ഇന്ത്യക്കാർ ഉൾപ്പടെ കൊല്ലപ്പെട്ട നേപ്പാൾ വിമാനദുരന്തം; മാനുഷിക പിഴവ് മൂലമെന്ന് റിപ്പോര്‍ട്ട് |

Click here for detailed news of all items

ഇന്ത്യക്കാർ ഉൾപ്പടെ കൊല്ലപ്പെട്ട നേപ്പാൾ വിമാനദുരന്തം; മാനുഷിക പിഴവ് മൂലമെന്ന് റിപ്പോര്‍ട്ട്

Thursday, December 28, 2023 10:52 PM IST

കാഠ്മണ്ഡു: നേപ്പാളിലെ പൊഖാറയിൽ ഈ വർഷം ആദ്യം ഇന്ത്യക്കാർ ഉൾപ്പടെ 72 പേർ കൊല്ലപ്പെട്ട യെതി എയർലൈൻസിന്‍റെ വിമാനം തകർന്നത് മാനുഷിക പിഴവ് കാരണമെന്ന് റിപ്പോർട്ട്. ഇതുസംബന്ധിച്ച് അഞ്ചംഗ അന്വേഷണ കമ്മീഷൻ സർക്കാരിന് സമർപ്പിച്ച റിപ്പോർട്ടിലാണ് ഇക്കാര്യം സൂചിപ്പിക്കുന്നത്.

ജനുവരി 15നാണ് അഞ്ച് ഇന്ത്യക്കാർ ഉൾപ്പെടെ 72 പേരുടെ മരണത്തിനിടയാക്കിയ യെതി എയർലൈൻസിന്‍റെ വിമാനം തകർന്നത്.

അപകടം നടന്ന ദിവസം തന്നെ സർക്കാർ അഞ്ചംഗ അന്വേഷണ കമ്മിഷനെ നിയോഗിച്ചിരുന്നു. മുൻ സെക്രട്ടറി നാഗേന്ദ്ര പ്രസാദ് ഗിമിറെയുടെ ഏകോപനത്തിൽ രൂപവത്കരിച്ച കമ്മിഷൻ സാംസ്കാരിക, ടൂറിസം, വ്യോമയാന മന്ത്രി സുഡാൻ കിരാതിക്ക് റിപ്പോർട്ട് സമർപ്പിച്ചു.

അന്വേഷണം നടത്തി റിപ്പോർട്ട് തയാറാക്കുന്നതിന് എട്ട് മാസവും മൂന്ന് ദിവസവും എടുത്തു. അന്വേഷണ കമ്മിഷന്‍റെ നിർദേശങ്ങൾ കർശനമായി നടപ്പാക്കാൻ മന്ത്രി കിരാതി കീഴ്ഘടകങ്ങൾക്ക് നിർദേശം നൽകിയതായാണ് വിവരം.

പൊഖാറയിൽ ലാൻഡ് ചെയ്യുന്നതിനു തൊട്ടു മുൻപാണ് യെതി എയർലൈൻസിന്‍റെ 9എൻ-എഎൻസി എടിആർ-72 വിമാനം നിയന്ത്രണം നഷ്ടപ്പെട്ട് തകർന്നു വീണത്.

അഭിഷേക് കുശ്‍വാഹ (25), ബിഷാൽ ശർമ (22), അനിൽ കുമാർ രാജ്ഭാർ (27), സോനു ജയ്സ്വാൾ (35), സഞ്ജയ് ജയ്സ്വാൾ (26) എന്നിവരാണ് അപകടത്തിൽ മരിച്ച ഇന്ത്യക്കാർ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.