ​തു വി​ഷു നാ​ളി​ലും പു​ല​ർ​ച്ചെ ക​ണി​ക​ണ്ട​ശേ​ഷ​വും വൈ​കി​ട്ടും തു​ട​രും.

ആ​ചാ​ര​ങ്ങ​ൾ

കേ​ര​ള​ത്തി​ന്‍റെ പ്ര​ധാ​ന വി​ള​വെ​ടു​പ്പ് ഉ​ത്സ​വ​മാ​ണ് വി​ഷു​വും ഓ​ണ​വും. ഓ​ണം വി​രി​പ്പു കൃ​ഷി​യു​മാ​യി ബ​ന്ധ​പ്പെ​ട്ട​താ​ണെ​ങ്കി​ൽ വി​ഷു വേ​ന​ൽ പ​ച്ച​ക്ക​റി വി​ള​ക​ളു​മാ​യി ബ​ന്ധ​പ്പെ​ട്ടാ​ണ് ആ​ച​രി​ക്കു​ന്ന​ത്.

വി​ഭ​വ​ങ്ങ​ൾ

പ​ണ്ടൊ​ക്കെ വി​ഷു ആ​ഘോ​ഷം ആ​രം​ഭി​ക്കു​ന്ന​തു​ത​ന്നെ ഗൃ​ഹ​നാ​ഥ​ൻ ച​ക്ക വെ​ട്ടി​യി​ടു​ന്ന​തോ​ടെ​യാ​ണ്. വി​ഷു​വി​നു നി​ർ​ബ​ന്ധ​മാ​യും ഉ​പ​യോ​ഗി​ക്കു​ന്ന ഒ​ന്നാ​ണു വ​രി​ക്ക​ച്ച​ക്ക. വി​ഷു വി​ഭ​വ​ങ്ങ​ളി​ൽ ച​ക്ക എ​രി​ശ്ശേ​രി, ച​ക്ക വ​റു​ത്ത​ത് തു​ട​ങ്ങി​യ വി​ഭ​വ​ങ്ങ​ൾ ഉ​ണ്ടാ​കും. എ​രി​ശ്ശേ​രി​യി​ൽ ച​ക്ക​യു​ടെ എ​ല്ലാ ഭാ​ഗ​ങ്ങ​ളും ചേ​ർ​ക്കും. ഒ​രു മു​ഴു​വ​ൻ ച​ക്ക​ച്ചു​ള, തൊ​ലി​യോ​ടു കൂ​ടി​യ ച​ക്ക​ക്കു​രു, ച​ക്ക മ​ട, ച​ക്ക​യു​ടെ ഏ​റ്റ​വും മു​ക​ളി​ലു​ള്ള മു​ള്ള് എ​ന്നി​വ എ​രി​ശ്ശേ​രി​യി​ൽ ചേ​ർ​ക്കും.

വ​ള്ളു​വ​നാ​ടു പ്ര​ദേ​ശ​ങ്ങ​ളി​ൽ വി​ഷു ദി​വ​സം ക​ഞ്ഞി സ​ദ്യ​യാ​യി​രി​ക്കും പ്ര​ധാ​നം. വാ​ഴ​പ്പോ​ള വൃ​ത്താ​കൃ​തി​യി​ൽ ചു​രു​ട്ടി അ​തി​ൽ വാ​ഴ​യി​ല വ​ച്ചു പ​ഴു​ത്ത പ്ലാ​വി​ല​കൊ​ണ്ടാ​ണു തേ​ങ്ങ ചി​ര​കി​യി​ട്ടു ക​ഞ്ഞി കു​ടി​ക്കു​ന്ന​ത്. ഇ​തി​നൊ​പ്പം ക​ഴി​ക്കാ​ൻ ച​ക്ക എ​രി​ശ്ശേ​രി​യും ച​ക്ക വ​റു​ത്ത​തും ഉ​ണ്ടാ​കും. തെ​ക്ക​ൻ പ്ര​ദേ​ശ​ങ്ങ​ളി​ൽ ഓ​ണ​സ​ദ്യ​യു​ടെ പോ​ലു​ള്ള വി​ഭ​വ​സ​മൃ​ദ്ധ​മാ​യ സ​ദ്യ വി​ഷു​വി​നും ഉ​ണ്ടാ​കും.


