ദളിത് പെൺകുട്ടിയെ പീഡിപ്പിച്ചു കൊന്നു; പോലീസുകാരൻ അറസ്റ്റിൽ |

Click here for detailed news of all items

ദളിത് പെൺകുട്ടിയെ പീഡിപ്പിച്ചു കൊന്നു; പോലീസുകാരൻ അറസ്റ്റിൽ

Tuesday, January 2, 2024 8:13 PM IST

ആഗ്ര: ഉത്തർപ്രദേശിൽ ദളത് പെൺകുട്ടിയെ പീഡിപ്പിച്ച് കൊലപ്പെടുത്തിയ പോലീസ് ഉദ്യോഗസ്ഥൻ അറസ്റ്റിൽ. ആഗ്രയിലാണ് സംഭവം.

25കാരിയാണ് കൊല്ലപ്പെട്ടത്. പോലീസുകാരൻ താമസിക്കുന്ന വാടക മുറിയിൽ തൂങ്ങി മരിച്ച നിലയിൽ ഡിസംബർ 29നാണ് പെൺകുട്ടിയുടെ മൃതദേഹം കണ്ടെത്തിയത്. സംഭവത്തിന് ഒരു ദിവസം മുമ്പ് യുവതി പോലീസുകാരന്‍റെ വാടക മുറി സന്ദർശിച്ചിരുന്നുവെന്ന് പോലീസ് പറഞ്ഞു.

25 കാരിയായ യുവതിയെ വാടകമുറിയിൽ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ പോലീസ് കോൺസ്റ്റബിൾ രാഘവേന്ദ്ര സിംഗ് (27) അറസ്റ്റിലായതായി അസിസ്റ്റന്‍റ് പോലീസ് കമ്മീഷണർ (എസിപി), ഛാട്ട പറഞ്ഞു.

ഐപിസി സെക്ഷൻ 306, 376, എസ്‌സി/എസ്ടി ആക്‌ട് എന്നിവ പ്രകാരമാണ് ആഗ്ര പോലീസ് ഇയാൾക്കെതിരെ കേസെടുത്തിരിക്കുന്നത്. തൂങ്ങിമരിച്ചതാണ് മരണകാരണമെന്ന് പോസ്റ്റ്‌മോർട്ടം റിപ്പോർട്ടിൽ വ്യക്തമാണ്.

ഝാൻസി സ്വദേശിയായ കോൺസ്റ്റബിൾ രാഘവേന്ദ്ര സിംഗ് ബെലംഗഞ്ചിൽ വാടകയ്ക്ക് താമസിക്കുകയായിരുന്നു. പണ്ട് മുതലേ അറിയാവുന്നവരായിരുന്നു ഇരുവരും. ഗുരുഗ്രാമിലെ കിഡ്‌നി സെന്‍ററിൽ ജോലി ചെയ്യുകയായിരുന്നു പെൺകുട്ടി. പെൺകുട്ടിയുടെ വീട്ടുകാരുടെ പരാതിയിൽ ഞായറാഴ്ചയാണ് ഇയാളെ അറസ്റ്റ് ചെയ്തത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.