രാജ്യസഭയിലേക്ക് കമൽനാഥിനെ പരിഗണിക്കാതെ കോൺഗ്രസ് |

Click here for detailed news of all items

രാജ്യസഭയിലേക്ക് കമൽനാഥിനെ പരിഗണിക്കാതെ കോൺഗ്രസ്

Wednesday, February 14, 2024 9:22 PM IST

ന്യൂഡല്‍ഹി: മധ്യപ്രദേശ് മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായി കമൽനാഥിനെ രാജ്യസഭയിലേക്ക് പരിഗണിക്കാതെ കോൺഗ്രസ്. പാര്‍ട്ടി സംസ്ഥാന ട്രഷറര്‍ ആയിട്ടുള്ള അശോക് സിംഗിനാണ് മധ്യപ്രദേശിൽ കോണ്‍ഗ്രസ് ടിക്കറ്റ് നല്‍കിയിരിക്കുന്നത്.

നിലവിലെ കക്ഷി നിലയനുസരിച്ച് കോൺഗ്രസിനു മധ്യപ്രദേശിൽനിന്ന് ഒരംഗത്തെ മാത്രമേ രാജ്യസഭയിലേക്ക് അയക്കാൻ സാധിക്കൂ. കമല്‍നാഥ് രാജ്യസഭാ സീറ്റ് ആവശ്യപ്പെട്ടിരുന്നെങ്കിലും കോണ്‍ഗ്രസ് നേതൃത്വം മുഖംതിരിക്കുകയായിരുന്നു.

മധ്യപ്രദേശിൽ നിയമസഭാ തെരഞ്ഞെടുപ്പിൽ കോൺഗ്രസ് വലിയ തിരിച്ചടിയാണ് നേരിട്ടത്. പിന്നാലെ മുഖ്യമന്ത്രി സ്ഥാനാർഥിയായിരുന്ന കമൽനാഥിനെ പിസിസി അധ്യക്ഷ സ്ഥാനത്തുനിന്ന് കോൺഗ്രസ് മാറ്റിയിരുന്നു.

അജയ് മാക്കൻ, ഡോ സയ്യിദ് നസീർ ഹുസൈൻ, ജി.സി. ചന്ദ്രശേഖർ എന്നിവർക്ക് കർണാടകയിൽ നിന്ന് കോൺഗ്രസ് രാജ്യസഭയിലേക്ക് സീറ്റ് നൽകി. തെലുങ്കാനയിൽ നിന്ന് രേണുക ചൗധരി, എം. അനിൽ കുമാർ യാദവ് എന്നിവരെയാണ് കോൺഗ്രസ് മത്സരത്തിനിറക്കിയിരിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.