Cinema
പാ​ളം തെ​റ്റാ​ത്ത തീ​വ​ണ്ടി
Friday, September 7, 2018 5:45 PM IST
വൈ​കി എ​ത്തി​യ തീ​വ​ണ്ടി​യി​ലെ സി​ഗ​ര​റ്റു​ക​ൾ ഓ​രോ​ന്നാ​യി ക​ത്തി​ച്ചു വ​ലി​ച്ച് ആ​സ്വ​ദി​ച്ച് പു​റ​ത്തേ​ക്ക് വി​ടു​ന്പോ​ൾ പൊ​ങ്ങി ഉ​യ​ർ​ന്ന പുകച്ചുരു​ളു​ക​ൾ​ക്കു​ള്ളി​ൽ നി​റ​യെ ജീ​വി​ത​ങ്ങ​ൾ കാ​ണാ​മാ​യി​രു​ന്നു. ചു​മ്മാ ഒ​രു ര​സ​ത്തി​നാ​യി ക​ത്തി​ച്ച് പി​ന്നീ​ട് അ​ത് ജീ​വി​ത​ത്തി​ന്‍റെ ഭാ​ഗ​മാ​യി മാ​റു​ന്പോ​ൾ ഒ​രാ​ൾ കൂ​ടി കൂ​ടെക്കൂടു​ന്ന കാ​ര്യം മ​റ​ക്കും. ആ ​മ​റ​വി​യെ ഓ​ർ​മ​യു​ടെ മ​ണ്ഡ​ല​ത്തി​ലേ​ക്ക് ക​യ​റ്റിവി​ടാ​നാ​ണ് ന​വാ​ഗ​ത സം​വി​ധാ​യ​ക​ൻ ഫെ​ല്ലി​നി ടി.​പി തീ​വ​ണ്ടി​യി​ലൂ​ടെ ശ്ര​മി​ച്ചി​രി​ക്കു​ന്ന​ത്.

തീ​വ​ണ്ടി ഒ​രി​ക്ക​ലും പു​ക​വ​ലി​യെ പ്രോ​ത്സാ​ഹി​പ്പി​ക്കു​ന്ന ചി​ത്ര​മ​ല്ല, മ​റി​ച്ച് പു​ക​വ​ലി​യെ​ന്ന വി​പ​ത്തി​നെ ജീ​വി​ത​ത്തി​ൽ നി​ന്നും പു​ക​ച്ചു പു​റ​ത്തു ചാ​ടി​ക്കാ​നു​ള്ള വി​ദ്യ​യാ​ണ് കാ​ണി​ച്ചു ത​രു​ന്ന​ത്. ഈ ​ഒ​രു വി​ഷ​യം ഇ​തെ ആ​വി​ഷ്ക​ര​ണ ശൈ​ലി​യി​ൽ ഒ​രു വ​ർ​ഷം ക​ഴി​ഞ്ഞ് റി​ലീ​സ് ചെ​യ്താ​ലും പ്രേ​ക്ഷ​ക​ർ ഇ​രു​കൈ​യും നീ​ട്ടി സ്വീ​ക​രി​ക്കും. അ​ത്ര​മേ​ൽ ജീ​വി​ത​വു​മാ​യി ചേ​ർ​ന്നുനി​ൽ​ക്കു​ന്ന വി​ഷ​യ​മാ​ണ് സം​വി​ധാ​യ​ക​ൻ വ​ള​രെ സുന്ദരമായി ഇ​വി​ടെ കൈ​കാ​ര്യം ചെ​യ്തി​രി​ക്കു​ന്ന​ത്.



പു​ക​വ​ലി ആ​രോ​ഗ്യ​ത്തി​ന് ഹാ​നി​ക​രം

ഏ​റ്റ​വും കൂ​ടു​ത​ൽ തവണ "മ​ദ്യ​പാ​ന​വും പു​ക​വ​ലിയും ​ആ​രോ​ഗ്യ​ത്തി​ന് ഹാ​നി​ക​രം’ എന്ന മു​ന്ന​റി​യി​പ്പ് എ​ഴു​തിക്കാണി​ച്ച ചി​ത്രം ഏ​തെ​ന്നു ചോ​ദ്യ​ത്തി​ന് ഇ​നി​യ​ങ്ങോ​ട്ട് ഒ​റ്റ ഉ​ത്ത​ര​മേ കാ​ണു​കയുള്ളൂ - തീ​വ​ണ്ടി. എ​ത്ര ത​വ​ണ ഈ ​മു​ന്ന​റി​യി​പ്പ് സ്ക്രീ​നി​ൽ പ്ര​ത്യ​ക്ഷ​പ്പെ​ട്ടി​ട്ടു​ണ്ടെ​ന്ന് എ​ണ്ണിത്തിട്ട​പ്പെ​ടു​ത്താ​ൻ ക​ഴി​യി​ല്ല.

