ഐഐടി ഡൽഹി ഡിസൈൻ പഠനത്തിനായി പുതിയ ഡിഗ്രി പ്രോഗ്രാമുകളെക്കുറിച്ച് വിശദീകരിക്കാമോ ?
അരുൺകുമാർ, പൂത്തോട്ട
ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി) ഡൽഹി ഡിസൈൻ പഠനത്തിനായി പുതിയ ബിരുദതല പ്രോഗ്രാം തുടങ്ങാൻ തീരുമാനമായിട്ടുണ്ട്. 20212022 അധ്യയനവർഷംതന്നെ ഈ പ്രോഗ്രാം ആരംഭിക്കാനുള്ള തയാറെടുപ്പിലാണ് ഐഐടി ഡൽഹി. ബാച്ചിലർ ഇൻ ഡിസൈൻ എന്ന പ്രോഗ്രാമിലേക്ക് പ്രവേശനം നല്കുന്ന രീതിയെക്കുറിച്ച് ഏകദേശം ധാരണയായിട്ടുണ്ട്. ഇതുപ്രകാരം രണ്ടു മാർഗത്തിലൂടെ വിദ്യാർഥികൾക്ക് ഈ കോഴ്സിനു പ്രവേശനം ലഭിക്കും. JEE Advanced പ്രവേശന പരീക്ഷയുടെ റാങ്കിന്റെ അടിസ്ഥാനത്തിലാവും ഒന്നാമത്തെ രീതി. ഇതുകൂടാതെ അണ്ടർ ഗ്രാജ്വേറ്റ് കോമൺ എൻട്രൻസ് എക്സാമിനേഷൻ ഫോർ ഡിസൈൻ (UCEED) എന്ന പ്രവേശന പരീക്ഷയുടെ റാങ്കിന്റെ അടിസ്ഥാനത്തിലും ഈ കോഴ്സിലേക്ക് പ്രവേശനം സാധ്യമാകും. 20212022 അധ്യയനവർഷം ഡിസൈൻ കോഴ്സ് ആരംഭിക്കാനാണ് ആഗ്രഹിക്കുന്നതെന്ന് ഐഐടി ഡൽഹി, ഡയറക്ടർ വി. രാംഗോപാൽ റാവു അറിയിച്ചിട്ടുണ്ടെങ്കിലും കോവിഡ് സാഹചര്യം ഈ വർഷം ഈ പ്രോഗ്രാം തുടങ്ങുന്നതിനെ ചിലപ്പോൾ പ്രതികൂലമായി ബാധിക്കാം.
നിയമപഠനത്തിനായി നടത്തുന്ന സിഎൽഎടി 2021 നെക്കുറിച്ച് വിശദമാക്കാമോ ?
വിനോദ് ബാലകൃഷ്ണൻ, ഇടുക്കി
രാജ്യത്തെ വിവിധ സംസ്ഥാനങ്ങളിലായി പ്രവർത്തിക്കുന്ന 23 നാഷണൽ ലോ യൂണിവേഴ്സിറ്റികളിലേക്ക് ബിരുദ ബിരുദാനന്തര നിയമ പഠനത്തിനുള്ള പ്രവേശനത്തിനായി എല്ലാ വർഷവും ഈ 23 ദേശീയ നിയമ പഠന സർവകലാശാലയിൽ ഏതിന്റെയെങ്കിലും നേതൃത്വത്തിൽ നടക്കുന്ന പ്രവേശന പരീക്ഷയാണ് കോമൺ ലോ അഡ്മിഷൻ ടെസ്റ്റ് (CLAT).
2021 ൽ നടക്കാൻ പോകുന്ന UGCLAT രണ്ടു മണിക്കൂറുള്ള 150 മൾട്ടിപ്പിൾ ചോയിസ് ചോദ്യങ്ങളടങ്ങുന്ന പരീക്ഷയാണ് ഓരോ ചോദ്യത്തിനും ഒരു മാർക്കായിരിക്കും ലഭിക്കുക. തെറ്റുന്ന ഉത്തരത്തിന് 0.25 മാർക്ക് കുറയ്ക്കും. 150 ചോദ്യങ്ങൾ അഞ്ച് ഭാഗങ്ങളായാണ്.
ഇംഗ്ലീഷ് ലാംഗ്വേജ്, കറന്റ് അഫയേഴ്സ്, ജനറൽ നോളഡ്ജ് അടക്കം ലീഗൽ റീസണിംഗ്, ലോജിക്കൽ റീസണിംഗ്, ക്വാണ്ടിറ്റേറ്റീവ് ടെക്നിക്ക്.
മുകളിൽ പറഞ്ഞിട്ടുള്ള വിഷയങ്ങളിൽനിന്നുള്ള ചോദ്യങ്ങളുടെ എണ്ണവും വെയിറ്റേജും (ശതമാനം) ചുവടെ ചേർക്കുന്നു.
ഇംഗ്ലീഷ് ലാംഗ്വേജ് 2832 ചോദ്യങ്ങൾ. 20 ശതമാനം
കറന്റ് അഫയേഴ്സ്, ജികെ 3539 ചോദ്യങ്ങൾ 25 ശതമാനം
ലീഗൽ റീസണിംഗ് 3539 ചോദ്യങ്ങൾ 25 ശതമാനം
ലോജിക്കൽ റീസണിംഗ് 2832 ചോദ്യങ്ങൾ 20 ശതമാനം
ക്വാണ്ടിറ്റേറ്റീവ് ടെക്നിക് 1317 ചോദ്യങ്ങൾ പത്തു ശതമാനം
ബാബു പള്ളിപ്പാട്ട്
9496181703
babu.mguegmail.com