യു​വാ​വി​നെ അടിച്ചു ബോധം കെടുത്തി; നാലു പേർ അറസ്റ്റിൽ
Friday, March 11, 2022 11:16 AM IST
തി​രു​വ​ന​ന്ത​പു​രം: യു​വാ​വി​നെ ക്രൂ​ര​മാ​യി മ​ർദി​ച്ചു ബോധം കെടുത്തിയ കേ​സി​ൽ നാ​ലു പേ​രെ പ​ള്ളി​ക്ക​ൽ പോ​ലീ​സ് അ​റ​സ്റ്റ് ചെ​യ്തു. വ​ട​ക്കേ​പ​ള്ളി​ക്ക​ൽ വാ​ണി​യ​കൊ​ടി വീ​ട്ടി​ൽ മു​ഹ​മ്മ​ദ് ഷാ​ൻ (21), പ​ള്ളി​ക്ക​ൽ പു​ളി​മാ​ത്ത് സ​ൽ​മ മ​ൻ​സി​ലി​ൽ റാ​ഷി​ദ് സ​ലിം (34), പ​ള്ളി​ക്ക​ൽ പേ​ഴു​വി​ള വീ​ട്ടി​ൽ ഷ​റ​ഫു​ദ്ദീ​ൻ (32), മ​ട​വൂ​ർ ആ​ന​കു​ന്നം ന്യൂ ​ഹാ​പ്പി ഹോ​മി​ൽ ഇ​ബ്നു (29) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ക​ഴി​ഞ്ഞ മൂ​ന്നിനു രാ​ത്രി 10.45ന് ​മ​ട​വൂ​ർ വി​ള​യ്ക്കാ​ട് സ്വ​ദേ​ശി മു​കു​ന്ദ​കു​മാ​റി​നെ പു​ളി​മാ​ത്ത് നി​ന്നും പ​ള്ളി​ക്ക​ലി​ലേ​ക്കു വീ​ട്ടി​ൽ ന​ടന്നു പോ​ക​വെ ആ​ക്ര​മി​ച്ച കേ​സി​ലാ​ണ് പ്ര​തി​ക​ളെ പോ​ലീ​സ് അ​റ​സ്റ്റ് ചെ​യ്ത​ത്.

റോ​ഡ് വ​ശ​ത്തി​രുന്നു മ​ദ്യ​പി​ക്കു​ക​യാ​യി​രു​ന്ന പ്ര​തി​ക​ൾ മു​കു​ന്ദ​കു​മാ​റി​നെ ആ​ക്ര​മി​ക്കു​ക​യും മൊ​ബൈ​ൽ ഫോ​ണ്‍ ത​ട്ടി​യെ​ടു​ക്കാ​ൻ ശ്ര​മി​ച്ചെ​ന്നും പോ​ലീ​സ് പ​റ​ഞ്ഞു. കെ​ട്ടി​ടം പ​ണി ന​ട​ക്കു​ന്ന സ്ഥ​ല​ത്തു കൊ​ണ്ടു പോ​യി മു​കു​ന്ദ​കു​മാ​റി​നെ ക്രൂ​ര​മാ​യി മ​ർ​ദിച്ച​വ​ശ​നാ​ക്കി​യ ശേ​ഷം ബോ​ധ​ര​ഹി​ത​നാ​യ​പ്പോ​ൾ പ്ര​തി​ക​ൾ ര​ക്ഷ​പ്പെ​ട്ടു​വെ​ന്നു പോ​ലീ​സ് പ​റ​ഞ്ഞു.

അ​ർ​ധ​രാ​ത്രി​യോ​ടെ ബോ​ധം വീ​ണ്ടെടു​ത്ത മു​കു​ന്ദ​കു​മാ​ർ ര​ക്തം ഒ​ലി​ക്കു​ന്ന അ​വ​സ്ഥ​യോ​ടെ പ​ള്ളി​ക്ക​ൽ പോ​ലീ​സ് സ്റ്റേ​ഷ​നി​ലെ​ത്തി പ​രാ​തി ന​ൽ​കു​ക​യാ​യി​രു​ന്നു. പ​ള്ളി​ക്ക​ൽ സി​ഐ ശ്രീ​ജി​ത്തി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഇ​ദ്ദേ​ഹ​ത്തെ പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

യു​വാ​വി​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ൽ പ്ര​തി​ക​ൾ​ക്കെ​തി​രെ കൊ​ല​പാ​ത​ക​ശ്ര​മം കു​റ്റം ചു​മ​ത്തി പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ പി​ടി​യി​ലാ​യ​ത്. പ​ള്ളി​ക്ക​ൽ സി​ഐ. ശ്രീ​ജി​ത്ത്, എ​സ്ഐ. സ​ഹി​ൽ, സി​പി​ഒ​മാ​രാ​യ അ​ജീ​സ്, രം​ഞ്ജി​ത്ത്, പ്രി​ജു, ബി​നു എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്.

ല​ഹ​രി​മ​രു​ന്ന് ഉ​പ​യോ​ഗി​ക്കു​ക​യും അ​ടി​പി​ടി ന​ട​ത്തു​ക​യും ചെ​യ്യു​ന്ന​വ​രാ​ണ് പ്ര​തി​ക​ളെന്നു പോ​ലീ​സ് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാൻഡ് ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.