സി​ഗ​ര​റ്റ് ഒ​രാ​ൾ​ക്ക് ജീ​വ​ൻ കൊ​ടു​ക്കു​ന്ന കാ​ഴ്ച കാ​ട്ടി​ക്കൊ​ണ്ടാ​ണ് ചി​ത്ര​ത്തി​ന്‍റെ തു​ട​ക്കം. പി​ന്നീ​ടങ്ങോ​ട്ട് കാ​ണാ​ൻ ക​ഴി​യു​ക പ​ല​വ​ഴി​യെ പു​ക​ച്ചു​രു​ൾ മി​ന്നി​മ​റ​യു​ന്ന​താ​ണ്. നി​രീ​ക്ഷ​ണ പാ​ട​വം ഉണ്ടായതുകൊ​ണ്ടു ത​ന്നെ പ​ല​രും സി​ഗ​ര​റ്റ് വ​ലി തു​ട​ങ്ങാ​ൻ കാ​ര​ണ​ക്കാ​രാ​യ ചി​ല നി​മി​ത്ത​ങ്ങ​ളെ സം​വി​ധാ​യ​ക​ൻ ചി​ത്ര​ത്തി​ൽ കൃ​ത്യ​മാ​യി അ​ട​യാ​ള​പ്പെ​ടു​ത്തി​യി​ടു​ന്നു​ണ്ട്.

സാ​ങ്ക​ൽ​പ്പി​ക ഗ്രാ​മ​ത്തി​ലെ നാ​യ​ക​ൻ ബി​നീ​ഷേ (​ടോ​വി​നോ തോ​മ​സ്), താ​ങ്ക​ൾ സൂ​പ്പ​റാ​ണ്. ഈ ​സി​നി​മ​യ്ക്കാ​യി വ​ലി​ച്ചുകൂ​ട്ടി​യ സി​ഗ​ര​റ്റു​ക​ൾ ഒ​രി​ക്ക​ലും പാ​ഴാ​യി​ട്ടി​ല്ല കേ​ട്ടോ. അ​തി​ന്‍റെ ന​ല്ല ഗു​ണ​ങ്ങ​ൾ പ്രേ​ക്ഷ​ക​ർ​ക്ക് പ​തി​യെ മ​ന​സി​ലാ​യിത്തുട​ങ്ങി​യി​ട്ടു​ണ്ട്.



സി​ഗ​ര​റ്റി​നെ ചും​ബി​ക്കാ​ൻ മോ​ഹ​മു​ണ്ടോ...

"അ​വ​ൻ സ്വ​യം വ​രു​ത്തി വച്ച​ത​ല്ലേ... അനുഭവിക്കട്ടെ...’ സി​ഗ​ര​റ്റ് വ​ലി​ക്ക​ണ​മെ​ന്ന് ആ​ഗ്ര​ഹ​മു​ള്ള​വ​ർ ഈ ​പ്ര​ശ​സ്ത​മാ​യ ഡ​യ​ലോ​ഗ് പ​ല​കു​റി മ​ന​സി​ലി​ട്ട് പ​റ​ഞ്ഞു കൊ​ണ്ടേ​യി​രി​ക്കു​ക. അ​തോ​ടെ ആ ​മോ​ഹം സ്വ​യം അ​ങ്ങ് ഇ​ല്ലാ​ണ്ടാ​യിക്കോളും. ബിനീ​ഷ് ദാ​മോ​ദ​ർ പു​ക​വ​ലി തു​ട​ങ്ങു​ന്ന​ത് എ​ങ്ങ​നെ...‍? അ​തി​ന് അ​ടി​മ​യാ​കു​ന്ന​തെ​ങ്ങ​നെ...? അ​ത് അ​വ​ന്‍റെ ജീ​വി​ത​ത്തെ എ​ങ്ങ​നെ​യെ​ല്ലാം മാ​റ്റി മ​റ​യ്ക്കു​ന്നു...? ഈ ​കാ​ഴ്ച​ക​ളാ​ണ് ആ​ദ്യപ​കു​തി​യി​ൽ തീ​വ​ണ്ടി​യി​ൽ കാ​ണാ​ൻ ക​ഴി​യു​ക.

