ബികോം പ്രൊഫഷണൽ ഒന്നാം സെമസ്റ്റർ റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 17ന് ആരംഭിക്കും.
ഒന്നാം സെമസ്റ്റർ എസ്ഡിഇയുജി സപ്ലിമെന്ററി/ഇംപ്രൂവ്മെന്റ് ഹാൾടിക്കറ്റ്
15ന് ആരംഭിക്കുന്ന വിദൂരവിദ്യാഭ്യാസം (വിദേശ/കേരളത്തിന് പുറത്തെ കേന്ദ്രങ്ങൾ ഉൾപ്പെടെ) ഒന്നാം സെമസ്റ്റർ ബിഎ/ബിഎസ് സി/ ബിഎ അഫ്സൽഉൽഉലമ/ ബിഎംഎംസി (സിസിഎസ്എസ്) സപ്ലിമെന്ററി/ ഇംപ്രൂവ്മെന്റ് പരീക്ഷയുടെ ഹാൾടിക്കറ്റ് വെബ്സൈറ്റിൽ.
പരീക്ഷാഫലം വിദൂരവിദ്യാഭ്യാസം അഞ്ചാം സെമസ്റ്റർ ബിഎ/ ബിഎ അഫ്സൽഉൽഉലമ/ ബിഎസ് സി/ ബിഎംഎംസി (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 21 വരെ അപേക്ഷിക്കാം. പ്രിന്റൗട്ട്, ചലാൻ സഹിതം 24നകം ലഭിക്കണം.
എൽഎൽഎം വൈവ, ടീച്ചിംഗ് പ്രാക്ടീസ് എൽഎൽഎം നാലാം സെമസ്റ്റർ വൈവാ വോസി 14ന് പരീക്ഷാഭവനിൽ നടക്കും. രണ്ടാം സെമസ്റ്റർ ടീച്ചിംഗ് പ്രാക്ടീസ് 15ന് കോഴിക്കോട് ഗവണ്മെന്റ് ലോ കോളജിലും, 17ന് തൃശൂർ ഗവണ്മെന്റ് ലോ കോളജിലും നടക്കും.
സ്കൂൾ വിദ്യാർഥികൾക്ക് ചിത്രരചനാ മത്സരം സംഘടിപ്പിക്കുന്നു കാലിക്കട്ട് സർവകലാശാലാ ചെയർ ഫോർ ഗാന്ധിയൻ സ്റ്റഡീസ് ആൻഡ് റിസർച്ചിന്റെ ആഭിമുഖ്യത്തിൽ ഗാന്ധി@150 ആഘോഷങ്ങളുടെ ഭാഗമായി യുപി/ഹൈസ്കൂൾ/ഹയർ സെക്കൻഡറി വിദ്യാർഥികൾക്കായി 26ന് ഗാന്ധി ചിത്രരചനാ മത്സരം സംഘടിപ്പിക്കുന്നു. ഗാന്ധിയുടെ ബാല്യകൗമാര അനുഭവങ്ങൾ എന്നതാണ് വിഷയം. രാവിലെ 10.30 മുതൽ 12.30 വരെയാണ് സമയം. ഏത് മീഡിയത്തിലും ചിത്രം വരക്കാം. വരക്കാനുള്ള സാമഗ്രികൾ (പേപ്പർ ഒഴികെ) മത്സരാർത്ഥികൾ കൊണ്ടുവരണം. വിജയികൾക്ക് കാഷ് പ്രൈസും ട്രോഫികളും സമ്മാനിക്കും. പങ്കെടുക്കാനാഗ്രഹിക്കുന്നവർ 20നകം രജിസ്റ്റർ ചെയ്യണം. ഇമെയിൽ:
[email protected] ഫോണ്: 0494 2400350, 9400769445.
സി.എച്ച്. ചെയറിൽ ഗവേഷണ പഠന സെമിനാർ സി.എച്ച്. മുഹമ്മദ് കോയ ചെയർ, സ്കൂൾ ഓഫ് കമ്യൂണിറ്റി ഡവലപ്മെന്റുമായി സഹകരിച്ച് ഗവേഷണ പഠനവുമായി ബന്ധപ്പെട്ട് 19ന് സെമിനാർ സംഘടിപ്പിക്കുന്നു. ഗവേഷണം: സ്രോതസ്സുകളും വിഭവങ്ങളും, സാഹിത്യചോരണം: പ്രശ്നങ്ങളും പ്രതിവിധികളും എന്നിവയാണ് സെമിനാറിന്റെ വിഷയങ്ങൾ. സിഎച്ച് ചെയർ ഹാളിൽ നടക്കുന്ന പരിപാടിയിൽ ഗവേഷകനും ഗ്രന്ഥകാരനുമായ എൻ.എം. ഹുസൈൻ, സർവകലാശാല അസിസ്റ്റന്റ് ലൈബ്രേറിയൻ ഡോ. വി.എം. വിനോദ് എന്നിവർ ക്ലാസുകൾ നയിക്കും. പങ്കെടുക്കാനാഗ്രഹിക്കുന്നവർ പേര് രജിസ്റ്റർ ചെയ്യണം. വിവരങ്ങൾക്ക് :
[email protected] ഫോണ്: 9633902944.