കൊ​ളം​ബോ: ഏ​ഷ്യാ ക​പ്പ് സൂ​പ്പ​ർ ഫോ​ർ പോ​രാ​ട്ട​ത്തി​ൽ പാ​ക്കി​സ്ഥാ​നെ​തി​രെ ഇ​ന്ത്യ​യ്ക്ക് 228 റ​ൺ​സി​ന്‍റെ കൂ​റ്റ​ൻ ജ​യം. റ​ൺ മാ​ർ​ജി​നി​ന്‍റെ അ​ടി​സ്ഥാ​ന​ത്തി​ൽ നീ​ല​പ്പ​ട പാ​ക്കി​സ്ഥാ​നെ​തി​രെ നേ​ടു​ന്ന ഏ​റ്റ​വും വ​ലി​യ വി​ജ​യ​മെ​ന്ന റി​ക്കാ​ർ​ഡും കൊ​ളം​ബോ​യി​ൽ പി​റ​ന്നു.

ഇ​ന്ത്യ ഉ​യ​ർ​ത്തി​യ 357 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന പാ​ക്കി​സ്ഥാ​ന്‍റെ ഇ​ന്നിം​ഗ്സ് 128 റ​ൺ​സി​ൽ അ​വ​സാ​നി​ച്ചു. ന​സീം ഷാ, ​ഹാ​രി​സ് റൗ​ഫ് എ​ന്നി​വ​ർ പ​രി​ക്കേ​റ്റ് ബാ​റ്റിം​ഗി​ന് ഇ​റ​ങ്ങാ​തി​രു​ന്ന​തോ​ടെ, എ​ട്ട് വി​ക്ക​റ്റ് വീ​ണ​പ്പോ​ൾ ത​ന്നെ പാ​ക് ഇ​ന്നിം​ഗ്സി​ന് അ​വ​സാ​നം വ​ന്നു.

സ്കോ​ർ:
ഇ​ന്ത്യ 356/2(50)
പാ​ക്കി​സ്ഥാ​ൻ 128/8(32)

എ​ട്ട് ഓ​വ​റി​ൽ 25 റ​ൺ​സ് മാ​ത്രം വ​ഴ​ങ്ങി അ​ഞ്ച് വി​ക്ക​റ്റ് വീ​ഴ്ത്തി​യ കു​ൽ​ദീ​പ് യാ​ദ​വ് ആ​ണ് പാ​ക്കി​സ്ഥാ​നെ ക​ശ​ക്കി​യെ​റി​ഞ്ഞ​ത്. 27 റ​ൺ​സ് നേ​ടി​യ ഫ​ഖ​ർ സ​മാ​ൻ ആ​ണ് പാ​ക് നി​ര​യി​ലെ ടോ​പ് സ്കോ​റ​ർ. ഇ​ഫ്തി​ഖ​ർ അ​ഹ്മ​ദ്(23), അ​ഗാ സ​ൽ​മാ​ൻ(23) എ​ന്നി​വ​രൊ​ഴി​കെ മ​റ്റാ​ർ​ക്കും പാ​ക് നി​ര​യി​ൽ ഭേ​ദ​പ്പെ​ട്ട പ്ര​ക​ട​നം പോ​ലും പു​റ​ത്തെ​ടു​ക്കാ​നാ​യി​ല്ല.

പ​രി​ക്ക് മൂ​ലം മാ​സ​ങ്ങ​ളാ​യി വി​ശ്ര​മ​ത്തി​ലാ​യി​രു​ന്ന കെ.​എ​ൽ. രാ​ഹു​ൽ(111*), അ​ന്താ​രാ​ഷ്ട്ര ക്രി​ക്ക​റ്റി​ലേ​ക്കു​ള്ള ത​ന്‍റെ മ​ട​ങ്ങി​വ​ര​വ് വി​രാ​ട് കോ​ഹ്‌​ലി​ക്കൊ​പ്പം(122*) വെ​ടി​ക്കെ​ട്ട് ന​ട​ത്തി ആ​ഘോ​ഷി​ച്ച​തോ​ടെ​യാ​ണ് ഇ​ന്ത്യ കൂ​റ്റ​ൻ സ്കോ​റി​ലെ​ത്തി​യ​ത്.

മ​ഴ മൂ​ലം റി​സ​ർ​വ് ദി​ന​ത്തി​ലേ​ക്ക് മാ​റ്റി​വ​ച്ച പോ​രാ​ട്ട​ത്തി​ൽ ര​ണ്ട് വി​ക്ക​റ്റ് ന​ഷ്ട​ത്തി​ൽ 147 റ​ൺ​സ് എ​ന്ന നി​ല​യി​ൽ 24.1-ാം ഓ​വ​റി​ലാ​ണ് ഇ​ന്ത്യ​ൻ ഇ​ന്നിം​ഗ്സ് ഇ​ന്ന് പു​ന​രാ​രം​ഭി​ച്ച​ത്.

എ​ട്ട് റ​ൺ​സു​മാ​യി ബാ​റ്റിം​ഗ് പു​ന​രാ​രം​ഭി​ച്ച കോ​ഹ്‌​ലി, ഒ​മ്പ​ത് ഫോ​റു​ക​ളും മൂ​ന്ന് സി​ക്സ​റു​ക​ളും പാ​യി​ച്ച് ഏ​ക​ദി​ന ക​രി​യ​റി​ലെ 47-ാം സെ​ഞ്ചു​റി പൂ​ർ​ത്തി​യാ​ക്കു​ക​യും 13,000 റ​ൺ ക്ല​ബി​ൽ ഇ​ടം​പി​ടി​ക്കു​ക​യും ചെ​യ്തു.

106 പ​ന്തു​ക​ൾ നീ​ണ്ട ഇ​ന്നിം​ഗ്സി​ൽ രാ​ഹു​ൽ 12 ഫോ​റു​ക​ളും ര​ണ്ട് സി​ക്സ​റു​ക​ളും അ​ടി​ച്ചെ​ടു​ത്തു. 10 ഓ​വ​റി​ൽ ഷ​ഹീ​ൻ ആ​ഫ്രീ​ദി 79 റ​ൺ​സ് ന​ൽ​കി ഇ​ന്ത്യ​യെ സ​ഹാ​യി​ച്ച​പ്പോ​ൾ ഫ​ഹീം അ​ഷ്റ​ഫ് 74 റ​ൺ​സും ഷ​ദാ​ബ് ഖാ​ൻ 71 റ​ൺ​സും വി​ട്ടു​ന​ൽ​കി.