മോദി മുംബൈയിൽ തെരഞ്ഞെടുപ്പ് റാലിയെ അഭിസംബോധന ചെയ്യും |

Click here for detailed news of all items

മോദി മുംബൈയിൽ തെരഞ്ഞെടുപ്പ് റാലിയെ അഭിസംബോധന ചെയ്യും

Thursday, May 16, 2024 1:53 AM IST

മുംബൈ: പ്രധാനമന്ത്രി നരേന്ദ്ര മോദി വെള്ളിയാഴ്ച മുംബൈയിലെ ശിവാജി പാർക്കിൽ തെരഞ്ഞെടുപ്പ് റാലിയെ അഭിസംബോധന ചെയ്യും. മഹാരാഷ്ട്ര ബിജെപി അധ്യക്ഷൻ ചന്ദ്രശേഖർ ബവൻകുലെയാണ് ഇക്കാര്യം അറിയിച്ചത്.

ലോക്‌സഭാ തെരഞ്ഞെടുപ്പിൽ ബിജെപി നേതൃത്വത്തിലുള്ള എൻഡിഎ സ്ഥാനാർഥികൾക്ക് പിന്തുണ പ്രഖ്യാപിച്ച എംഎൻഎസ് മേധാവി രാജ് താക്കറെയെ കണ്ടതിന് ശേഷം മാധ്യമപ്രവർത്തകരോട് സംസാരിക്കുകയായിരുന്നു ബവൻകുലെ.

"പ്രധാനമന്ത്രി മോദി വെള്ളിയാഴ്ച ശിവാജി പാർക്കിൽ തെരഞ്ഞെടുപ്പ് റാലിയെ അഭിസംബോധന ചെയ്യും. ഞാൻ രാജ് താക്കറെയെ റാലിയിലേക്ക് ക്ഷണിച്ചു, അദ്ദേഹം അതിൽ പങ്കെടുക്കാൻ സമ്മതിച്ചു'- ചന്ദ്രശേഖർ ബവൻകുലെ പറഞ്ഞു. ‌‌

താക്കറെയുടെ എൻഡിഎ സ്ഥാനാർഥികൾക്കുള്ള പിന്തുണയും വോട്ടർമാരോടുള്ള അദ്ദേഹത്തിന്‍റെ അഭ്യർഥനയും ഫലത്തിൽ പ്രതിഫലിക്കും. അടുത്ത കുറച്ച് ദിവസങ്ങളിൽ തെരഞ്ഞെടുപ്പ് പ്രചാരണത്തിനായി ഞങ്ങളോടൊപ്പം ചേരാൻ ഞങ്ങൾ അദ്ദേഹത്തോട് ആവശ്യപ്പെട്ടിട്ടുണ്ടെന്നും ബവൻകുലെ അറിയിച്ചു.

ബുധനാഴ്ച, പ്രധാനമന്ത്രി മഹാരാഷ്ട്രയിലെ നാസിക്, താനെ ജില്ലകളിൽ എത്തിയിരുന്നു. മുംബൈയിൽ റോഡ്ഷോയും നടത്തി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.