Cinema
കി​ത​ച്ചും കു​തി​ച്ചും "വ​ട​ചെ​ന്നൈ'
Wednesday, October 17, 2018 7:00 PM IST
നോ​ണ്‍​ലീ​നി​യ​ർ ആ​ഖ്യാ​ന​രീ​തി​യി​ൽ നി​ര​ന്ത​രം സി​നി​മ​ക​ൾ ഇ​റങ്ങുന്ന കാലമാണിത്. ചേർക്കേണ്ടത് ചേർത്ത് കൃത്യമായി വെട്ടിമുറിച്ചല്ല ചിത്രം വരുന്നതെങ്കിൽ അന്പേ പാളിപ്പോകും. പ​ക്ഷേ, വ​ട​ചെ​ന്നൈ​യി​ൽ ഈ ​പ​രീ​ക്ഷ​ണം ഇ​ട​യ്ക്ക് ചേ​ർ​ന്നും ഇ​ട​യ്ക്ക് മ​ടു​പ്പും സ​മ്മാ​നി​ച്ച​പ്പോ​ൾ അ​തൊ​രു ​വേ​റി​ട്ട അ​നുഭവമായി മാ​റു​ക​യാ​യി​രു​ന്നു.

ത​ള്ളാ​നും കൊ​ള്ളാ​നും ഇ​ഷ്ട​പ്പെ​ടാ​നും ഇ​ഷ്ട​പ്പെ​ടാ​തി​രി​ക്കാ​നും ആ​വ​ശ്യ​ത്തി​ലേ​റെ കാ​ര്യ​ങ്ങ​ളു​മാ​യാ​ണ് ധനുഷ് ചിത്രം തീ​യ​റ്റ​റി​ലേ​ക്കെ​ത്തി​രി​ക്കു​ന്ന​ത്. ഒ​ന്നു​റ​പ്പാ​ണ്, എ​ല്ലാ​ത്ത​രം പ്രേ​ക്ഷ​ക​രേ​യും തൃ​പ്തി​പ്പെ​ടു​ത്തു​ന്നൊ​രു ധ​നു​ഷ് ചി​ത്ര​മ​ല്ലിത്. മാ​സു​ണ്ടെ​ങ്കി​ലും ഇ​ട​യ്ക്കി​ടെ ക്ലാ​സ് പ്ര​ക​ട​ന​ത്തി​ലേ​ക്ക് പോ​കാ​ൻ താ​ര​ങ്ങ​ൾ ഒ​രു​ങ്ങി​യ​പ്പോ​ൾ എ​ന്തോ എ​വി​ടെ​യോ ചേ​രാ​തെ വ​ന്നു.



ധ​നു​ഷി​ന്‍റെ വ​ണ്‍​മാ​ൻ​ ഷോ പ്ര​തീ​ക്ഷി​ച്ച് തീ​യ​റ്റ​റി​ൽ ക​യ​റി​യാ​ൽ നി​ര​നി​ര​യാ​യി ക​ട​ന്നുവ​രു​ന്ന മറ്റ് താ​ര​ങ്ങ​ള​ത്ര​യും നി​ങ്ങ​ളെ അ​ന്പ​ര​പ്പി​ച്ച് കൊ​ണ്ടേ​യി​രി​ക്കും. അ​പ്പോ​ൾ ധ​നു​ഷ് ഒ​ന്നു​മ​ല്ല​ല്ലോ​യെ​ന്ന് തോ​ന്നി​യേ​ക്കാം. പ​ക്ഷേ, അ​ങ്ങ​നെയായിരുന്നില്ല... അ​ൻ​പി​ന്‍റെ (​ധ​നു​ഷ്) ക​ളി കാ​ണാ​ൻ ചിത്രം കൂടുതൽ മുന്നോട്ടുപോകണം.

