തി​രു​വ​ന​ന്ത​പു​രം: കാ​ട്ടാ​ക്ക​ട​യി​ൽ വി​ദ്യാ​ർ​ഥി​യെ കാ​റി​ടി​ച്ച് കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി​യു​മാ​യി തെ​ളി​വെ​ടു​പ്പ് തു​ട​ങ്ങി. സം​ഭ​വ സ്ഥ​ല​ത്ത് ക​ന​ത്ത പോ​ലീ​സ് കാ​വ​ലി​ൽ പ്ര​തി​യെ എ​ത്തി​ച്ചാ​ണ് തെ​ളി​വെ​ടു​പ്പ് ന​ട​ത്തി​യ​ത്.

മൂ​ന്ന് മി​നി​റ്റോ​ളം മാ​ത്ര​മാ​ണ് പ്ര​തി​യെ സ്ഥ​ല​ത്ത് നി​ർ​ത്തി​യ​ത്. സം​ഭ​വ​ത്തി​ന്‍റെ വി​ശ​ദാം​ശ​ങ്ങ​ൾ അ​ന്വേ​ഷ​ണ സം​ഘം പ്ര​തി​യി​ൽ നി​ന്നും ചോ​ദി​ച്ച​റി​ഞ്ഞു. അ​നി​ഷ്ട സം​ഭ​വ​ങ്ങ​ൾ ഭ​യ​ന്ന പോ​ലീ​സി​ന് കാ​ര്യ​മാ​യ പ്ര​തി​ഷേ​ധ​ങ്ങ​ൾ ഉ​ണ്ടാ​കാ​തി​രു​ന്ന​ത് ആ​ശ്വാ​സ​മാ​യി.

തി​ങ്ക​ളാ​ഴ്ച കാ​ട്ടാ​ക്ക​ട പോ​ലീ​സ് സ്‌​റ്റേ​ഷ​നു മു​ന്നി​ൽ നാ​ട്ടു​കാ​ർ പ്ര​തി പ്രി​യ​ര​ഞ്ജ​നെ കൂ​ക്കി​വി​ളി​ക്കു​ക​യും ആ​ക്ര​മി​ക്കാ​ൻ ശ്ര​മി​ക്കു​ക​യും ചെ​യ്തി​രു​ന്നു. ഒ​ടു​വി​ൽ ഗേ​റ്റ് പൂ​ട്ടി​യാ​ണ് പ്ര​തി​യെ സ്റ്റേ​ഷ​നി​ൽ എ​ത്തി​ച്ച​ത്. ഇ​ത് കാ​ര​ണം ക​ന​ത്ത സു​ര​ക്ഷ​യി​ലാ​യി​രു​ന്നു ഇ​ന്ന​ത്തെ തെ​ളി​വെ​ടു​പ്പ്.

കൂ​ടു​ത​ൽ ചോ​ദ്യം ചെ​യ്യു​ന്ന​തി​നാ​യി പ്ര​തി​യെ ക​സ്റ്റ​ഡി​യി​ൽ വാ​ങ്ങു​മെ​ന്നു കാ​ട്ടാ​ക്ക​ട ഡി​വൈ​എ​സ്പി ഷി​ബു പ​റ​ഞ്ഞു. ഇ​തി​നാ​യി പോ​ലീ​സ് ക​സ്റ്റ​ഡി അ​പേ​ക്ഷ ന​ൽ​കും. ഈ ​സം​ഭ​വ​ത്തി​ൽ മ​റ്റാ​ർ​ക്കെ​ങ്കി​ലും പ​ങ്കു​ണ്ടോ, സ​ഹാ​യം കി​ട്ടി​യി​ട്ടു​ണ്ടോ വേ​റെ കാ​ര​ണം കൊ​ണ്ടാ​ണോ കൊ​ന്ന​ത് എ​ന്ന​ത​ട​ക്കം പ്ര​തി​യി​ൽ​നി​ന്നു മ​ന​സി​ലാ​ക്കേ​ണ്ട​തു​ണ്ട്. ഇ​തി​ന് പോ​ലീ​സ് ക​സ്റ്റ​ഡി ആ​വ​ശ്യ​മാ​യി വ​രു​മെ​ന്നും അ​ന്വേ​ഷ​ണ സം​ഘം പ​റ​യു​ന്നു.

