ഔദ്യോഗികമായി വിവാഹിതരല്ലാത്തവരുടെ മക്കള്‍ക്കും മാതാപിതാക്കളുടെ പൂര്‍വികസ്വത്തില്‍ അവകാശം: സുപ്രീം കോടതി |

Click here for detailed news of all items

ഔദ്യോഗികമായി വിവാഹിതരല്ലാത്തവരുടെ മക്കള്‍ക്കും മാതാപിതാക്കളുടെ പൂര്‍വികസ്വത്തില്‍ അവകാശം: സുപ്രീം കോടതി

Friday, September 1, 2023 5:04 PM IST
വെബ് ഡെസ്ക്

ന്യൂഡല്‍ഹി: ഔദ്യോഗികമായി വിവാഹം നടത്തിയിട്ടില്ലാത്ത ദമ്പതികളുടെ മക്കള്‍ക്ക് മാതാപിതാക്കളുടെ പൂര്‍വിക സ്വത്തിലും അവകാശമുണ്ടെന്ന് സുപ്രീം കോടതി. കൂട്ടു കുടുംബ വ്യവസ്ഥിതിയിൽ കഴിയുന്ന ഹിന്ദു കുടുബങ്ങൾക്കുള്ള പിന്തുടര്‍ച്ചാവകാശ നിയമ പ്രകാരം പൂര്‍വിക സ്വത്തിന് കുട്ടികള്‍ക്ക് അവകാശമുന്നയിക്കാമെന്നാണ് കോടതി ചൂണ്ടിക്കാട്ടിയത്.

2011ല്‍ രണ്ടംഗ ബെഞ്ച് ഇറക്കിയ ഉത്തരവിനെതിരെ (രേവണസിദ്ധപ്പ vs മല്ലികാര്‍ജുന്‍ കേസ്) വന്ന ഹര്‍ജിയിലാണ് ചീഫ് ജസ്റ്റീസ് ഡി. വൈ. ചന്ദ്രചൂഢ് അധ്യക്ഷനായ മൂന്നംഗ ബെഞ്ചിന്‍റെ വിധി.

ഇതോടെ ഔദ്യോഗികമായി വിവാഹിതരല്ലാത്ത ദമ്പതികളുടെ മക്കള്‍ക്ക് മാതാപിതാക്കളുടെ പൂര്‍വിക സ്വത്തില്‍ അവകാശമില്ലെന്ന മദ്രാസ് ഹൈക്കോടതിയുടെ വിധിയും സുപ്രീം കോടതി റദ്ദാക്കി.

ഇതുപോലുള്ള കേസുകളില്‍ ദമ്പതികള്‍ സ്വയം സമ്പാദിച്ച സ്വത്തില്‍ മാത്രമാണ് മക്കള്‍ക്ക് അവകാശമെന്നാണ് അന്ന് മദ്രാസ് ഹൈക്കോടതി വിധിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.