രാമജ്യോതി തെളിയിച്ച് യുപി മുഖ്യമന്ത്രി യോഗി ആദിത്യനാഥ് |

Click here for detailed news of all items

രാമജ്യോതി തെളിയിച്ച് യുപി മുഖ്യമന്ത്രി യോഗി ആദിത്യനാഥ്

Tuesday, January 23, 2024 7:10 AM IST

ലക്നോ: അയോധ്യയിൽ 'പ്രാണപ്രതിഷ്ഠ' ചടങ്ങിന് പിന്നാലെ സ്വന്തം വസതിയിൽ രാമജ്യോതി തെളിയിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. പ്രാൺ പ്രതിഷ്ഠ ചടങ്ങിന് ശേഷം പ്രധാനമന്ത്രി നരേന്ദ്ര മോദിയും രാംജ്യോതി തെളിച്ചിരുന്നു.

ശുഭമായ അവസരത്തിൽ രാംജ്യോതി കത്തിച്ച് രാം ലല്ലയെ സ്വാഗതം ചെയ്യണമെന്ന് പ്രധാനമന്ത്രി ജനങ്ങളോട് അഭ്യർഥിച്ചു. അതേസമയം, മഹാരാഷ്ട്രയിലെ നാഗ്പൂരിലെ ആർഎസ്എസ് ആസ്ഥാനത്ത് പ്രവർത്തകർ കുടുംബസമേതം ദീപോത്സവം ആഘോഷിച്ചു.

രാംലല്ലയുടെ 'പ്രാണപ്രതിഷ്ഠ' ആഘോഷിക്കുന്നതിനായി ബിജെപി ദേശീയ അധ്യക്ഷൻ ജെപി നദ്ദ കുടുംബത്തോടൊപ്പം ഡൽഹിയിലെ അദ്ദേഹത്തിന്‍റെ വസതിയിൽ എണ്ണ വിളക്ക് തെളിയിച്ചു.

പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ ഒരു മണിക്കൂർ നീണ്ട ചടങ്ങുകൾക്ക് ശേഷം പ്രൺ പ്രതിഷ്ഠാ ചടങ്ങിലാണ് രാം ലല്ല വിഗ്രഹം അനാച്ഛാദനം ചെയ്തത്. ആർഎസ്എസ് മേധാവി മോഹൻ ഭഗവത്, ഉത്തർപ്രദേശ് ഗവർണർ ആനന്ദിബെൻ പട്ടേൽ, മുഖ്യമന്ത്രി യോഗി ആദിത്യനാഥ് എന്നിവരും ചടങ്ങുകളിൽ സന്നിഹിതരായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.