സി​ഗ​ര​റ്റ് വ​ലി​ക്കാ​ര​ന്‍റെ മാ​ന​റി​സ​ങ്ങ​ളെ അ​ണു​വി​ട തെ​റ്റാ​തെ ടോവി​നോ പ​ക​ർ​ത്തി​യെ​ടു​ത്ത​ത് എ​ങ്ങ​നെ​യെ​ന്ന് ആ​രുമൊന്ന് അ​തി​ശ​യി​ക്കും. തൊ​ഴി​ൽ​ ര​ഹി​ത​നാ​യ നാ​യ​ക​ന്‍റെ സി​ഗ​ര​റ്റ് വ​ലി​യോ​ടു​ള്ള അ​ഭി​നി​വേ​ശം കാ​ര​ണം നാ​ട്ടു​കാ​ർ ഇ​ട്ടു​കൊ​ടു​ത്ത പേ​രാ​ണ് തീ​വ​ണ്ടി. ആ ​തീ​വ​ണ്ടി​യു​ടെ ജീ​വി​ത​മാ​ണ് സംവിധായകൻ പ​ക​ർ​ത്തിവച്ചി​രി​ക്കു​ന്ന​ത്. ന​മ്മു​ടെ ചു​റ്റു​പാ​ടും ഇ​ത്ത​ര​ത്തി​ലു​ള്ള നി​ര​വ​ധി​പേ​ർ കാ​ണു​മെ​ന്ന കാ​ര്യ​ത്തി​ൽ ത​ർ​ക്ക​മി​ല്ല. അ​വ​രു​ടെ പ്ര​തി​നി​ധി​യാ​യാ​ണ് ടോ​വി​നോ ചി​ത്ര​ത്തി​ലെ​ത്തു​ന്ന​ത്.



പു​ക​വ​ലി​ക്കാ​ത്ത ഉ​മ്മ​യും പു​ക​വ​ലി​ക്കു​ന്ന ഉ​മ്മ​യും

ഉ​മ്മ​യും പു​ക​വ​ലി​യും ത​മ്മി​ൽ എ​ന്തു​ ബ​ന്ധ​മാ​ണെ​ന്ന​ല്ലേ... ഒ​ന്നൊ​ന്ന​ര ബ​ന്ധമു​ണ്ടെ​ന്ന് തീ​വ​ണ്ടി ക​ണ്ടി​റ​ങ്ങു​ന്പോ​ൾ മ​ന​സി​ലാ​കും. നാ​യ​ക​ന്‍റെ പു​ക​വ​ലി ശീ​ലം നി​ർ​ത്താ​ൻ പ​ല​പ്പോ​ഴാ​യി ശ്ര​മി​ച്ച് പ​രാ​ജ​യ​പ്പെ​ട്ട നാ​യി​ക​യെ ചി​ത്ര​ത്തി​ൽ കാ​ണാ​നാ​വും. പു​തു​മു​ഖം സം​യു​ക്ത മേ​നോ​നാ​ണ് ചി​ത്ര​ത്തി​ലെ നാ​യി​ക.

ചു​മ്മാ ഒ​രു നാ​യി​ക എ​ന്ന​തി​ന​പ്പു​റ​ത്ത് തു​ട​ക്കക്കാരി​യു​ടെ ഒ​രു പ​ത​ർ​ച്ച​യും കാ​ട്ടാ​തെ സം​യു​ക്ത ചി​ത്ര​ത്തി​ൽ നി​റ​ഞ്ഞു നി​ൽ​ക്കു​ന്നു​ണ്ട്. മ​രംക​യ​റി നാ​യി​ക​യെ ക​ണ്ടു മ​ടു​ത്ത പ്രേ​ക്ഷ​ക​ർ​ക്ക് മു​ന്നി​ൽ ഏ​ണിക​യ​റി നാ​യി​ക​യെ പ​രി​ച​യ​പ്പെ​ടു​ത്തു​ന്നു​ണ്ട് സം​വി​ധാ​യ​ക​ൻ ചി​ത്ര​ത്തി​ൽ. പി​ന്നെ ഉ​മ്മ​യു​ടെ ഗു​ട്ട​ൻ​സും നാ​യി​ക​യും ത​മ്മി​ൽ അ​ഭേ​ദ്യ​മാ​യ ബ​ന്ധ​മു​ള്ള​തി​നാ​ൽ കൂ​ടു​ത​ലൊ​ന്നും പ​റ​യു​ന്നി​ല്ല.



