ഓ​ർ​മ​ക​ളോ​ട് കൂ​ട്ടുകൂ​ടി ജൂ​ണ്‍
Friday, February 15, 2019 7:23 PM IST
ഇ​ത്ത​വ​ണ ഫെ​ബ്രു​വ​രി​യി​ൽ ജൂ​ണ്‍ ക​ട​ന്നെ​ത്തി. അ​തി​ന് പ്ര​ധാ​ന കാ​ര​ണ​ക്കാ​ർ ഫ്രൈ​ഡേ ഫി​ലിം​സും ര​ജി​ഷ വി​ജ​യ​നും പി​ന്നെ കു​റെ പു​തു​മു​ഖ​ങ്ങ​ളു​മാ​ണ്. അ​വ​ർ പ്രേ​ക്ഷ​ക​ർ​ക്ക് സ​മ്മാ​നി​ക്കു​ന്ന​ത് ഒ​രു കി​ടു​ക്ക​ൻ പ്ല​സ്ടു കാ​ല​മാ​ണ്. അ​ഹ​മ്മ​ദ് ക​ബീ​റെ​ന്ന പു​തു​മു​ഖ സം​വി​ധാ​യ​ക​ന്‍റെ ച​ങ്കി​ടി​പ്പി​ന്‍റെ ശ​ബ്ദം ജൂ​ണി​ൽ വ്യ​ക്ത​മാ​യി കേ​ൾ​ക്കാ​ൻ സാ​ധി​ക്കും. തു​ട​ക്ക​ത്തി​ൽ ഒ​ന്നു പ​ത​റി, പി​ന്നെ പി​ടി​ച്ചുനി​ന്ന്, ഇ​ട​യ്ക്കൊ​ന്നു കു​ത​റി, ത​പ്പി​ത​ട​ഞ്ഞ് എ​ഴു​ന്നേ​റ്റ് അ​വ​സാ​നം നൊ​സ്റ്റാ​ൾജി​യ​യു​ടെ ലോ​ക​ത്തേ​ക്ക് എ​ല്ലാ​വ​രേ​യും അ​ങ്ങ് ത​ള്ളി​യി​ടും. പി​ന്നെ അ​വി​ടെ നി​ന്ന് എ​ഴു​ന്നേ​റ്റു പോ​ര​ണ​മെ​ങ്കി​ൽ ഇ​ത്തി​രി പാ​ടാ​ണ്. കാ​ര​ണം ഓ​ർ​മ​ക​ൾ മ​ന​സി​നെ തി​രി​ച്ചു​വ​ലി​ച്ചുകൊ​ണ്ടേ​യി​രി​ക്കും.

അ​തെ, പ്ല​സ്ടു​ കാ​ലം ന​ന്നാ​യി ആ​സ്വ​ദി​ച്ച​വ​ർ​ക്കും ആ​സ്വ​ദി​ക്കാ​ത്ത​വ​ർ​ക്കും ഇ​പ്പോ​ൾ ആ​സ്വ​ദി​ച്ചോ​ണ്ടി​രി​ക്കു​ന്ന​വ​ർ​ക്കും ഈ ​ജൂ​ണ്‍ സു​ഖ​മു​ള്ള, ന​ന​വു​ള്ള നി​മി​ഷ​ങ്ങ​ൾ സ​മ്മാ​നി​ക്കു​മെ​ന്നു​റ​പ്പ്. ര​ജി​ഷ വി​ജ​യ​ൻ ത​ന്നാ​ൽ ക​ഴി​യുംവി​ധം പെ​ണ്‍​കു​ട്ടി​ക​ളു​ടെ മ​ന​സി​ലി​രിപ്പു​ക​ളെ ത​ന്‍റെ കൂ​ട്ടു​കാ​രി​ക​ളോ​ടൊ​ത്ത് കാ​ട്ടി​ത്ത​രാ​ൻ ശ്ര​മി​ച്ചി​ട്ടു​ണ്ട്. ചെ​ക്കന്മാരേ നി​ങ്ങ​ൾ​ക്ക് മാ​ത്ര​മ​ല്ല, ചു​ള്ള​ത്തി​ക​ളാ​യ പെ​ണ്‍​കു​ട്ടി​ക​ൾ​ക്കും ഉ​ണ്ടെ​ന്നേ ആ​ഗ്ര​ഹ​ങ്ങ​ളും സ്വ​പ്ന​ങ്ങ​ളു​മെ​ല്ലാം..! ജൂ​ണ്‍ അ​ത് അ​ക്ക​മി​ട്ടു പ​റ​ഞ്ഞു.... പി​ന്നെ ചെ​യ്യാ​നു​ള്ള​ത് ചി​ല​തെ​ല്ലാം ചെ​യ്ത്... ജീ​വി​തം ക​ള​ർ​ഫു​ള്ളാ​ക്കു​ന്ന​തെ​ങ്ങ​നെ​യാ​ണെ​ന്ന് കാ​ണി​ച്ചു ത​രിക​യാ​ണ്.



