Latest News
ദ​ക്ഷി​ണാ​ഫ്രി​ക്ക​യ്ക്കെ​തി​രേ കി​വീ​സി​ന് കൂ​റ്റ​ൻ ജ​യം; പോ​യി​ന്‍റ് പ​ട്ടി​ക​യി​ൽ ഒ​ന്നാ​മ​ത്
ദ​ക്ഷി​ണാ​ഫ്രി​ക്ക​യ്ക്കെ​തി​രേ കി​വീ​സി​ന് കൂ​റ്റ​ൻ ജ​യം; പോ​യി​ന്‍റ് പ​ട്ടി​ക​യി​ൽ ഒ​ന്നാ​മ​ത്
Wednesday, February 7, 2024 1:07 PM IST
മൗ​ണ്ട് മാം​ഗ​നൂ​യി: ദ​ക്ഷി​ണാ​ഫ്രി​ക്ക​യ്ക്കെ​തി​രാ​യ ഒ​ന്നാം ക്രി​ക്ക​റ്റ് ടെ​സ്റ്റി​ല്‍ ന്യൂ​സി​ല​ന്‍​ഡി​ന് 281 റ​ണ്‍​സി​ന്‍റെ കൂ​റ്റ​ൻ ജ​യം. നാ​ലാം ദി​നം 529 റ​ണ്‍​സ് വി​ജ​യ​ല​ക്ഷ്യം പി​ന്തു​ട​ര്‍​ന്ന് ബാ​റ്റിം​ഗി​നി​റ​ങ്ങി​യ ദ​ക്ഷി​ണാ​ഫ്രി​ക്ക 247 റ​ണ്‍​സി​ന് പു​റ​ത്താ​യി.

58 റ​ൺ​സ് വ​ഴ​ങ്ങി നാ​ലു​വി​ക്ക​റ്റ് വീ​ഴ്ത്തി​യ കെ​യ്ൽ ജാ​മി​സ​ണും 59 റ​ൺ​സ് വ​ഴ​ങ്ങി മൂ​ന്നു​വി​ക്ക​റ്റ് വീ​ഴ്ത്തി​യ മി​ച്ച​ൽ സാ​ന്‍റ്ന​റു​മാ​ണ് സ​ന്ദ​ർ​ശ​ക​രെ എ​റി​ഞ്ഞി​ട്ട​ത്. 87 റ​ണ്‍​സെ​ടു​ത്ത ഡേ​വി​ഡ് ബെ​ഡിം​ഗ്ഹാ​മി​നു മാ​ത്ര​മാ​ണ് ദ​ക്ഷി​ണാ​ഫ്രി​ക്ക​ൻ നി​ര​യി​ൽ പി​ടി​ച്ചു​നി​ല്ക്കാ​നാ​യ​ത്.

നേ​ര​ത്തെ ന്യൂ​സി​ല​ൻ​ഡ് നാ​ലി​ന് 179 റ​ൺ​സ് എ​ന്ന നി​ല​യി​ൽ ര​ണ്ടാ​മി​ന്നിം​ഗ്സ് ഡി​ക്ല​യ​ർ ചെ​യ്തി​രു​ന്നു. റ​ൺ​മ​ല പി​ന്തു​ട​ർ​ന്ന് ര​ണ്ടാ​മി​ന്നിം​ഗ്സി​ൽ ബാ​റ്റിം​ഗി​നി​റ​ങ്ങി​യ ദ​ക്ഷി​ണാ​ഫ്രി​ക്ക​യ്ക്ക് വീ​ണ്ടും തു​ട​ക്ക​ത്തി​ൽ അ​ടി​പ​ത​റി. സ്കോ​ർ​ബോ​ർ​ഡി​ൽ വെ​റും അ​ഞ്ചു​റ​ൺ​സ് കൂ​ട്ടി​ച്ചേ​ർ​ക്കു​ന്ന​തി​നി​ടെ ഓ​പ്പ​ണ​ർ​മാ​രാ​യ എ​ഡ്വേ​ർ​ഡ് മൂ​ർ (പൂ​ജ്യം), നാ​യ​ക​ൻ നീ​ൽ ബ്രാ​ൻ​ഡ് (മൂ​ന്ന്) എ​ന്നി​വ​ർ കൂ​ടാ​രം​ക​യ​റി.

