ഓപ്പണ്‍ സ്ട്രീം ഡിഗ്രി പ്രവേശന പരീക്ഷാഫലം പ്രസിദ്ധീകരിച്ചു
വിദൂരവിദ്യാഭ്യാസ വിഭാഗം നവംബര്‍ നാലിന് നടത്തിയ ഓപ്പണ്‍ സ്ട്രീം ബിഎ/ബികോം പ്രവേശന പരീക്ഷാഫലം www.sdeuoc.ac.in വെബ്‌സൈറ്റില്‍. നവംബര്‍ 30 മുതല്‍ ഓപ്പണ്‍ സ്ട്രീം ഡിഗ്രി കോഴ്‌സുകള്‍ക്ക് ഓണ്‍ലൈനായി രജിസ്റ്റര്‍ ചെയ്യാം. പരീക്ഷയ്ക്ക് ഹജരായിട്ടും ഫലം ലഭിച്ചിട്ടില്ലാത്തവര്‍ വിദൂരവിദ്യാഭ്യാസ വിഭാഗവുമായി ബന്ധപ്പെടണം. ഫോണ്‍ : 0494 2407365, 2400288.
മൂല്യനിര്‍ണയ ക്യാമ്പ്: എല്‍എല്‍ബി ക്ലാസുകള്‍ക്ക് അവധി
ബിബിഎഎല്‍എല്‍ബി മൂന്നാം സെമസ്റ്റര്‍ മൂല്യനിര്‍ണയ ക്യാമ്പ് 29, 30 തിയതികളില്‍ നടക്കുന്നതിനാല്‍ ഈ ദിവസങ്ങളില്‍ ലോ കോളജുകളില്‍ എല്‍എല്‍ബി റഗുലര്‍ ക്ലാസുകള്‍ ഉണ്ടായിരിക്കുന്നതല്ല.
പരീക്ഷാ അപേക്ഷ
എംഡി പീഡിയാട്രിക്‌സ് സപ്ലിമെന്‍ററി പരീക്ഷയ്ക്ക് അപേക്ഷ സാധാരണ ഫോമില്‍ പിഴകൂടാതെ ഡിസംബര്‍ ഏഴ് വരെയും 160 രൂപ പിഴയോടെ ഡിസംബര്‍ 11 വരെയും അപേക്ഷിക്കാം. പരീക്ഷ 2019 ജനുവരി നാലിന് ആരംഭിക്കും.
രണ്ടാം സെമസ്റ്റര്‍ എംആര്‍ക് (2014 മുതല്‍ പ്രവേശനം) റഗുലര്‍/സപ്ലിമെന്‍ററി പരീക്ഷയ്ക്ക് പിഴകൂടാതെ ഡിസംബര്‍ ആറ് വരെയും 160 രൂപ പിഴയോടെ ഡിസംബര്‍ പത്ത് വരെയും ഫീസടച്ച് ഡിസംബര്‍ 11 വരെ രജിസ്റ്റര്‍ ചെയ്യാം.
പരീക്ഷാഫലം
ഒന്നാം സെമസ്റ്റര്‍ ബിവോക് (സിയുസിബിസിഎസ്എസ്) റഗുലര്‍/സപ്ലിമെന്‍ററി/ഇംപ്രൂവ്‌മെന്‍റ് നവംബര്‍ 2017 പരീക്ഷാഫലം വെബ്‌സൈറ്റില്‍ . പുനര്‍മൂല്യനിര്‍ണയത്തിന് ഡിസംബര്‍ പത്ത് വരെ അപേക്ഷിക്കാം.
2018 ജൂണില്‍ നടത്തിയ രണ്ടാം സെമസ്റ്റര്‍ എംഎ പോസ്റ്റ് അഫ്‌സല്‍ഉല്‍ഉലമ (സിയുസിഎസ്എസ്) പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ഡിസംബര്‍ പത്ത് വരെ അപേക്ഷിക്കാം.