സം​ഗീ​തം പെ​യ്തി​റ​ങ്ങി

ക​ഥ​യ്ക്ക് താ​ങ്ങാ​യി ഒ​രു സം​ഗീ​തം. ജൂ​ണി​ൽ ഒ​ഴു​കി​യി​റ​ങ്ങു​ന്ന സം​ഗീ​ത​ത്തെ അ​ങ്ങ​നെ മാ​ത്ര​മേ വി​ശേ​ഷി​പ്പി​ക്കാ​ൻ പ​റ്റൂ. എ​ത്ര​യോ ഇ​ട​ങ്ങ​ളി​ൽ ഇ​ഴ​ഞ്ഞുനീ​ങ്ങി തു​ട​ങ്ങി​യ ക​ഥാ​ഗ​തി​യെ സം​ഗീ​തം നൈ​സാ​യി​ട്ടെ​ത്തി ര​ക്ഷ​പ്പെ​ടു​ത്തി. ഇ​ഫ്തി​യെ​ന്ന പു​തു​മു​ഖ സം​ഗീ​ത സം​വി​ധാ​യ​ക​ന്‍റെ പു​തു​മ​യാ​ർ​ന്ന സം​ഗീ​ത വ​ഴി ത​ന്നെ​യാ​ണ് ജൂ​ണി​ന്‍റെ നെ​ടും​തൂ​ണ്‍. ജൂ​ണ്‍ (​ര​ജി​ഷ വി​ജ​യ​ൻ) ​എ​ന്ന പെ​ണ്‍​കു​ട്ടി​യു​ടെ പ്ല​സ്ടു കാ​ലം തൊ​ട്ട് ക​ല്യാ​ണം വ​രെ​യു​ള്ള യാ​ത്ര​യാ​ണ് സി​നി​മ​യി​ൽ കാ​ണാ​ൻ ക​ഴി​യു​ക.

ചു​മ്മാ ഒ​രു പ്ല​സ്ടു കാ​ലം കാ​ണി​ച്ചു പോ​കു​ക​യ​ല്ല മ​റി​ച്ച്, ആ ​കാ​ല​യ​ള​വി​ലെ പെ​ണ്‍​മ​ന​സു​ക​ളെ അ​തേപ​ടി സ്ക്രീ​നി​ലേ​ക്ക് പ​ക​ർ​ത്തു​ക​യാ​ണ് സം​വി​ധാ​യ​ക​ൻ ജൂ​ണി​ലൂ​ടെ. ആ​ണ്‍​കു​ട്ടി​ക​ൾ മാ​ത്ര​മ​ല്ല ന​ല്ല ഒ​ന്നാ​ന്ത​ര​മാ​യി പെ​ണ്‍​കു​ട്ടി​ക​ളും വാ​യി​നോ​ക്കു​മെ​ന്ന് ര​ജി​ഷ വി​ജ​യ​നി​ലൂ​ടെ സം​വി​ധാ​യ​ക​ൻ ഇ​വി​ടെ കാ​ട്ടി​ത്ത​രു​ക​യാ​ണ്.



