കാലിഫോർണിയയിൽ കാണാതായ സൈനിക ഹെലികോപ്റ്റർ കണ്ടെത്തി |

Click here for detailed news of all items

കാലിഫോർണിയയിൽ കാണാതായ സൈനിക ഹെലികോപ്റ്റർ കണ്ടെത്തി

Thursday, February 8, 2024 6:49 AM IST

വാഷിംഗ്ടൺ ഡിസി: കാലിഫോർണിയയിൽ കാണാതായ സൈനിക ഹെലികോപ്റ്റർ കണ്ടെത്തി. എന്നാൽ ഹെലികോപ്റ്ററിലുണ്ടായിരുന്ന അഞ്ച് സൈനികരെ കണ്ടെത്താനായില്ല.

സൈനികർക്ക് വേണ്ടിയുള്ള തെരച്ചിൽ തുടരുകയാണെന്ന് യുഎസ് മറൈൻ കോർപ്സ് അറിയിച്ചു. നെവാഡയിലെ ക്രീച്ച് എയർഫോഴ്സ് ബേസിൽ നിന്ന് തെക്കൻ കാലിഫോർണിയയിലെ മറൈൻ കോർപ്സ് എയർ സ്റ്റേഷനായ മിറാമറിലേക്ക് പോയ സിഎച്ച്-53ഇ സൂപ്പർ സ്റ്റാലിയൻ ഹെലികോപ്റ്ററാണ് കഴിഞ്ഞ ദിവസം കാണാതായത്.

അഞ്ച് സൈനികരാണ് ഹെലികോപ്റ്ററിലുണ്ടായിരുന്നത്. അന്വേഷണത്തിൽ കാലിഫോർണിയയിലെ പൈൻ വാലിയിൽ നിന്നാണ് ഹെലികോപ്റ്റർ കണ്ടെത്തിയത്.

ഹെലികോപ്റ്ററിനൊപ്പം കണ്ടെത്തിയ അവശിഷ്ടങ്ങളെ കുറിച്ച് മറൈൻ കോർപ്സ് വിശദീകരണം നൽകിയിട്ടില്ല. ഹെലികോപ്റ്ററിലുണ്ടായിരുന്നവർ രക്ഷപ്പെട്ടിരിക്കാമെന്നാണ് സൂചന.

കഴിഞ്ഞ ഒരു വർഷമായി യുഎസ് സൈനിക വിമാനങ്ങൾ ഉൾപ്പെട്ട നിരവധി അപകടങ്ങൾ ഉണ്ടായിട്ടുണ്ട്. നവംബർ അവസാനത്തോടെ ജപ്പാൻ തീരത്ത് വി-22 ഓസ്പ്രേ ടിൽറ്റ്-റോട്ടർ വിമാനം തകർന്ന് എട്ട് വ്യോമസേനാംഗങ്ങൾ മരിച്ചിരുന്നു.

നവംബറിൽ തന്നെ, പരിശീലനത്തിനിടെ മെഡിറ്ററേനിയൻ കടലിൽ ഹെലികോപ്റ്റർ തകർന്ന് അഞ്ച് സൈനികർ മരിച്ചിരുന്നു. ഓഗസ്റ്റിൽ ഓസ്‌ട്രേലിയയിൽ നടന്ന മറ്റൊരു അപകടത്തിൽ മൂന്ന് നാവികർ മരിച്ചു.

ഏപ്രിലിൽ അലാസ്കയിലെ ഒരു വിദൂര പ്രദേശത്ത് പരിശീലന ദൗത്യം കഴിഞ്ഞ് മടങ്ങുകയായിരുന്ന രണ്ട് ഹെലികോപ്റ്ററുകൾ കൂട്ടിയിടിച്ചുണ്ടായ അപകടത്തിൽ മൂന്ന് സൈനികർ കൊല്ലപ്പെടുകയും ഒരാൾക്ക് പരിക്കേൽക്കുകയും ചെയ്തിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.