"വേ​ദ​നയില്ലാ​ത്ത ലോ​ക​ത്തി​രു​ന്ന് എ​ന്നെനോ​ക്കി ചി​രി​ക്കു​ക​യാ​ണ് അ​വ​ൾ': ഒരു ഭർത്താവിന്‍റെ കണ്ണീർക്കുറിപ്പ്
ജീ​വ​നെ​ക്കാൾ സ്നേ​ഹി​ച്ച് 36 വ​ർ​ഷം ഒ​രു ശ​രീ​ര​വും ഒ​രേ ജീ​വ​നു​മാ​യി ക​ഴി​ഞ്ഞി​രു​ന്ന പ്രി​യ പ​ത്നിയുടെ വേർപാടിൽ വിതുമ്പുന്ന മനസുമായി ക​ഴി​യു​ന്ന ഭ​ർ​ത്താ​വി​ന്‍റെ ഫേ​സ്ബു​ക്ക് പോ​സ്റ്റ് വൈ​റ​ലാ​കു​ന്നു. മും​ബൈ സ്വ​ദേ​ശി​യാ​യ ദ​രാ​യാ​സ് മ​ലേ​ഗാമിന്‍റെ കുറിപ്പാണ് ഏവരുടെയും കണ്ണുനനയ്ക്കുന്നത്. ഭാര്യ സറിനെ പരിചയപ്പെടുന്നതു മുതൽ അവരുടെ മരണം വരെയുള്ള കാര്യങ്ങൾ വിവരിക്കുകയാണ് അദ്ദേഹം.

ദരായാസിന്‍റെ ഫേ​സ്ബു​ക്ക് പോ​സ്റ്റി​ന്‍റെ പൂ​ർ​ണ രൂ​പം

ഗു​ജ​റാ​ത്തി​ൽ ന​ട​ന്ന ഒ​രു വി​വാ​ഹ ച​ട​ങ്ങി​നി​ട​യി​ലാ​ണ് എന്‍റെ സ​റി​നെ ഞാ​ൻ ആ​ദ്യം കാ​ണു​ന്ന​ത്. 20 വ​യ​സ് മാ​ത്രം പ്രാ​യ​മേ എ​നി​ക്ക് അ​ന്നു​ണ്ടാ​യി​രു​ന്നു​ള്ളു. ഞ​ങ്ങ​ളു​ടെ മാ​താ​പി​താ​ക്ക​ൾ സു​ഹൃ​ത്തു​ക്ക​ളാ​യി​രു​ന്നു. ആ​ദ്യം ക​ണ്ട നി​മി​ഷം എ​നി​ക്ക് അ​വ​ളെ ഇ​ഷ്ട​മാ​യി. കു​റ​ച്ചു നാ​ളു​ക​ൾ​ക്ക് ശേ​ഷം ഞാ​ൻ അ​വ​ളു​ടെ അ​ച്ഛ​നോ​ടു പ​റ​ഞ്ഞു എ​നി​ക്ക് സ​റി​നെ ഇ​ഷ്ട​മാ​ണ്. എ​ന്‍റെ പ​ഠ​നം പൂ​ർ​ത്തി​യാ​യി ക​ഴി​യു​ന്പോ​ൾ അ​വ​ളെ എ​നി​ക്ക് വി​വാ​ഹം ചെ​യ്തു ത​ര​ണം എ​ന്ന്. എ​ന്‍റെ സ​മീ​പ​നം അ​ദ്ദേ​ഹ​ത്തി​ന് ഇ​ഷ്ട​മാ​യി പി​ന്നീ​ട് അ​ദ്ദേ​ഹം അ​തി​നു സ​മ്മ​തം ത​രു​ക​യാ​യി​രു​ന്നു.

