"ലക്കിനു' വേണ്ടി ലക്കി എയർ വിമാനത്തിന്‍റെ എൻജിനിൽ നാണയമെറിഞ്ഞു; ആപ്പിലായി മുത്തശ്ശി

Sunday, October 22, 2017 12:04 AM IST

"സുരക്ഷിതയാത്രയ്ക്കായി' വിമാനത്തിന്‍റെ എൻജിനിൽ നാണയമെറിഞ്ഞ വൃദ്ധ ആപ്പിലായി. ചൈനയിലെ അൻഹുയി പ്രവശ്യയിലുള്ള ആൻക്വിംഗ് നഗരത്തിലെ വിമാനത്താവളത്തിൽ ലക്കി എയർ ജെറ്റിനുള്ളിൽ വെച്ചാണ് നാടകീയമായ സംഭവങ്ങൾ അരങ്ങേറിയത്.

ആൻക്വിംഗിൽ നിന്നും യാത്രക്കാരുമായി കുണ്‍മിംഗിലേക്ക് പറന്നുയർന്ന വിമാനത്തിനുള്ളിൽ വച്ച് എഴുപത്തിയാറുകാരി എഞ്ചിനുള്ളിലേക്ക് നാണയത്തുട്ട് എറിയുകയായിരുന്നു. ഇത് കണ്ട സഹയാത്രികർ സംഭവം ഉടൻ തന്നെ അധികൃതരുടെ ശ്രദ്ധയിൽപെടുത്തുകയായിരുന്നു.

ഉടൻ തന്നെ വിമാനം നിലത്തിറക്കിയ അധികൃതർ വൃദ്ധയെ കസ്റ്റഡിയിലെടുക്കുകയും ചെയ്തു. തുടർന്ന് നടത്തിയ പരശോധനയിൽ ഈ നാണയം റണ്‍വേയിൽ നിന്നും കണ്ടെത്തി. ഇവർക്കെതിരെ എന്തെങ്കിലും നിയമ നടപടി സ്വീകരിച്ചിട്ടുണ്ടോയെന്ന് വ്യക്തമല്ല.

ഹയ്നാൻ എയർലൈൻസ് ഗ്രൂപ്പിന്‍റെ അധീനതയിലാണ് ലക്കി എയർലൈൻസ് പ്രവർത്തിക്കുന്നത്. ഇതിനു മുന്പും സമാനമായ സംഭവം നടന്നിട്ടുണ്ട്. കഴിഞ്ഞ ജൂണിൽ ചൈനയിലെ ഷാംഗ്ഹായിയിലുള്ള പുഡോംഗ് ഇന്‍റർനാഷണൽ എയർപോർട്ടിൽ വെച്ച് സതേണ്‍ എയർലൈൻസ് വിമാനത്തിന്‍റെ എഞ്ചിനുള്ളിലേക്ക് എണ്‍പതു വയസുകാരിയായ ഒരു സ്ത്രീ ഒന്പത് നാണയത്തുട്ടുകളാണ് എറിഞ്ഞത്. കസ്റ്റഡിയിലെടുത്ത ഇവരെ പ്രായത്തെ മാനിച്ച് വെറുതെ വിടുകയായിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.