ഒ​രു കൊ​ല​പാ​ത​കം ക​ഴി​ഞ്ഞു​ള്ള രം​ഗ​ത്തി​ൽ നി​ന്നും തു​ട​ങ്ങി ഒ​ടു​വി​ൽ ആ​രെ​യാ​ണ് കൊ​ല​ചെ​യ്ത​ത് എ​ന്നു കാ​ട്ടു​ന്ന ചി​ത്രം താ​ര​നി​ര​ക​ളാ​ൽ സ​ന്പ​ന്ന​മാ​ണ്. ആ​രാ​ണ് ന​ല്ല​വ​നെ​ന്നും കെ​ട്ട​വ​നെ​ന്നും തു​റ​ന്നു പ​റ​യാ​തെ​യു​ള്ള ചി​ത്ര​ത്തി​ന്‍റെ പോ​ക്ക് പ്രേ​ക്ഷ​ക​രെ ആ​ദ്യ​മൊ​ക്കെ ആ​ശ​യ​കു​ഴ​പ്പ​ത്തി​ലേ​ക്ക് ചാ​ടി​ക്കും. പോ​കപ്പോകെ ചി​ത്ര​ത്തി​ന്‍റെ ഗതി മാ​റി​ക്കൊണ്ടേ​യി​രി​ക്കു​ന്ന​തും ആ​ശ്ച​ര്യ​പ്പെ​ടു​ത്തി​യേ​ക്കാം. ഉ​യ​ർ​ച്ച​യ്ക്ക് വേ​ണ്ടി​യു​ള്ള രാ​ഷ്ട്രീ​യ ക​ളി​യി​ൽ അ​ക​പ്പെ​ട്ട് പോ​കു​ന്ന​വ​രു​ടെ ക​ഥ​യാ​ണ് വ​ട​ചെ​ന്നൈ പ​റ​യു​ന്ന​ത്.



ജ​യി​ലി​നു​ള്ളി​ലെ കാ​ഴ്ച​ക​ളാ​ൽ സ​ന്പ​ന്ന​മാ​ണ് ചി​ത്ര​ത്തി​ന്‍റെ ആ​ദ്യ പ​കു​തി. ര​ണ്ടു ചേ​രി​യി​ലു​ള്ള​വ​രു​ടെ പ​ക ജ​യി​ലി​ന് അ​ക​ത്തേ​ക്ക് പ്ര​വേ​ശി​ക്കു​ന്ന​ത് കാ​ട്ടിക്കൊണ്ടാ​ണ് സം​വി​ധാ​യ​ക​ൻ പ്രേ​ക്ഷ​ക​രെ കൈ​യി​ലെ​ടു​ക്കാ​ൻ ശ്ര​മി​ക്കു​ന്ന​ത്.

സെ​ന്തി​ലി​ന്‍റെയും (കി​ഷോ​ർ) ഗു​ണ​യു​ടെയും (​സ​മു​ദ്ര​ക്ക​നി) സംഘങ്ങൾ ത​മ്മി​ലു​ള്ള പോ​ര് അ​ര​ണ്ട വെ​ളി​ച്ച​ത്തി​ന്‍റെ അ​ക​ന്പ​ടി​യോ​ടെ​യാ​ണ് പ്രേ​ക്ഷ​ക​രി​ലേ​ക്കെ​ത്തു​ന്ന​ത്. ഇ​വി​ടേ​ക്ക് നാ​യ​ക​ൻ അ​ൻ​പ് ക​ട​ന്നുവ​രു​ന്പോ​ൾ ക​ഥ എ​ങ്ങ​നെ മാ​റിമ​റി​യു​മെ​ന്ന് ഏ​വ​രും ഉ​റ്റു​നോ​ക്കി​യി​രി​ക്കും.



പ​ക്ഷേ, അ​പ്പോഴേക്കും ഫ്ലാഷ് ബാ​ക്കി​ന്‍റെ രൂ​പ​ത്തി​ൽ ഒ​രു പ്ര​ണ​യം ക​ട​ന്നു​വ​ന്ന് അ​ത്ര​യും നേ​രം പ്രേ​ക്ഷ​ക​രു​ടെ ക്ഷ​മ​യെ പ​രീ​ക്ഷി​ച്ച പ​തി​ഞ്ഞ​പോ​ക്കി​ന് വി​രാ​മ​മി​ടും. പി​ന്നെ പ​ത്മ-അ​ൻ​പ് പ്ര​ണ​യ​ക​ഥ പൊ​യ്ക്കൊ​ണ്ടി​രി​ക്കേ ക​ഥ​യു​ടെ ചു​രു​ൾ പ​തി​യെ അ​ഴി​ഞ്ഞു തു​ട​ങ്ങും.

