തലശേരിയിൽ തമിഴ്നാട് സ്വദേശികളെ കൊള്ളയടിച്ച സംഭവം; അന്വേഷണം ഊർജിതം |

Click here for detailed news of all items

തലശേരിയിൽ തമിഴ്നാട് സ്വദേശികളെ കൊള്ളയടിച്ച സംഭവം; അന്വേഷണം ഊർജിതം

Wednesday, January 31, 2024 7:50 PM IST

തലശേരി: കാറ് വില്പനയുടെ മറവിൽ പട്ടാപ്പകൽ നഗരമധ്യത്തിൽ തമിഴ്നാട് സ്വദേശികളെ തട്ടിക്കൊണ്ടുപോയി 1,65,000 രൂപ കൊള്ളയടിച്ച സംഭവത്തിൽ അന്വേഷണം ഊർജിതെ. സംഭവത്തിൽ ഉളിക്കൽ മണിപ്പാറ സ്വദേശി ഇർഷാദി(31)നെ തലശേരി ടൗൺ പോലീസ് അറസ്റ്റ് ചെയ്തിട്ടുണ്ട്. സംഘത്തിലെ മറ്റുള്ളവർക്കായി തെരച്ചിൽ തുടരുകയാണ്. അക്രമി സംഘം ഉപയോഗിച്ച് കാർ പോലീസ് കണ്ടെടുത്തിരുന്നു.

തമിഴ്നാട് ഈറോഡ് സ്വദേശികളായ സുധാകർ, യോഗരാജ് എന്നിവരാണ് ചൊവ്വാഴ്ച തട്ടിപ്പിനിരയായത്. ഫേസ്ബുക്കിലൂടെ മാരുതി സ്വിഫ്റ്റ് കാർ വില്പനക്കുണ്ടെന്ന് പരസ്യം നൽകിയാണ് തമിഴ്നാട് സ്വദേശികളെ അക്രമി സംഘം തലശേരിയിലെത്തിച്ചത്.

ഇരുവരേയും റെയിൽവെ സ്റ്റേഷനിൽ നിന്നു കാറിൽ കയറ്റി മർദിച്ച് അവശരാക്കി പണം തട്ടിയെടുത്ത ശേഷം മാഹി ഭാഗത്ത് ഇറക്കി വിടുകയായിരുന്നു. അവശ നിലയിൽ സുധാകറും യോഗരാജും തലശേരി പോലീസ് സ്റ്റേഷനിൽ എത്തുകയും പരാതി നൽകുകയുമായിരുന്നു.

എസ്ഐ സജേഷ് ജോസിന്‍റെ നേതൃത്വത്തിലുള്ള പോലീസ് സംഘം നടത്തിയ ഊർജിത അന്വേഷണത്തിലാണ് ഒരാൾ അറസ്റ്റിലായത്. മണിപ്പാറയിലെ വീട് വളഞ്ഞാണ് ഇർഷാദിനെ പിടികൂടിയത്. മറ്റ് പ്രതികളെക്കുറിച്ചും വ്യക്തമായ വിവരം ലഭിച്ചിട്ടുള്ളതായി പോലീസ് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.