ആറാം സെമസ്റ്റർ എം.സി.എ തിസീസ് മൂല്യനിർണയത്തിന്റെയും വൈവാ വോസിയുടെയും ഷെഡ്യൂൾ വെബ്സൈറ്റിൽ.
പരീക്ഷാഫലം
ബിവോക് മൂന്നാം സെമസ്റ്റർ (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് നവംബർ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് നവംബർ പത്ത് വരെ അപേക്ഷിക്കാം.
2018 ജൂണിൽ നടത്തിയ രണ്ടാം സെമസ്റ്റർ എംഎ സംസ്കൃതം (സിസിഎസ്എസ്) പരീക്ഷാഫലം വെബ്സൈറ്റിൽ.
നാലാം സെമസ്റ്റർ യുജി മൂല്യനിർണയ ക്യാന്പ്
യുജി നാലാം സെമസ്റ്റർ (സിയുസിബിസിഎസ്എസ്) ഏപ്രിൽ 2018 പരീക്ഷയുടെ മൂല്യനിർണയ ക്യാന്പ് 23ന് പത്തിന് നടക്കും. എല്ലാ അധ്യാപകരും ക്യാന്പിൽ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
ക്യാന്പിന്റെ വിവരങ്ങൾ ക്യാന്പ് ചെയർമാൻമാരിൽ നിന്നും വെബ്സൈറ്റിൽ നിന്നും ലഭിക്കും. 23ന് എല്ലാ ആർട്സ് ആൻഡ് സയൻസ് കോളജുകളിലും റഗുലർ ക്ലാസുകൾ ഉണ്ടായിരിക്കുന്നതല്ല.
ദേശീയ പുനരർപ്പണ പ്രതിജ്ഞയെടുത്തു
മുൻപ്രധാനമന്ത്രി ഇന്ദിരാഗാന്ധിയുടെ ചരമവാർഷികദിനമായ ഇന്നലെ കാലിക്കട്ട് സർവകലാശാലാ ജീവനക്കാർ ദേശീയ പുനരർപ്പണ പ്രതിജ്ഞയെടുത്തു. പ്രോവൈസ് ചാൻസലർ ഡോ. പി. മോഹൻ പ്രതിജ്ഞ ചൊല്ലിക്കൊടുത്തു. രജിസ്ട്രാർ ഡോ. ടി.എ. അബ്ദുൽ മജീദ്, പരീക്ഷാ കണ്ട്രോളർ ഡോ. വി.വി. ജോർജ്കുട്ടി, ഫിനാൻസ് ഓഫീസർ കെ.കെ. സുരേഷ് തുടങ്ങിയവർ പങ്കെടുത്തു.
നിർമാണ പ്രവർത്തനങ്ങൾ
സുവർണ ജൂബിലി ആഘോഷിക്കുന്ന കാലിക്കട്ട് സർവകലാശാലയിൽ നിർമാണ പ്രവൃത്തികൾ സമയബന്ധിതമായി പൂർത്തിയാക്കാൻ പ്ലാൻ റിവ്യൂ കമ്മറ്റി തീരുമാനം. സംസ്ഥാന പ്ലാൻ, യുജിസി, റൂസ പദ്ധതികളാണ് ഇത്തരത്തിൽ പൂർത്തിയാക്കുക. സംസ്ഥാന പ്ലാൻ പദ്ധതിയിൽ ഉൾപ്പെടുത്തി നിർമാണം പുരോഗമിക്കുന്ന ബയോടെക്കെമിസ്ട്രി, ലൈഫ് സയൻസ്, കായിക ഹോസ്റ്റൽ വിഭാഗങ്ങളുടെ കെട്ടിടങ്ങളുടെയും കോഴിക്കോട്ടുള്ള ടീച്ചർ എഡ്യുക്കേഷൻ കേന്ദ്രത്തിന്റെയും പദ്ധതികൾ ഉൾപ്പെടെ നവംബർ 30നകം അഞ്ച് കോടിയുടെ ജോലികൾ പൂർത്തീകരിക്കാനാണ് ധാരണ. യുജിസി ഗ്രാന്റിൽ ഉൾപ്പെടുത്തിയ ഹ്യുമാനിറ്റീസ് ബ്ലോക്കിന്റെയും സ്വിമ്മിംഗ് പൂൾ, അനിമൽ ഹൗസ് എന്നിവയുടെയും നിർമാണം അതിവേഗം പൂർത്തീകരിക്കാൻ സർവകലാശാലാ എൻജിനിയറെ ചുമതലപ്പെടുത്തി. റൂസ പദ്ധതിയിലെ കംപ്യൂട്ടേഷണൽ ലാബിന് 80 ലക്ഷം രൂപയുടെ ജോലികൾ ഉടൻ നടത്തും. സർവകലാശാലയുടെ സുവർണ ജൂബിലി ആഘോഷങ്ങളുടെ സമാപനം ഡിസംബറിൽ നടക്കും.