സൗ​ഹൃ​ദ​വും പ്ര​ണ​യ​വും

എ​ത്ര​യോ​വ​ട്ടം സി​നി​മ​യി​ൽ ക​യ​റിക്കൂടി​യ വി​ഷ​യ​ങ്ങ​ളാ​ണ് സൗ​ഹൃ​ദ​വും പ്ര​ണ​യ​വും. പ​ക്ഷേ ഇ​വി​ടെ അ​ത് പെ​ണ്ണി​ന്‍റെ ക​ണ്ണി​ലൂ​ടെ നോ​ക്കിക്കാണു​ന്പോ​ൾ എ​ന്തോ ഒ​രു പു​തു​മ. നോ​യ​ലും (​സ​ർ​ജനോ ഖാ​ലി​ദ്) ജൂ​ണും ത​മ്മി​ലു​ള്ള കെ​മി​സ്ട്രി ഒ​ന്നാ​ന്ത​ര​മാ​യി പു​റ​ത്തേ​ക്ക് ഇ​ങ്ങ​നെ ഇ​റ​ങ്ങി വ​രു​ന്പോ​ൾ ആ​രാ​യാ​ലും ഒ​ന്ന് പ്ല​സ്ടു​കാ​ല​ത്തി​ലേ​ക്ക് ഓ​ർ​മ​ക​ളെ പ​റ​ഞ്ഞ​യ​ക്കും. കി​ടി​ല​നാ​യി ഡാ​ൻ​സ് ചെ​യ്യു​ന്ന അ​സു​ര​ക്കൂ​ട്ട​വും അ​വ​ർ​ക്ക് ചേ​ർ​ന്നി​ണ​ങ്ങി​യ മാ​യ മി​സും പി​ന്നെ മൊ​ട്ട​ച്ചി​യു​മെ​ല്ലാം സൗ​ഹൃ​ദ ദി​ന​ങ്ങ​ളി​ലേ​ക്ക് നി​ങ്ങ​ളെ കൂ​ട്ടി​ക്കൊ​ണ്ടു പോ​കു​മെ​ന്നു​റ​പ്പ്.

ര​ജി​ഷ വ​ണ്ണം കു​റ​ച്ചും പ​ല്ലേ​ൽ ക​ന്പി​യി​ട്ടു​മെ​ല്ലാം ജൂ​ണാ​യി മാ​റി​യ​പ്പോ​ൾ കൗ​മാ​ര​ക്കാ​രി​ലെ കു​സൃ​തി​ത്ത​ര​ങ്ങ​ളും പൊ​ട്ട​ത്ത​ര​ങ്ങ​ളു​മെ​ല്ലാം താ​നെ അ​ങ്ങ് വ​രികയായി​രു​ന്നു. ജീ​വി​ച്ചു കാ​ണി​ക്കുംപോ​ലെ. ആ​ദ്യപ​കു​തി​യി​ൽ ജൂ​ണി​ന്‍റെ പ്ല​സ്ടു കാ​ലം പ​തി​യെ ക​ട​ന്നുപോ​യ​പ്പോ​ൾ പ്ര​ണ​യ​വും സൗ​ഹൃ​വു​മെ​ല്ലാം എ​ങ്ങും പോ​കാ​തെ അ​വി​ടെ ത​ങ്ങിനി​ന്നു.



യൗ​വ​നം തീ​രു​മാ​ന​ങ്ങ​ളു​ടെ കാ​ല​മാ​ണ്...

സ്വ​ന്ത​മാ​യി എ​ന്തെ​ങ്കി​ലു​മെ​ല്ലാം ചെ​യ്യാ​ൻ യൗ​വ​ന​കാ​ല​ത്ത് ആ​വേ​ശം കൂ​ടു​ത​ലാ​യി​രി​ക്കും. ഇ​വി​ടെ ജൂ​ണും ത​ന്‍റെ തീ​രു​മാ​ന​ങ്ങ​ളും സ്വ​പ്ന​ങ്ങ​ളു​മെ​ല്ലാ​മാ​യി മും​ബൈ​യ്ക്ക് വ​ണ്ടി ക​യ​റു​ക​യാ​ണ്. ജോ​ലി​യാ​യി, ഇ​നി പ്ര​ണ​യ​ത്തി​ന് ഇ​ത്തി​രി ബ​ലം ന​ൽ​കാം എ​ന്നെ​ല്ലാം തീ​രു​മാ​നി​ക്കു​ന്നു​ണ്ടെ​ങ്കി​ലും വി​ധി പ​ല​രേ​യും പ​ല വ​ഴി​യേ​യാ​ണ് ന​ട​ത്തി​ക്കു​ന്ന​ത്. ഇ​ത്തി​രി സെ​ന്‍റി​യും പി​ന്നെ ഒ​രു ന​ഷ്ട​പ്ര​ണ​യ​വു​മെ​ല്ലാം ഇ​ല്ലാ​തെ എ​ന്തോ​ന്ന് ജീ​വി​തം.