പി​ന്നാ​ലെ ക്രീ​സി​ൽ ഒ​ന്നി​ച്ച റ​യ്നാ​ർ​ഡ് വാ​ൻ ടോ​ൻ​ഡ​റും സു​ബൈ​ർ ഹം​സ​യും ചേ​ർ​ന്ന് സ്കോ​ർ ഉ​യ​ർ​ത്തി. ഇ​രു​വ​രും ചേ​ർ​ന്ന് 63 റ​ൺ​സി​ന്‍റെ കൂ​ട്ടു​കെ​ട്ട് പ​ടു​ത്തു​യ​ർ​ത്തി. സ്കോ​ർ 68ൽ ​നി​ല്ക്കേ ടോ​ൻ​ഡ​റെ (31) പു​റ​ത്താ​ക്കി ജാ​മി​സ​ൺ കൂ​ട്ടു​കെ​ട്ട് പൊ​ളി​ച്ചു. ത​ന്‍റെ അ​ടു​ത്ത ഓ​വ​റി​ൽ സു​ബൈ​റി​നെ​യും (36) പു​റ​ത്താ​ക്കി ജാ​മി​സ​ൺ സ​ന്ദ​ർ​ശ​ക​രെ ഞെ​ട്ടി​ച്ചു.

നാ​ലു​വി​ക്ക​റ്റ് ന​ഷ്ട​ത്തി​ൽ 73 റ​ൺ​സ് എ​ന്ന നി​ല​യി​ൽ ഉ​ല​ഞ്ഞ ദ​ക്ഷി​ണാ​ഫ്രി​ക്ക​യെ ഡേ​വി​ഡ് ബെ​ഡിം​ഗ്ഹാം- കീ​ഗ​ൻ പീ​റ്റേ​ഴ്സ​ൺ സ​ഖ്യ​മാ​ണ് നൂ​റു​ക​ട​ത്തി​യ​ത്. ഇ​രു​വ​രും ചേ​ർ​ന്ന് 105 റ​ൺ​സ് കൂ​ട്ടു​കെ​ട്ട് പ​ടു​ത്തു​ട​ർ​ത്തി. 87 റ​ൺ​സെ​ടു​ത്ത ബെ​ഡിം​ഗ്ഹാ​മി​നെ​യും 16 റ​ൺ​സെ​ടു​ത്ത പീ​റ്റേ​ഴ്സ​ണെ​യും അ​ടു​ത്ത​ടു​ത്ത ഓ​വ​റു​ക​ളി​ൽ പു​റ​ത്താ​ക്കി ജാ​മി​സ​ൺ തി​രി​ച്ചെ​ത്തി​യ​തോ​ടെ ന്യൂ​സി​ല​ൻ​ഡ് വി​ജ​യം മ​ണ​ത്തു.


