ലാൽ ജൂണിയർ സംവിധാനം ചെയ്ത ഹണിബീയുടെ രണ്ടാം ഭാഗം ഹണിബി രണ്ടിന്‍റെ ഓഡിയോ ലോഞ്ചിൽ സംസ്ഥാന സർക്കാരിന്‍റെ മികച്ച നടനുള്ള പുരസ്ക്കാരം നേടിയ വിനായകനെ ആദരിച്ചു. കൊച്ചിയിലെ ഗോകുലം പാർക്ക് ഇന്നിൽ നടന്ന ചടങ്ങിൽ ചിത്രത്തിലെ മുഴുവൻ അണിയറ പ്രവർത്തകരും പങ്കെടുത്തിരുന്നു. മികച്ച നടനായി തെരഞ്ഞെടുക്കപ്പെട്ടതിനു ശേഷം ആദ്യമായി അദേഹം പങ്കെടുത്ത സ്റ്റേജ് പ്രോഗ്രാം ആണിത്.
ചടങ്ങിൽ പങ്കെടുത്ത നടൻ ജയസൂര്യ വിനായകന് മൊമെന്േറാ നൽകി അഭിനന്ദനം അറിയിച്ചു. ആസിഫ് അലി, ലാൽ, ലാൽ ജൂണിയർ, ലെന, ശ്രീനിവാസൻ, വൈശാഖ്, സിബി മലയിൽ, സുരേഷ് കൃഷ്ണ, ബാബുരാജ്, ശ്രീനാഥ് ഭാസി, ബാലു വർഗീസ്, രമ്യ നന്പീശൻ, ഉദയകൃഷ്ണ, ഹരിശ്രീ അശോകൻ തുടങ്ങിയവർ ചടങ്ങിൽ പങ്കെടുത്തു. ചിത്രം മാർച്ച് 23ന് തീയറ്ററുകളിൽ എത്തും.
|