16 വ​യ​സി​ൽ നി​ന്ന് 21ന്‍റെ പ​ടി ക​ട​ക്കു​ന്ന​തോ​ടെ ആ​വ​ശ്യ​ത്തി​ന് പ​ക്വ​ത​യും സം​ഗ​തി​ക​ളു​മെ​ല്ലാം ജൂ​ണി​നും കൈ​വ​രു​ന്നു​ണ്ട്. ര​ജി​ഷ അ​ത്ത​രം മാ​റ്റ​ങ്ങ​ളെ ന​ന്നാ​യി കൈ​കാ​ര്യം ചെ​യ്തി​ട്ടു​മു​ണ്ട്. മു​ബൈ​യി​ലെ പ​ല സ്ഥ​ല​ങ്ങ​ളും കാ​മ​റാ​മാ​ൻ ജി​തി​ൻ സ്റ്റാ​ൻ​സ് ഭം​ഗി​യാ​യി ഒ​പ്പി​യെ​ടു​ത്ത് ജൂ​ണി​ന്‍റെ ഭം​ഗി കൂ​ട്ടി​യി​ട്ടു​ണ്ട്.



അ​ച്ഛ​ൻ-മ​ക​ൾ ബ​ന്ധം

ജോ​ജു ജോ​ർ​ജ് ജൂ​ണി​ന്‍റെ അ​ച്ഛ​നാ​യി എ​ത്തി ന​ന്നാ​യി ര​സി​പ്പി​ക്കു​ന്ന​തി​നൊ​പ്പം അ​ച്ഛ​ൻ മ​ക​ൾ ബ​ന്ധം എ​ങ്ങ​നെ​യാ​യി​രി​ക്ക​ണ​മെ​ന്നും കാ​ട്ടി​ത്ത​രു​ന്നു​ണ്ട്. അ​ർ​ജു​ൻ അ​ശോ​ക് ചു​ള്ള​ൻ കാ​മു​ക​നാ​യി എ​ത്തി ര​ണ്ടാം പ​കു​തി​യി​ൽ വ​ഴി​തെ​റ്റി പോ​കു​മെ​ന്ന് തോ​ന്നി​ച്ച ക​ഥ​യെ തി​രി​കെപ്പിടി​ച്ച് കൊ​ണ്ടു​വ​രു​ന്നു​ണ്ട്. ഒ​ടു​വി​ൽ നൊ​സ്റ്റാൾജി​യ​ക​ളെ ത​ട്ടി ഉ​ണ​ർ​ത്തി​യു​ള്ള ജൂ​ണി​ന്‍റെ ക​ല്യാ​ണ റി​സ​പ്ഷ​ൻ അ​തു​വ​രെ​യു​ള്ള ചി​ത്ര​ത്തി​ന്‍റെ മൂ​ഡ് മൊ​ത്ത​ത്തി​ൽ മാ​റ്റു​ന്നു​ണ്ട്. ചെ​റി​യ വ​ലി​യ പി​ണ​ക്ക​ങ്ങ​ൾ അ​ലി​ഞ്ഞ് ഇ​ല്ലാ​താ​കു​ന്ന​തു​മെ​ല്ലാം കാ​ണു​ന്പോ​ൾ മ​റ്റേ സം​ഭ​വം മ​ന​സി​ലേ​ക്ക് ക​ട​ന്നു വ​രും. ഏ​തെ​ന്നല്ലേ...‍? ഇ​പ്പോ​ഴ​ത്തെ ട്രെ​ൻ​ഡി​ല്ലേ, ന​മ്മു​ടെ ഫീ​ൽ ഗു​ഡ്..!

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.