തൃ​ശൂ​ർ​ക്കാ​ർ​ക്കു വി​ഷു​ദി​വ​സം രാ​വി​ലെ പ്രാ​ത​ലി​നു വി​ഷു​ക്ക​ട്ട എ​ന്ന വി​ഭ​വം നി​ർ​ബ​ന്ധ​മാ​ണ്. നാ​ളി​കേ​ര​പ്പാ​ലി​ൽ പു​ന്നെ​ല്ലി​ന്‍റെ അ​രി വേ​വി​ച്ചു ജീ​ര​കം ചേ​ർ​ത്തു വ​റ്റി​ച്ചാ​ണു വി​ഷു​ക്ക​ട്ട ഉ​ണ്ടാ​ക്കു​ന്ന​ത്. വി​ഷു​ക്ക​ട്ട​ക്കു മ​ധു​ര​മോ ഉ​പ്പോ ഉ​ണ്ടാ​കാ​റി​ല്ല. ശ​ർ​ക്ക​ര പാ​നി​യോ മ​ത്ത​നും പ​യ​റും കൊ​ണ്ടു​ള​ള ക​റി​യോ ഉ​പ​യോ​ഗി​ച്ചാ​യി​രി​ക്കും ഇ​തു ക​ഴി​ക്കു​ക. ഉ​ച്ച​യ്ക്കു വി​ഭ​വ​സ​മൃ​ദ്ധ​മാ​യ സ​ദ്യ. സ​ദ്യ​യി​ൽ മാ​ന്പ​ഴ പു​ളി​ശേ​രി നി​ർ​ബ​ന്ധം. ച​ക്ക എ​രി​ശേ​രി​യോ ച​ക്ക​പ്ര​ഥ​മ​നോ കാ​ണും. ഓ​ണ​സ​ദ്യ​യി​ൽ നി​ന്നു വി​ഷു​സ​ദ്യ​ക്കു​ള​ള വ്യ​ത്യാ​സ​വും ഇ​തു​ത​ന്നെ​യാ​ണ്.

മേ​ട​പ്പൊ​ന്ന​ണി​യും കൊ​ന്ന​പ്പൂ​ക്ക​ണി​യാ​യ്...

ക​ണി​ക്കൊ​ന്ന​യ്ക്കു വി​ഷു​വു​മാ​യി അ​ഭേ​ദ്യ​മാ​യ ബ​ന്ധ​മാ​ണു​ള്ള​ത്. സ്വ​ർ​ണ​ക്കി​ങ്ങി​ണി​ക​ൾ വാ​രി​വി​ത​റി​യ​തു​പോ​ലെ കൊ​ന്ന​മ​ര​ച്ചി​ല്ല​ക​ളി​ൽ നി​റ​ഞ്ഞു​നി​ൽ​ക്കു​ന്ന കൊ​ന്ന​പ്പൂ​ക്ക​ൾ വി​ഷു​ക്കാ​ല​ത്തെ കാ​ഴ്ച​യാ​ണ്. കേ​ര​ള​ത്തി​ന്‍റെ സം​സ്ഥാ​ന​പു​ഷ്പം കൂ​ടി​യാ​ണു ക​ണി​ക്കൊ​ന്ന.