പു​ക​വ​ലി​ക്കു​മു​ണ്ട് രാ​ഷ്‌ട്രീ​യം

സു​രാ​ജ് വെ​ഞ്ഞാ​റ​മൂ​ടും സൈ​ജു കു​റു​പ്പും സു​ര​ഭി ല​ക്ഷ്മി​യും ഷ​മ്മി തി​ല​ക​നു​മെ​ല്ലാം രാ​ഷ്‌ട്രീ​യ പ്ര​വ​ർ​ത്ത​ക​രു​ടെ കു​പ്പാ​യ​മി​ടു​ന്ന ചി​ത്ര​ത്തി​ൽ ആ​ക്ഷേ​പ ഹാ​സ്യ​ത്തി​ന് ഒ​രു പ​ഞ്ഞ​വു​മി​ല്ല. ഇ​ന്ന​ത്തെ രാ​ഷ്‌ട്രീ​യ സാ​ഹ​ച​ര്യ​ത്തെ ക​ണ​ക്കി​ന് പ​രി​ഹ​സി​ക്കാ​ൻ സം​വി​ധാ​യ​ക​ൻ ഒ​രു മ​ടി​യും കാ​ട്ടി​യി​ട്ടി​ല്ല.

തീ​വ​ണ്ടി​യി​ൽ തെ​ളി​യു​ന്ന ഓ​രോ രാ​ഷ്‌ട്രീ​യ കാ​ഴ്ച​ക​ളും ഇ​ന്ന​ത്തെ രാഷ്‌ട്രീയക്കാർക്കുള്ള ഒ​ന്നൊ​ന്ന​ര കൊ​ട്ടാ​ണ്. നാ​യ​ക​ന്‍റെ അ​മ്മാ​വ​നാ​യി എ​ത്തി സു​ധീ​ഷ് കൈ​യ​ട​ക്ക​മു​ള്ള പ്ര​ക​ട​ന​മാ​ണ് ചി​ത്ര​ത്തി​ൽ കാ​ഴ്ച​വച്ചി​രി​ക്കു​ന്ന​ത്. ഒ​രേ ഫോ​ർ​മാ​റ്റി​ലു​ള്ള വേ​ഷ​ങ്ങ​ളി​ൽ നി​ന്ന് മോ​ച​നം ന​ൽ​കി​യി​രി​ക്കു​ക​യാ​ണ് സു​ധീ​ഷി​ന് തീ​വ​ണ്ടി​യി​ലൂ​ടെ.



കൂ​കിപ്പായും സം​ഗീ​തം

കൈ​ലാ​സ് മേ​നോ​ൻ ഒ​രു​ക്കി​യ സം​ഗീ​ത​ത്തി​ന്‍റെ സു​ഗമ​മാ​യ ട്രാ​ക്കി​ലൂ​ടെ​യാ​ണ് തീ​വ​ണ്ടി ഓ​ടിപ്പോകു​ന്ന​ത്. പാ​ട്ടു​ക​ൾ തീ​വ​ണ്ടി​യു​ടെ വേ​ഗം കൂ​ട്ടി​യ​പ്പോ​ൾ സി​ഗ്ന​ലു​ക​ളെ​ല്ലാം കി​റു​കൃ​ത്യ​മാ​ക്കിക്കൊ​ണ്ട് ഗൗ​തം ശ​ങ്ക​ർ ത​ന്‍റെ കാ​മ​റക്കണ്ണു​ക​ൾ​ക്കു​ള്ളി​ൽ തീവണ്ടിയിലെ മ​നോ​ഹ​ര കാ​ഴ്ച​ക​ൾ ഒ​പ്പി​യെ​ടു​ക്കു​ക​യും ചെ​യ്തു.

ആ​ദ്യ പ​കു​തി ഹാ​സ്യ​ത്തി​നാ​ണ് പ്രാ​ധാ​ന്യം ന​ൽ​കി​യി​രി​ക്കു​ന്ന​തെ​ങ്കി​ൽ ര​ണ്ടാം പ​കു​തി​യി​ൽ ചി​ത്രം അ​ല്പം സീ​രി​യ​സാണ്. പു​ക​വ​ലി​യും രാ​ഷ്‌ട്രീ​യ​വും നേ​ർ​ക്കു​നേ​ർ വ​രു​ന്ന​തോ​ടെ​യാ​ണ് ക​ഥ അ​ല്പം ഗൗ​ര​വ​ക്കാ​ര​നാ​കു​ന്ന​ത്. ആ ​ഗൗ​ര​വം അ​തു​പോ​ലെ നി​ല​നി​ർ​ത്തി സി​നി​മ അ​വ​സാ​നി​ക്കു​ന്പോ​ൾ പ​ല​കാ​ര്യ​ങ്ങ​ളും പ്രേ​ക്ഷ​ക​ മ​ന​സി​ൽ എ​രി​യാ​ൻ തു​ട​ങ്ങി​യി​ട്ടു​ണ്ടാ​വും.

(തീ​വ​ണ്ടി​യ​ല്ലി​ത് ചി​രി​വ​ണ്ടി​യാ​ണ്...)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.