റെയിൽവേ ട്രാക്കിൽ അജ്ഞാത മൃതദേഹം; ട്രെയിനുകൾ വൈകി |

Click here for detailed news of all items

റെയിൽവേ ട്രാക്കിൽ അജ്ഞാത മൃതദേഹം; ട്രെയിനുകൾ വൈകി

Saturday, February 17, 2024 2:54 PM IST

കൊല്ലം: റെയിൽവേ ട്രാക്കിൽ അജ്ഞാത മൃതദേഹം കാണപ്പെട്ടതിനെ തുടർന്ന് ട്രെയിനുകൾ വൈകി. കൊല്ലത്തെ പെരിനാടിനും മൺട്രോരുത്തിനും മധ്യേയാണ് ട്രാക്കിൽ മൃതദേഹം കാണപ്പെട്ടത്. മംഗളൂരു-കൊച്ചുവേളി അന്ത്യോദയ എക്സ്പ്രസ് ഇടിച്ചാണ് അജ്ഞാതൻ മരിച്ചത്.

അപകടത്തിന് പിന്നാലെ മംഗലാപുരം-തിരുവനന്തപുരം മലബാർ എക്സ്പ്രസ് പെരിനാട് ഔട്ടറിൽ നിർത്തിയിട്ടു. പോലീസ് എത്തി ഇൻക്വസ്റ്റ് തയാറാക്കി മൃതദേഹം മാറ്റിയ ശേഷമാണ് മലബാർ എക്സ്പ്രസ് പുറപ്പെട്ടത്.

ഇതുകാരണം കൊല്ലം ഭാഗത്ത് നിന്നുള്ള ട്രെയിനുകൾ വൈകിയാണ് ഓടിയത്. കൊല്ലത്ത് നിന്ന് 7.05ന് പുറപ്പെടേണ്ട മലബാർ എക്സ്പ്രസ് 7.55-നാണ് യാത്ര തിരിച്ചത്. തൊട്ടുപിന്നാലെയുള്ള പൂനെ-കന്യാകുമാരി ജയന്തി ജനത എക്സ്പ്രസ്, മൈസുരു-കൊച്ചുവേളി എക്സ്പ്രസ്, വഞ്ചിനാട് എക്സ്പ്രസ്, ഇന്‍റർ സിറ്റി എക്സ്പ്രസ് എന്നിവയെല്ലാം വൈകി.

രാവിലെ കൃത്യസമയത്ത് കൊല്ലത്ത് എത്തിയ പുനലൂർ-കന്യാകുമാരി പാസഞ്ചർ ആറാം നമ്പർ പ്ലാറ്റ്ഫോമിൽ നിർത്തിയിട്ടു. എറണാകുളം-തിരുവനപുരം വഞ്ചിനാട് എക്സ്പ്രസ് പോയതിന് ശേഷമാണ് പാസഞ്ചർ കൊല്ലത്ത് നിന്ന് പുറപ്പെട്ടത്. അപ്രതീക്ഷിത വൈകലിനെ തുടർന്ന് യാത്രക്കാരും ദുരിതത്തിലായി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.