പി​ന്നീ​ടു​ള്ള ദി​വ​സ​ങ്ങ​ളി​ൽ ഞാ​ൻ എ​ൻ​ജി​നി​യ​റിം​ഗ് പ​ഠ​ന​ത്തി​ന്‍റെ തി​ര​ക്കി​ലാ​യി​രു​ന്നു എ​ന്നാ​ൽ ക്ലാ​സ് ക​ഴി​യു​ന്പോ​ഴേ സ​റി​ൻ പ​ഠി​ക്കു​ന്ന കോ​ള​ജി​ന്‍റെ വാ​തി​ൽ​ക്ക​ൽ ഞാ​ൻ കാ​ത്തു നി​ൽ​ക്കും. മി​ക്ക ദി​വ​സ​ങ്ങ​ളി​ലും ഞ​ങ്ങ​ൾ സി​നി​മ​യ്ക്ക് പോ​കു​ക​യും ക​ഫേ​ക​ളി​ൽ പോ​കു​ക​യും ചെ​യ്യ്തി​രു​ന്നു. ദി​വ​സ​ത്തി​ലെ ഭൂ​രി​ഭാ​ഗം സ​മ​യ​വും ഞ​ങ്ങ​ൾ ഒ​ന്നി​ച്ചു ചി​ല​വ​ഴി​ച്ചു.
നാ​ളു​ക​ൾ​ക്ക് ശേ​ഷം മ​റൈ​ൻ എ​ൻ​ജി​നി​യ​റാ​യി ജോ​ലിയിൽ പ്രവേശിച്ച ഞാ​ൻ 24-ാമ​ത്തെ വ​യ​സി​ൽ സ​റി​നെ വി​വാ​ഹ​വും ചെ​യ്തു. ഞ​ങ്ങ​ൾ​ക്ക് മൂന്നു കു​ട്ടി​ക​ൾ ജ​നി​ച്ചു.

സ​ന്തോ​ഷ​ത്തോ​ടെ​യു​ള്ള ഞ​ങ്ങ​ളു​ടെ ജീ​വി​ത​ത്തി​ൽ ക​രി​നി​ഴ​ൽ വീ​ണ​ത് 2013ലാ​ണ്. കാ​ര​ണം ഞ​ങ്ങ​ളേ​വ​രെ​യും ഞെ​ട്ടി​ച്ചു കൊ​ണ്ട് സറി​ന് തൈ​റോ​യി​ഡ് കാ​ൻ​സ​ർ പി​ടി​പ്പെ​ട്ടു. ദീ​ർ​ഘ​നാ​ള​ത്തെ ചി​കി​ത്സ​യ്ക്കു ശേ​ഷം രോ​ഗം ഭേ​ദ​മാ​യെ​ങ്കി​ലും 2015ൽ ​അ​വ​ൾ​ക്ക് വീ​ണ്ടും രോ​ഗം പി​ടി​പ്പെ​ടു​ക​യാ​യി​രു​ന്നു. തു​ട​ർ​ന്ന് ക​ട​ലി​ലെ സ​ഞ്ചാ​ര​ത്തെ മ​റ​ന്ന് അ​വ​ൾ​ക്കൊ​പ്പം സ​മ​യം ചി​ല​വ​ഴി​ക്കാ​ൻ ഞാ​ൻ തീ​രു​മാ​നി​ച്ചു. തു​ട​ർ​ന്നു​ള്ള ദീ​ർ​ഘ​കാ​ല​ത്തെ ചി​കി​ത്സ​യ്ക്കു ശേ​ഷം 2016ൽ ​ഡോ​ക്ട​ർ​മാ​ർ അ​റി​യി​ച്ചു ,സ​റി​ന്‍റെ ത​ല​ച്ചോ​റ് മു​ഴു​വ​ൻ ഈ ​രോ​ഗം ബാ​ധി​ച്ചു​വെ​ന്നും മൂന്നു മാ​സം കൂ​ടി മാ​ത്ര​മേ അ​വ​ൾ ജീ​വി​ച്ചി​രി​ക്കു​ക​യു​ള്ളു എ​ന്നും.