ഇ​നി​യും ഭീ​തി​യൊ​ഴി​യാ​തെ ആ​ദി​ശേ​ഖ​റി​ന്‍റെ കൂ​ട്ടു​കാ​ര​ൻ

ത​ന്‍റെ ക​ൺ​മു​ന്നി​ൽ ക​ണ്ട കൊ​ല​യു​ടെ ഭീ​തി​യും അ​തി​നു പി​ന്നാ​ലെ​യു​ണ്ടാ​യ ഞെ​ട്ട​ലി​ലു​മാ​ണ് കൊ​ല്ല​പ്പെ​ട്ട ആ​ദി​ശേ​ഖ​റി​ന്‍റെ കൂ​ട്ടു​കാ​ര​ൻ. പ്രി​യ സു​ഹൃ​ത്തി​ന്‍റെ വി​യോ​ഗം നേ​രി​ൽ ക​ണ്ട​തി​ന്‍റെ ഞെ​ട്ട​ൽ ഇ​പ്പോ​ഴും മാ​റി​യി​ട്ടി​ല്ല.

സം​ഭ​വ​ത്ത​ക്കു​റി​ച്ച് സു​ഹൃ​ത്ത് പ​റ​യു​ന്ന​ത് ഇ​ങ്ങ​നെ- റോ​ഡി​ൽ നി​റു​ത്തി​യി​ട്ടി​രു​ന്ന കാ​ർ പ​തു​ക്കെ​യാ​ണ് നീ​ങ്ങി​യ​ത്. പി​ന്നെ വേ​ഗ​ത്തി​ൽ മു​ന്നോ​ട്ടു​വ​ന്നു. ഈ ​സ​മ​യം സൈ​ക്കി​ൾ വ​ള​യ്ക്കു​ക​യാ​യി​രു​ന്നു ആ​ദി​ശേ​ഖ​ർ.

തൊ​ട്ടു പി​ന്നാ​ലെ വേ​ഗ​ത്തി​ൽ കാ​ർ പെ​ട്ടെ​ന്നു ഞ​ങ്ങ​ൾ​ക്ക് നേ​രെ വ​ന്നു. ഇ​ടി​ക്കാ​തി​രി​ക്കാ​ൻ ഞാ​ൻ ക്ഷേ​ത്ര വ​ഴി​യി​ലേ​ക്ക് എ​ടു​ത്തു ചാ​ടി. കാ​ർ വേ​ഗ​ത്തി​ൽ വ​രു​ന്ന​ത് ക​ണ്ട് ആ​ദി​ശേ​ഖ​ർ പി​ന്നി​ലേ​ക്ക് തി​രി​ഞ്ഞു നോ​ക്കി​യ​പ്പോ​ൾ ഇ​ടി​ച്ചു​തെ​റി​പ്പി​ച്ചു.

റോ​ഡി​ന്‍റെ മ​ധ്യ​ഭാ​ഗ​ത്തേ​ക്കാ​ണ് ആ​ദി​ശേ​ഖ​ർ വീ​ണ​ത്. സൈ​ക്കി​ളി​ലും ശ​രീ​ര​ത്തി​ന്‍റെ ഒ​രു ഭാ​ഗ​ത്തും കൂ​ടി കാ​ർ ക​യ​റി​യി​റ​ങ്ങു​ക​യാ​യി​രു​ന്നു​വെ​ന്നും സു​ഹൃ​ത്ത് പ​റ​യു​ന്നു. അ​മ്മ​വീ​ടാ​യ പു​ളി​ങ്കോ​ട് അ​വ​ധി​ക്ക് വ​ന്ന​താ​ണ് ആ​ദി​ശേ​ഖ​റി​ന്‍റെ സു​ഹൃ​ത്ത്.