പ്ര​ണ​യ​വും കു​റ്റ​കൃ​ത്യ​ങ്ങ​ളും ഒ​രേ വ​ഴി​യി​ലൂ​ടെ പോ​കു​ന്ന കാ​ഴ്ച കാ​ണേ​ണ്ട​ത് ത​ന്നെ​യാ​ണ്. പ​ത്മ (ഐ​ശ്വ​ര്യ രാ​ജേ​ഷ്) അ​ൻ​പി​ന്‍റെ നാ​യി​ക​യാ​യി ചി​ത്ര​ത്തി​ലെ​ത്തി കി​ടി​ല​ൻ പ്ര​ക​ട​ന​മാ​ണ് കാഴ്ചവ​യ്ക്കു​ന്ന​ത്. പ്ര​തീ​ക്ഷ​ക​ളെ അ​സ്ഥാ​ന​ത്താക്കി​കൊ​ണ്ട് ജ​യി​ലിനു​ള്ളി​ലെ അ​ങ്കം ചെ​ന്നു നി​ൽ​ക്കു​ന്ന​ത് ഒന്നാന്തരമൊരു ട്വി​സ്റ്റി​ലാ​ണ്.



ര​ണ്ടാം പ​കു​തി​യി​ൽ ചി​ത്രം വ​രു​തി​യി​ൽ നി​ർ​ത്താ​നു​ള്ള ഉ​ത്ത​ര​വാ​ദി​ത്വം സം​വി​ധാ​യ​ക​ൻ വെ​ട്രി​മാ​ര​ൻ ധ​നു​ഷി​ന് വി​ട്ടു കൊ​ടു​ക്കു​ന്നു​ണ്ട്. സ​ന്തോ​ഷ് നാ​രായ​ണ​ന്‍റെ പ​ശ്ചാ​ത്ത​ല​സം​ഗീ​തം ക​ഥ​യു​ടെ ന​ല്ലൊ​ഴു​ക്കി​ന് വേ​ഗം കൂ​ട്ടി​യ​പ്പോ​ൾ ര​ണ്ടാം പ​കു​തി​യു​ടെ പോ​ക്ക് ആ​ദ്യ പ​കു​തി​യേ​ക്കാ​ൾ വേ​ഗ​ത്തി​ലാ​യി.

രാ​ജ​ൻ എ​ന്ന ക​ഥാ​പാ​ത്ര​ത്തെ മു​ന്നി​ലേ​ക്ക് ഇ​ട്ടു​ത​ന്ന സം​വി​ധാ​യ​ക​ൻ നി​മി​ഷനേ​രം കൊ​ണ്ടു ത​ന്നെ ആ ​ക​ഥാ​പാ​ത്ര​ത്തെ പ്രേ​ക്ഷ​ക​രു​ടെ ഹൃ​ദ​യ​ത്തി​ലേ​ക്ക് ക​യ​റ്റിവി​ടു​ന്നു​ണ്ട്. സം​ഘ​ട്ട​ന രം​ഗ​ങ്ങ​ളും അ​ര​ണ്ട വെ​ളി​ച്ച​ത്തി​നു​ള്ളി​ലെ കാ​ഴ്ച​ക​ളും ഛായാ​ഗ്രാ​ഹ​ക​ൻ വേ​ൽ​രാ​ജ് മി​ക​വോ​ടെ ഒ​പ്പി​യെ​ടു​ത്തി​ട്ടു​ണ്ട്.



ക്ലൈ​മാ​ക്സി​നോ​ട് അ​ടു​ക്കു​ന്പോ​ൾ ധ​നു​ഷ് കാ​ട്ടി​യ അ​ച്ച​ട​ക്ക​മു​ള്ള പ്ര​ക​ട​ന​വും ആ​ൻ​ഡ്രി​യ ജെ​റ​മി​യ​യു​ടെ ചി​രി​യും പി​ന്നെ മു​ഖ​ത്ത് മി​ന്നി​മ​റ​യു​ന്ന ഭാ​വ​മാ​റ്റ​ങ്ങ​ളു​മെ​ല്ലാം വ​ട​ചെ​ന്നൈ​യെ പ്രേ​ക്ഷ​ക​രി​ലേ​ക്ക് കൂ​ടു​ത​ൽ അ​ടു​പ്പി​ക്കും. ക​ഥ​യു​ടെ പ​റ​ഞ്ഞു പോ​ക്കി​നി​ടെ ര​ണ്ടാം ഭാ​ഗ​ത്തി​നു​ള്ള അ​വ​ശേ​ഷി​പ്പു​ക​ൾ സം​വി​ധാ​യ​ക​ൻ പ​ല​യി​ട​ത്താ​യി ഒതുക്കി വച്ചി​ട്ടു​ണ്ട്. അ​വ എ​ങ്ങ​നെ​യെ​ല്ലാ​മാ​കും ര​ണ്ടാം ഭാ​ഗ​ത്തി​ന്‍റെ മോ​ടി​കൂ​ട്ടു​ക​യെ​ന്ന് കണ്ടുതന്നെ അറിയാം.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.