മഹാരാഷ്ട്രയിലെ ഗ്ലൗസ് ഫാക്ടറിയിൽ വൻ തീപിടിത്തം; ആറുപേർ മരിച്ചു |

Click here for detailed news of all items

മഹാരാഷ്ട്രയിലെ ഗ്ലൗസ് ഫാക്ടറിയിൽ വൻ തീപിടിത്തം; ആറുപേർ മരിച്ചു

Sunday, December 31, 2023 9:43 AM IST

മുംബൈ: മഹാരാഷ്ട്രയിലെ ഗ്ലൗസ് ഫാക്ടറിയിലുണ്ടായ വൻ തീപിടിത്തത്തിൽ ആറ് പേർ മരിച്ചു. ഛത്രപതി സംഭാജിനഗറിൽ ഇന്ന് പുലർച്ചെയാണ് അപകടമുണ്ടായത്.

വാലുജ് എംഐഡിസി ഏരിയയിലെ ഫാക്ടറിയിൽ പുലർച്ചെ 02:15 ഓടെയാണ് തീപിടിത്തമുണ്ടായതെന്ന് അഗ്നിശമന വകുപ്പ് ഉദ്യോഗസ്ഥർ പറഞ്ഞു.

പുലർച്ചെ 2:15 ന് ഞങ്ങൾക്ക് ഒരു കോൾ ലഭിച്ചു, ഞങ്ങൾ സംഭവസ്ഥലത്ത് എത്തുമ്പോൾ, ഫാക്ടറി മുഴുവൻ തീപിടിച്ചിരുന്നു. ആറ് പേർ അകത്ത് കുടുങ്ങിക്കിടക്കുന്നതായി നാട്ടുകാർ അറിയിച്ചു. ഉദ്യോഗസ്ഥർ അകത്ത് കയറി പരിശോധിച്ചപ്പോൾ ആറ് പേരുടെ മൃതദേഹങ്ങൾ കണ്ടെടുത്തു.- അഗ്നിശമന ഉദ്യോഗസ്ഥനായ മോഹൻ മുഗ്സെ എഎൻഐയോട് പറഞ്ഞു.

കമ്പനി അടച്ചിട്ടിരിക്കുകയായിരുന്നുവെന്നും ഉറങ്ങുകയായിരുന്ന തൊഴിലാളികളാണ് മരിച്ചതെന്നും നാട്ടുകാർ പറഞ്ഞു.

തീപിടിത്തം ഉണ്ടാകുമ്പോൾ 10-15 തൊഴിലാളികൾ കെട്ടിടത്തിനുള്ളിൽ ഉറങ്ങുകയായിരുന്നു. ചിലർ രക്ഷപ്പെട്ടു, എന്നാൽ ബാക്കിയുള്ളവർ അകത്ത് കുടുങ്ങുകയായിരുന്നു. അതേസമയം, തീപിടിക്കാനുണ്ടായ കാരണം ഇതുവരെ കണ്ടെത്താനായിട്ടില്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.