ക​ണി​യൊ​രു​ക്ക​ൽ

വി​ഷു​പ്പു​ല​രി​യി​ൽ ഭ​ഗ​വാ​നെ കാ​ണു​ന്ന ച​ട​ങ്ങാ​ണു വി​ഷു​ക്ക​ണി. വി​ഷു​വി​ന്‍റെ പ്ര​ധാ​ന​പ്പെ​ട്ട ആ​ഘോ​ഷ​വും ഇ​തു​ത​ന്നെ​യാ​ണ്. മം​ഗ​ള​ക​ര​മാ​യ ഒ​രു വ​ർ​ഷ​ത്തി​ന്‍റെ തു​ട​ക്ക​മാ​യി​ട്ടാ​ണ് ഇ​തി​നെ കാ​ണു​ന്ന​ത്. വീ​ട്ടി​ലെ മു​തി​ർ​ന്ന സ്ത്രീ​ക​ൾ​ക്കാ​ണു വി​ഷു​ക്ക​ണി​യൊ​രു​ക്കാ​നും അ​തു കാ​ണി​ക്കു​വാ​നു​മു​ള്ള ചു​മ​ത​ല. ക​ഴി​ഞ്ഞ വ​ർ​ഷ​ത്തെ പ്ര​തി​സ​ന്ധി​ക​ളെ മ​റി​ക​ട​ക്കാ​ൻ ആ​ദ്യം കാ​ണു​ന്ന വി​ഷു​ക്ക​ണി​ക്കു ക​ഴി​യു​മെ​ന്നാ​ണു വി​ശ്വാ​സം. പൂ​ജാ​മു​റി​യി​ലോ അ​തു​പോ​ലെ ശു​ദ്ധ​മാ​യ മ​റ്റെ​തെ​ങ്കി​ലും മു​റി​യി​ലോ ആ​ണു ക​ണി​യൊ​രു​ക്കു​ന്ന​ത്. ഏ​ഴു തി​രി​യി​ട്ടു ക​ത്തി​ച്ച നി​ല​വി​ള​ക്കി​നു​മു​ന്നി​ലൊ​രു​ക്കി​യ ഓ​ട്ടു​രു​ളി​യി​ലാ​ണു ക​ണി​യൊ​രു​ക്കു​ന്ന​ത്. മ​ഞ്ഞ​പ്പ​ട്ട​ണി​ഞ്ഞ ശ്രീ​കൃ​ഷ്ണ​വി​ഗ്ര​ഹ​ത്തി​നു​മു​ന്നി​ൽ ആ​വ​ണി​പ്പ​ല​ക​യി​ൽ ഓ​ട്ടു​രു​ളി വ​യ്ക്കും.
വ​രും വ​ർ​ഷ​ത്തി​ൽ ആ​ഹാ​ര​ത്തി​നും വ​സ്ത്ര​ത്തി​നും മു​ട്ടി​ല്ലാ​തി​രി​ക്കാ​ൻ അ​രി​യും മ​ഞ്ഞ​ളും ചേ​ർ​ത്ത മി​ശ്രി​ത​വും കോ​ടി​മു​ണ്ടു​മാ​ണു ഉ​രു​ളി​യി​ൽ ആ​ദ്യം വ​യ്ക്കു​ന്ന​ത്. തു​ട​ർ​ന്ന് ഓ​ട്ടുകി​ണ്ടി വ​ച്ച് അ​തി​ന്‍റെ വാ​ലി​ൽ ഒ​രു വാ​ൽ​ക്ക​ണ്ണാ​ടി ഉ​റ​പ്പി​ക്ക​ണം. പൊ​ന്നും ക​ണി​വെ​ള്ള​രി​യും ക​ണി​ക്കൊ​ന്ന​യും പ​ഴു​ത്ത അ​ട​യ്ക്ക​യും വെ​റ്റി​ല​യും ക​ണ്‍​മ​ഷി, ചാ​ന്ത്, സി​ന്ദൂ​രം, നാ​ര​ങ്ങ, നാ​ളി​കേ​ര​പ്പാ​തി, ച​ക്ക, മാ​ങ്ങ, വെ​ള​ളി​പ്പ​ണം ഇ​വ​യൊ​ക്കെ വ​ച്ചാ​ണു ക​ണി​യൊ​രു​ക്കു​ന്ന​ത്. ക​ത്തി​ച്ച ച​ന്ദ​നത്തി​രി​യും വെ​ള്ളം നി​റ​ച്ച ഓ​ട്ടു​കി​ണ്ടി​യും പു​തി​യ ക​സ​വു​മു​ണ്ടും അ​ടു​ത്തു​ണ്ടാ​വ​ണ​മെ​ന്നാ​ണു പ​ഴ​മ​ക്കാ​ർ പ​റ​യു​ന്ന​ത്. ക​ണി​ക്കൊ​ന്ന​പ്പൂ​ക്ക​ൾ വി​ഷുക്ക​ണി​യി​ൽ നി​ർ​ബ​ന്ധ​മാ​ണ്. ക​ണി​യൊ​രു​ക്കു​ന്ന മു​റി നി​റ​യെ ക​ണി​ക്കൊ​ന്ന​പ്പൂ​ക്ക​ൾ​കൊ​ണ്ട് അ​ല​ങ്ക​രി​ക്കും. ചി​ല സ്ഥ​ല​ങ്ങ​ളി​ൽ ക​റി​ക്കൂ​ട്ടും ഗ്ര​ന്ഥ​വും വെ​ള്ളി​പ്പ​ണം, ച​ക്ക, മാ​ങ്ങ എ​ന്നി​വ​യും ക​ണി​ക്ക് വയ്​ക്കാ​റു​ണ്ട്. രാ​മാ​യ​ണ​മോ മ​ഹാ​ഭാ​ര​ത​മോ ആ​ണ് ഗ്ര​ന്ഥ​ങ്ങ​ളാ​യി വ​യ്ക്കു​ന്ന​ത്. പ്ര​കാ​ശ​വും ധ​ന​വും ഫ​ല​ങ്ങ​ളും ധാ​ന്യ​ങ്ങ​ളും എ​ല്ലാം ചേ​ർ​ന്ന വി​ഷു​ക്ക​ണി ക​ണ്ടു​ണ​രു​ന്പോ​ൾ പു​തി​യൊ​രു ജീ​വി​ത​ചം​ക്ര​മ​ണ​ത്തി​ലേ​ക്കു​ള്ള വി​കാ​സ​മാ​ണ​ത്രെ സം​ഭ​വി​ക്കു​ക.

