പിജി പ്രൈവറ്റ് പരീക്ഷാ കേന്ദ്രത്തിനു മാറ്റം
25ന് ചങ്ങനാശേരി എൻഎസ്എസ് കോളജിൽ നടക്കേണ്ട മൂന്നും നാലും സെമസ്റ്റർ പിജി പ്രൈവറ്റ് പരീക്ഷ ചങ്ങനാശേരി അസംപ്ഷൻ കോളജിൽ നടക്കും. എൻഎസ്എസ് കോളജിൽ പരീക്ഷയെഴുതേണ്ടവർ അസംപ്ഷൻ കോളജിൽ ഹാജരാകണം. പരീക്ഷ സമയത്തിൽ മാറ്റമില്ല. മറ്റു ദിവസങ്ങളിലെ പരീക്ഷകൾ മുൻ നിശ്ചയപ്രകാരം എൻഎസ്എസ് കോളജിൽത്തന്നെ നടക്കും.
പ്രാക്ടിക്കൽ
ഒന്നാം സെമസ്റ്റർ എംഎസ്സി സുവോളജി (സിഎസ്എസ് റെഗുലർ, റീഅപ്പിയറൻസ്) ജനുവരി 2019 പരീക്ഷയുടെ പ്രാക്്ടിക്കൽ മാർച്ച് അഞ്ചുമുതൽ എട്ടുവരെ കോളജുകളിൽ നടക്കും. ടൈംടേബിൾ വെബ്സൈറ്റിൽ ലഭിക്കും. പരീക്ഷയോടനുബന്ധിച്ചുള്ള എക്സാമിനർമാരുടെ സമിതി യോഗം 28ന് സർവകലാശാല സിൽവർ ജൂബിലി പരീക്ഷാഭവന്റെ 201ാം നന്പർ മുറിയിൽ രാവിലെ 11ന് കൂടും.
ഒന്നാം സെമസ്റ്റർ ബിഎഫ്ടി ആൻഡ് ബിഎസ്സി അപ്പാരൽ ആൻഡ് ഫാഷൻ ഡിസൈൻ (സിബിസിഎസ്, 2018 അഡ്മിഷൻ റെഗുലർ, 2017 അഡ്മിഷൻ റീഅപ്പിയറൻസ്) ഡിസംബർ 2018 പരീക്ഷയുടെ പ്രാക്ടിക്കൽ 26 മുതൽ ആരംഭിക്കും. ടൈംടേബിൾ വെബ്സൈറ്റിൽ.
പരീക്ഷ ഫലം
2018 മേയിൽ നടന്ന രണ്ടാം സെമസ്റ്റർ സിബിസിഎസ്എസ് ബിഎ, ബിഎസ്സി, ബികോം (മോഡൽ ഒന്ന്, രണ്ട്, മൂന്ന് 2013 2016 അഡ്മിഷൻ സപ്ലിമെന്ററി) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് 12 വരെ അപേക്ഷിക്കാം.
2018 ജൂണിൽ നടന്ന രണ്ടാം സെമസ്റ്റർ എംഎസ്സി ഓപ്പറേഷൻസ് റിസർച്ച് ആൻഡ് കംപ്യൂട്ടർ ആപ്ലിക്കേഷൻസ് (റെഗുലർ, സപ്ലിമെന്ററി, ബെറ്റർമെന്റ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് 11 വരെ അപേക്ഷിക്കാം.
യുജി പരീക്ഷ ചെയർമാന്മാരുടെ യോഗം 25ന്
നാല്, ആറ് സെമസ്റ്റർ യുജി (മാർച്ച് 2019) പരീക്ഷകളുടെ ചെയർമാന്മാരുടെ യോഗം 25ന് രാവിലെ 10.30ന് സർവകലാശാല സെനറ്റ് ഹാളിൽ നടക്കും.
ലൈബ്രറി അസിസ്റ്റന്റ്
എംജിയിൽ ദിവസ വേതനാടിസ്ഥാനത്തിൽ താത്കാലികമായി ലൈബ്രറി അസിസ്റ്റന്റുമാരെ നിയമിക്കുന്നു. 179 ദിവസത്തേക്കാണ് നിയമനം. 600 രൂപയാണ് ദിവസ വേതനം. എംജി സർവകലാശാല അംഗീകരിച്ച ഏതെങ്കിലും വിഷയത്തിലുള്ള ബിരുദത്തോടൊപ്പം ബിഎൽഐസിയുമാണ് യോഗ്യത. വാക്ഇൻഇന്റർവ്യൂ മാർച്ച് അഞ്ചിനു രാവിലെ 11ന് സർവകലാശാല കാര്യാലയത്തിൽ നടക്കും. അപേക്ഷയും സർട്ടിഫിക്കറ്റുകളുമായി പകർപ്പുകളും അസലും സഹിതം രാവിലെ 9.30ന് സർവകലാശാല ഭരണവിഭാഗം ബ്ലോക്കിലുള്ള എഡി എഅഞ്ച് സെക്ഷനിൽ എത്തണം.