നെറ്റ് പരീക്ഷ ജൂൺ 18ലേക്കു നീട്ടി
ന്യൂഡൽഹി: യുപിഎസ്സി പ്രിലിമിനറി പരീക്ഷയുടെ പശ്ചാത്തലത്തിൽ ദേശീയ യോഗ്യതാ പരീക്ഷ(നെറ്റ്) ജൂൺ 18 ലേക്കു മാറ്റിയതായി യുജിസി അധ്യക്ഷൻ ജഗദീഷ് കുമാർ. ജൂൺ 16 നു (ഞായറാഴ്ച) പരീക്ഷ നടത്താനാണു നേരത്തെ തീരുമാനിച്ചിരുന്നത്.
വിദ്യാർഥികളിൽ നിന്നുള്ള അഭ്യർഥനയെത്തുടർന്നാണു പരീക്ഷ തീയതി രണ്ടുദിവസത്തേക്കു നീട്ടിയത്. ഒഎംആർ രീതിയിൽ രാജ്യമൊട്ടാകെ ഒറ്റദിവസംകൊണ്ടു പരീക്ഷ പൂർത്തിയാക്കുമെന്നും അദ്ദേഹം പറഞ്ഞു.