ല​ക്നോ: ഉ​ത്ത​ർ​പ്ര​ദേ​ശി​ലെ ഷ​ഹാ​ബാ​ദി​ലെ പ​ഞ്ച​സാ​ര മി​ൽ ത​ക​ർ​ത്ത് കേ​സി​ൽ ബി​ജെ​പി മു​ൻ എം​എ​ൽ​എ കാ​ശി​റാം ദി​വാ​ക​ർ ഉ​ൾ​പ്പെ​ടെ ആ​റ് പേ​ർ കു​റ്റ​ക്കാ​രാ​ണെ​ന്ന് ഉ​ത്ത​ർ​പ്ര​ദേ​ശി​ലെ പ്ര​ത്യേ​ക എം​പി/​എം​എ​ൽ​എ കോ​ട​തി വി​ധി​ച്ചു.

ശി​ക്ഷ​ വ്യാ​ഴാ​ഴ്ച കോ​ട​തി വി​ധി​ക്കും. 2012ൽ ​ഷ​ഹാ​ബാ​ദ് ആ​സ്ഥാ​ന​മാ​യു​ള്ള റാ​ണാ ഷു​ഗ​ർ മി​ൽ പ്ര​സി​ഡ​ന്‍റ് ഓം​വീ​ർ സിം​ഗ് ആ​ണ് കേ​സ് ന​ൽ​കി​യ​ത്. മി​ല്ലി​ന്‍റെ പ​രി​സ​ര​ത്ത് നി​ന്ന് ട്രാ​ക്ട​ർ ട്രോ​ളി പു​റ​ത്തെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്ക​ത്തെ​ത്തു​ട​ർ​ന്നാ​ണ് ദി​വാ​ക​റി​ന്‍റെ നേ​തൃ​ത്വ​ത്തി​ൽ ചി​ല​ർ മി​ല്ലി​ൽ ആ​ക്ര​മ​ണം ന​ട​ത്തി​യ​ത്.

ആ​ക്ര​മി​സം​ഘം ചി​ല തൊ​ഴി​ലാ​ളി​ക​ളെ ആ​ക്ര​മി​ച്ച് പ​രി​ക്കേ​ൽ​പ്പി​ക്കു​ക​യും ചെ​യ്തു. ദി​വാ​ക​ർ ഉ​ൾ​പ്പെ​ടെ 38 പേ​ർ​ക്കെ​തി​രെ​യും തി​രി​ച്ച​റി​ഞ്ഞി​ട്ടി​ല്ലാ​ത്ത 200 പേ​ർ​ക്കെ​തി​രെ​യും കേ​സെ​ടു​ത്ത​താ​യി അ​ഭി​ഭാ​ഷ​ക​ൻ സീ​മ റാ​ണ പ​റ​ഞ്ഞു.

വാ​ദ​ത്തി​ന് ശേ​ഷം പ്ര​ത്യേ​ക എം​പി/​എം​എ​ൽ​എ കോ​ട​തി ജ​ഡ്ജി വി​ജ​യ് കു​മാ​ർ, ദി​വാ​ക​റി​നെ​യും മ​റ്റ് അ​ഞ്ച് പ്ര​തി​ക​ളാ​യ കൃ​ഷ്ണ​പാ​ൽ, ഭ​ര​ത്, സ​ഞ്ജു യാ​ദ​വ്, മേ​ഘ്‌​രാ​ജ്, സു​രേ​ഷ് ഗു​പ്ത എ​ന്നി​വ​രെ​യും കു​റ്റ​ക്കാ​രാ​ണെ​ന്ന് ക​ണ്ടെ​ത്തു​ക​യാ​യി​രു​ന്നു. മ​റ്റ് പ്ര​തി​ക​ളെ തെ​ളി​വു​ക​ളു​ടെ അ​ഭാ​വ​ത്തി​ൽ കോ​ട​തി വെ​റു​തെ വി​ട്ടു.