പി​ന്നീ​ട് കൃ​ത്യ​മാ​യ ഇ​ട​വേ​ള​ക​ളി​ൽ ദ​ക്ഷി​ണാ​ഫ്രി​ക്ക​യ്ക്ക് വി​ക്ക​റ്റു​ക​ൾ ന​ഷ്ട​മാ​യി​ക്കൊ​ണ്ടി​രു​ന്നു. ക്ലൈ​ഡ് ഫോ​ർ​ട്വി​ൻ (11), ഡ്വെ​ൻ ഒ​ലി​വ​ർ (ഒ​ന്ന്), ഷെ​പ്പോ മൊ​റേ​ക്കി (ആ​റ്), ഡെ​യ്ൻ പീ​റ്റേ​ഴ്സ​ൺ (15) എ​ന്നി​വ​ർ ചെ​റു​ത്തു​നി​ല്പ് കൂ​ടാ​തെ കീ​ഴ​ട​ങ്ങി​യ​തോ​ടെ ആ​സ​ന്ന​മാ​യ തോ​ൽ​വി ദ​ക്ഷി​ണാ​ഫ്രി​ക്ക ഏ​റ്റു​വാ​ങ്ങി. അ​വ​സാ​ന​ത്തെ മൂ​ന്നു​വി​ക്ക​റ്റും വീ​ഴ്ത്തി മി​ച്ച​ൽ സാ​ന്‍റ്ന​റാ​ണ് ആ​തി​ഥേ​യ​രു​ടെ ജ​യം വേ​ഗ​ത്തി​ലാ​ക്കി​യ​ത്. 34 റ​ൺ​സു​മാ​യി റു​വാ​ൻ ഡി ​സ്വാ​ർ​ട്ട് പു​റ​ത്താ​കാ​തെ നി​ന്നു.

വ​മ്പ​ന്‍ ജ​യ​ത്തോ​ടെ ലോ​ക ടെ​സ്റ്റ് ചാ​മ്പ്യ​ൻ​ഷി​പ്പ് പോ​യി​ന്‍റ് ടേ​ബി​ളി​ല്‍ ഓ​സ്ട്രേ​ലി​യ​യെ​യും ഇ​ന്ത്യ​യെ​യും പി​ന്ത​ള്ളി ന്യൂ​സി​ല​ന്‍​ഡ് ഒ​ന്നാം സ്ഥാ​ന​ത്തേ​ക്ക് ക​യ​റി. ഇ​തു​വ​രെ ക​ളി​ച്ച മൂ​ന്ന് ടെ​സ്റ്റി​ല്‍ ര​ണ്ട് ജ​യ​വും ഒ​രു പ​രാ​ജ​യ​മു​ള്ള ന്യൂ​സി​ല​ന്‍​ഡി​ന് 24 പോ​യി​ന്‍റാ​ണു​ള്ള​ത്. 10 ടെ​സ്റ്റി​ല്‍ ആ​റ് ജ​യ​വും മൂ​ന്ന് തോ​ല്‍​വി​യും ഒ​രു സ​മ​നി​ല​യു​മു​ൾ‌​പ്പെ​ടെ 66 പോ​യി​ന്‍റു​മാ​യി ഓ​സ്ട്രേ​ലി​യ ര​ണ്ടാം സ്ഥാ​ന​ത്താ​ണ്.

ആ​റ് ടെ​സ്റ്റി​ല്‍ മൂ​ന്ന് ജ​യ​വും ര​ണ്ട് തോ​ല്‍​വി​യും ഒ​രു സ​മ​നി​ല​യും അ​ട​ക്കം 38 പോ​യ​ന്‍റു​ള്ള ഇ​ന്ത്യ ര​ണ്ടാം സ്ഥാ​ന​ത്തു​നി​ന്ന് മൂ​ന്നി​ലേ​ക്ക് പി​ന്ത​ള്ള​പ്പെ​ട്ടു. ഇ​ന്ത്യ​ക്ക് പി​ന്നി​ലാ​യി ബം​ഗ്ലാ​ദേ​ശും പാ​കി​സ്ഥാ​നു​മാ​ണ് നാ​ലും അ​ഞ്ചും സ്ഥാ​ന​ങ്ങ​ളി​ല്‍. തോ​ല്‍​വി​യോ​ടെ 12 പോ​യി​ന്‍റു​മാ​യി ദ​ക്ഷി​ണാ​ഫ്രി​ക്ക ആ​റാം സ്ഥാ​ന​ത്ത് ത​ന്നെ തു​ട​രു​ക​യാ​ണ്. ഇ​ന്ത്യ​ക്കെ​തി​രാ​യ പ​ര​മ്പ​ര ക​ളി​ക്കു​ന്ന ഇം​ഗ്ല​ണ്ട് എ​ട്ടാം സ്ഥാ​ന​ത്താ​ണ്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.