2018 ജൂണില്‍ നടത്തിയ നാലാം സെമസ്റ്റര്‍ എംഎസ്സി അപ്ലൈഡ് സൈക്കോളജി (സിസിഎസ്എസ്) പരീക്ഷാഫലം വെബ്‌സൈറ്റില്‍
ദക്ഷിണമേഖലാ അന്തര്‍ സര്‍വകലാശാലാ ഫുട്‌ബോള്‍ : കാലിക്കട്ടിനെ ടി.പി.അമല്‍ നയിക്കും
തേഞ്ഞിപ്പലം: പോണ്ടിച്ചേരി സര്‍വകലാശാലയില്‍ ഡിസംബര്‍ മൂന്ന് മുതല്‍ നടക്കുന്ന ദക്ഷിണമേഖലാ അന്തര്‍ സര്‍വകലാശാലാ പുരുഷ ഫുട്‌ബോള്‍ ചാമ്പ്യന്‍ഷിപ്പില്‍ പങ്കെടുക്കുന്ന കാലിക്കട്ട് സര്‍വകലാശാലാ ടീമിനെ ടി.പി.അമല്‍ നയിക്കും. കോഴിക്കോട് ഗുരുവായൂരപ്പന്‍ കോളജിലെ അവസാന വര്‍ഷ ബിരുദ വിദ്യാർഥിയാണ്. തൃശൂര്‍ ശ്രീകൃഷ്ണ കോളജിലെ യു.എന്‍.സന്ദീപാണ് വൈസ് ക്യാപ്റ്റന്‍ . ടീം അംഗങ്ങള്‍ : മുഹമ്മദ് അസ്ഹര്‍ , എന്‍ .സഫ്‌വാന്‍ (മഞ്ചേരി എന്‍എസ്എസ്), പി.കെ.ശുഹൈബ്, മുഹമ്മദ് അഷ്ഫാഖ് ആസിഫ്, മുഹമ്മദ് ഫവാസ് (മമ്പാട് എംഇഎസ്), വി.എസ്.ശ്രീകുട്ടന്‍, കെ.എസ്.സജിത് (തൃശൂര്‍ സെന്‍റ് തോമസ്), മുഹമ്മദ് മന്‍ഹല്‍ , പി.സി.അനുരാഗ്, സിബില്‍ മുഹമ്മദ്, താഹിര്‍ സമാന്‍ (ഫാറൂഖ് കോളജ്), മുഹമ്മദ് അസീബ് (പഴഞ്ഞി എംഡി കോളജ്), എം.ഷെറിന്‍ , ബി.എ.ഹഫീസ് റഹ്‌മാന്‍ (ഇരിങ്ങാലക്കുട ക്രൈസ്റ്റ്), ക്രിസ്റ്റി ഡേവിസ് (തൃശൂര്‍ എസ്കെവിസി), ടി.പി.ജംഷീദ്, വി.ബുജൈര്‍ (അരീക്കോട് സുല്ലമുസ്സലാം), സജീഷ് (പെരിന്തല്‍മണ്ണ ഐഎസ്എസ്). പി.കെ.രാജീവ് മുഖ്യപരീശീലകനും ഇ.റഫീഖ് മാനേജരും എം.മുഹമ്മദ് ഷഫീഖ് സഹപരിശീലകനും ടി.കെ.നിംഷാദ് ഫിസിയോയുമാണ്.
ദ്വിദിന യുവജന ക്യാമ്പ്
തേഞ്ഞിപ്പലം: കാലിക്കട്ട് സര്‍വകലാശാലാ എന്‍എസ്എസ് വിഭാഗത്തിന്‍റെ സഹകരണത്തോടെ ഗാന്ധി ചെയര്‍ യുവജനങ്ങള്‍ക്കായി ദ്വിദിന പഠനക്യാമ്പ് സംഘടിപ്പിക്കുന്നു.
ഡിസംബര്‍ 15, 16 തിയതികളില്‍ സര്‍വകലാശാലാ കാമ്പസിലാണ് ക്യാമ്പ്. 'നവകേരളം, കേരള യുവത: ഗാന്ധിയന്‍ പരിപ്രേക്ഷ്യത്തില്‍ ' എന്നതാണ് വിഷയം. സാമൂഹിക ശാസ്ത്രം, ചരിത്രം, രാഷ്ട്രീയം, പരിസ്ഥിതി, മനഃശാസ്ത്രം തുടങ്ങിയ വിഷയങ്ങളില്‍ പ്രഗത്ഭര്‍ ക്ലാസുകള്‍ നയിക്കും. എന്‍ എസ്എസ് വോളണ്ടിയര്‍മാര്‍ക്കും സന്നദ്ധ സംഘടനാ പ്രവര്‍ത്തകര്‍ക്കും പങ്കെടുക്കാം. താല്‍പ്പര്യമുള്ള സന്നദ്ധ സംഘടനാ പ്രവര്‍ത്തകര്‍ ഡിസംബര്‍ പത്തിനകം രജിസ്റ്റര്‍ ചെയ്യണം. ഫീസ് ഇല്ല. ഫോണ്‍ : 9400769445.