ട്രെയിൻ യാത്രികന്‍റെ കൂർക്കം വലി: കലിപൂണ്ട് സഹയാത്രികർ

Thursday, February 15, 2018 12:16 PM IST

ട്രെയിൻ യാത്രക്കിടെ അമിത ശബ്ദത്തിൽ കൂർക്കം വലിച്ചുറങ്ങി മറ്റുള്ളവർക്ക് ശല്യമായിമാറിയ ആളെ ഉറങ്ങാൻ സഹയാത്രികർ അനുവദിച്ചില്ല. കഴിഞ്ഞ ദിവസം എൽ.ടി.ടി ധർബംഗാ പവൻ എക്സ്പ്രസിലെ തേഡ് ഏസിയിലാണ് സംഭവമുണ്ടായത്. രാത്രിയിൽ ട്രെയിനിനുള്ളിൽ ഉറങ്ങാൻ കിടന്നവർ സഹയാത്രികനായ രാമചന്ദ്രയുടെ കൂർക്കം വലികേട്ടാണ് ഞെട്ടി എഴുന്നേറ്റത്. ഏറെ ക്ഷമയോടെ ഉറങ്ങാൻ ഇവർ ശ്രമിച്ചെങ്കിലും ഇദ്ദേഹത്തിന്‍റെ കൂർക്കം വലിയുടെ ശബ്ദം അസഹനീയമാകുകയായിരുന്നു.

രാമചന്ദ്രയെ ഉറക്കത്തിൽ നിന്നും വിളിച്ചെഴുന്നേൽപ്പിച്ച് അദ്ദേഹത്തിന്‍റെ കൂർക്കം വലിയുടെ കാര്യം പറഞ്ഞ സഹയാത്രികർ ഇനി ഉറങ്ങരുതെന്നും നിങ്ങൾ ഉറങ്ങിയാൽ ബാക്കിയുള്ളവരുടെ ഉറക്കം നഷ്ടമാകുമെന്നും പറയുകയായിരുന്നു. പക്ഷെ യാത്രക്കാർ തമ്മിലുള്ള വാക്കു തർക്കമായിരുന്നു ഫലം.

സംഭവം അറിഞ്ഞെത്തിയ ചീഫ് ടിക്കറ്റ് ഇൻസ്പെക്ടർ ഗണേഷ് എസ്.വിർഹ സഹയാത്രികരുടെ പെരുമാറ്റത്തിൽ പരാതിയുണ്ടോയെന്ന് രമചന്ദ്രയോട് ആരാഞ്ഞെങ്കിലും ഇല്ലെന്ന് അദ്ദേഹം പറഞ്ഞു. ട്രെയിൻ ജബൽപൂരിലെത്തിയപ്പോഴാണ് സംഭവം നടന്നത്. തുടർന്ന് സംഭവത്തിന്‍റെ ഗൗരവം മനസിലാക്കിയ രാമചന്ദ്ര ഉറങ്ങാതിരിക്കാൻ തീരുമാനിക്കുകയായിരുന്നു.

ട്രെയിനിൽ യാത്രികരുടെ കൂർക്കം വലി കാരണം ധാരാളം പ്രശ്നങ്ങളുണ്ടാകാറുണ്ടെന്ന് അധികൃതർ വ്യക്തമാക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.