ഇ​ത​റി​ഞ്ഞ് ഞാ​ൻ ആ​ദ്യം ത​ക​ർ​ന്നു പോ​യെ​ങ്കി​ലും മ​നഃ​സാ​ന്നി​ധ്യം വീ​ണ്ടെ​ടു​ത്ത് ഇ​നി​യു​ള്ള കാ​ലം സ​റി​ന് ക​ഴി​വ​തും സ​ന്തോ​ഷം പ​ക​ർ​ന്നു ന​ൽ​ക​ണം എ​ന്ന് തീ​രു​മാ​നി​ക്കു​ക​യും ചെ​യ്തു. ഞാ​ൻ അ​വ​ൾ​ക്ക് ഭ​ക്ഷ​ണം ന​ൽ​കി, കു​ളി​പ്പി​ച്ചു, വ​സ്ത്ര​ങ്ങ​ൾ​ൾ മാ​റ്റി. അ​വ​ളെ ശു​ശ്രൂ​ഷി​ക്കു​ന്ന​തി​ൽ യാ​തൊ​രു വി​ട്ടു​വീ​ഴ്ച​യും വ​രു​ത്തി​യു​മി​ല്ല, സ​റി​നെ സ​ന്തോ​ഷ​വ​തി​യാ​ക്കാ​ൻ ഞാ​ൻ എ​ന്നെ​ക്കൊ​ണ്ട് പ​റ്റു​ന്ന​തി​ന്‍റെ പ​ര​മാ​വ​ധി ശ്ര​മി​ക്കു​ക​യും ചെ​യ്യ്തു. എ​ന്നാ​ൽ എ​ന്നെ ത​നി​ച്ചാ​ക്കി 2016 ഡി​സം​ബ​ർ 11ന് ​അ​വ​ൾ മ​ര​ണ​മി​ല്ലാ​ത്ത മ​റ്റൊ​രു ലോ​ക​ത്ത​ക്ക് യാ​ത്ര​യാ​യി.

രോ​ഗാ​വ​സ്ഥ​യി​ലാ​യി​രു​ന്ന സ​മ​യ​ത്ത് അ​സ്വ​സ്ഥ​ത തോ​ന്നു​ന്പോ​ൾ അ​വ​ൾ എ​ന്നെ പ​ര​തി​നോ​ക്കു​മാ​യി​രു​ന്നു. എ​ന്‍റെ സാ​മി​പ്യം അ​വ​ൾ​ക്ക് മു​ഴു​വ​ൻ സ​മ​യ​വും അ​നി​വാ​ര്യ​മാ​യി​രു​ന്നു. എ​ന്നെ ഒ​റ്റ​യ്ക്കാ​ക്കി അ​വ​ൾ പ​റ​ന്ന​ക​ന്ന രാ​ത്രി ഇ​നി​യു​ള്ള ജീ​വി​തം ത​നി​യെ ജീ​വി​ച്ചു തീ​ർ​ക്കാ​ൻ ഞാ​ൻ തീ​രു​മാ​നി​ച്ചു. ഒ​രി​ക്ക​ൽ ഞാ​നും സ​റി​നും തീ​രു​മാ​നി​ച്ചി​രു​ന്നു, മ​ക്ക​ൾ​ക്ക് പ​ക്വ​ത​യാ​യ​തി​നു ശേ​ഷം ഏ​റെ ഇ​ഷ്ട​പ്പെ​ടു​ന്ന ക​ട​ലി​ൽ ജീ​വി​ത​ത്തി​ന്‍റെ ബാ​ക്കി ജീ​വി​ച്ചു തീ​ർ​ക്ക​ണ​മെ​ന്ന്. ക​ഴി​ഞ്ഞ 36 വ​ർ​ഷം സ​റി​നു​മൊ​ത്തു​ള്ള ജീ​വി​ത​ത്തെ കു​റി​ച്ച് ഓ​ർ​ക്കു​ന്പോ​ൾ എ​നി​ക്ക് വി​ഷ​മം തോ​ന്നാ​റു​ണ്ട്.​ അ​വ​ൾ അ​നു​ഭ​വി​ച്ച വേ​ദ​ന​ക​ൾ​ക്ക് യാ​തൊ​രു ഫ​ല​വു​മി​ല്ലാ​തെ​യാ​യി.

ഞ​ങ്ങ​ൾ ഒ​ന്നി​ച്ചു ക​ണ്ട സ്വ​പ്ന​ങ്ങ​ൾ യാ​ഥാ​ർ​ഥ്യ​മാ​കു​ന്ന​തി​ന് അ​വ​ളു​ടെ ഓ​ർ​മ​ക​ളി​ൽ ഞാ​ൻ ഇ​പ്പോ​ൾ ജീ​വി​ക്കു​ക​യാ​ണ്. രോ​ഗ​വും വേ​ദ​ന​യും ഇ​ല്ലാ​ത്ത മ​റ്റൊ​രു ലോ​ക​ത്തി​രു​ന്ന് എ​ന്‍റെ നേ​ർ​ക്ക് നോ​ക്കി ചി​രി​ക്കു​ക​യാ​ണ് അ​വ​ൾ.