ക​ണി​കാ​ണും നേ​രം

പു​ല​ർ​ച്ചെ നാ​ലു മു​ത​ൽ ആ​റു​വ​രെ​യു​ള്ള ബ്ര​ഹ്മ​മു​ഹൂ​ർ​ത്ത​ത്തി​ലാ​ണു ക​ണി​കാ​ണു​ന്ന​ത്. വീ​ട്ടി​ലെ മു​തി​ർ​ന്ന സ്ത്രീ​ക്കു​ത​ന്നെ​യാ​ണ് ഇ​തി​നു​ള്ള അ​വ​കാ​ശ​വും. പു​ല​ർ​ച്ചെ കു​ളി​ച്ചു പു​തു​വ​സ്ത്ര​മ​ണി​ഞ്ഞു നി​ല​വി​ള​ക്കു​കൊ​ളു​ത്തി​യാ​ണു വീ​ട്ട​മ്മ​മാ​ർ ക​ണി​കാ​ണു​ന്ന​ത്. അ​തി​നു​ശേ​ഷം മു​തി​ർ​ന്ന കു​ടും​ബാം​ഗ​ത്തി​ൽ തു​ട​ങ്ങി കു​ടും​ബ​ത്തി​ലെ ഏ​റ്റ​വും പ്രാ​യം കു​റ​ഞ്ഞ കു​ട്ടി​ക​ൾ വ​രെ എ​ന്ന ക്ര​മ​ത്തി​ലാ​ണു ക​ണി​കാ​ണി​ക്കു​ന്ന​ത്. ഉ​റ​ക്ക​ത്തി​ൽ നി​ന്നു വി​ളി​ച്ചു​ണ​ർ​ത്തി പു​റ​കി​ൽ നി​ന്നും ക​ണ്ണു​പൊ​ത്തി കൊ​ണ്ടു​പോ​യാ​ണു ക​ണി​കാ​ണി​ക്കു​ക. കു​ടും​ബാം​ഗ​ങ്ങ​ൾ എ​ല്ലാ​വ​രും ക​ണി​ക​ണ്ട​ശേ​ഷം വീ​ടി​ന്‍റെ കി​ഴ​ക്കു​വ​ശ​ത്തു ക​ണി​കൊ​ണ്ടു​ചെ​ന്നു പ്ര​കൃ​തി​യെ ക​ണി​കാ​ണി​ക്കും. അ​തി​നു​ശേ​ഷം ഫ​ല​വൃ​ക്ഷ​ങ്ങ​ളെ​യും വീ​ട്ടു​മൃ​ഗ​ങ്ങ​ളെ​യും ക​ണി​കാ​ണി​ക്കു​ന്നു.

വി​ഷു​ക്കൈ​നീ​ട്ടം

ക​ണി​ക​ണ്ട​ശേ​ഷം ഗൃ​ഹ​നാ​ഥ​ൻ കു​ടും​ബാം​ഗ​ങ്ങ​ൾ​ക്കു ന​ൽ​കു​ന്ന സ​മ്മാ​ന​മാ​ണു വി​ഷു​ക്കൈനീ​ട്ടം. ആ​ദ്യ​കാ​ല​ങ്ങ​ളി​ൽ സ്വ​ർ​ണം, വെ​ള്ളി എ​ന്നി​വ​യി​ൽ ഉ​ണ്ടാ​ക്കി​യ നാ​ണ​യ​ങ്ങ​ളാ​യി​രു​ന്നു ന​ൽ​കി​യി​രു​ന്ന​ത്. വ​ർ​ഷം മു​ഴു​വ​നും സ​ന്പ​ൽ​സ​മൃ​ദ്ധി, ഐ​ശ്വ​ര്യം എ​ന്നി​വ ഉ​ണ്ടാ​ക​ട്ടെ​യെ​ന്ന് അ​നു​ഗ്ര​ഹി​ച്ചു​കൊ​ണ്ടാ​ണു കൈ​നീ​ട്ടം ന​ൽ​കു​ന്ന​ത്. പ്രാ​യ​മാ​യ​വ​ർ പ്രാ​യ​ത്തി​ൽ ഇ​ള​യ​വ​ർ​ക്കാ​ണു സാ​ധാ​ര​ണ കൈ​നീ​ട്ടം ന​ൽ​കു​ന്ന​തെ​ങ്കി​ലും ചി​ല സ്ഥ​ല​ങ്ങ​ളി​ൽ പ്രാ​യം കു​റ​ഞ്ഞ​വ​ർ മു​തി​ർ​ന്ന​വ​ർ​ക്കും കൈ​നീ​ട്ടം ന​ൽ​കാ​റു​ണ്ട്.

സീ​മ മോ​ഹ​ൻ​ലാ​ൽ